2017年8月11日 星期五

哈蜜瓜蟲草花百合豬展湯




每逢夏天 , 我都喜愛買水果用來煲湯或煮餸 , 皆因用水果煲的湯水在夏天方面 , 可以有消暑功效 , 秋天就有滋潤功效 , 以往只會用雪梨 , 貢梨及西瓜皮煲湯的我 , 今次就轉用哈蜜瓜皮來煲 , 事關袁生前幾天買了一個哈密瓜回家 , 瓜肉就用來做飯後果 , 瓜皮就用黎煲湯 ......



起初想用螺頭煲 , 但發現原來家中已經沒有 , 咁可以轉用咩材料呢 ??? 百合 ??? , 袁生一向都唔太愛百合 , 但百合有利尿作用 , 而且對煙酒過多人士飲用都好適合 , 麻煩友平時食咁多煙 , 呢款湯一定啱佢飲 , 另外加埋蟲草花 , 紅蘿蔔 , 豬展一齊煲 , 煲呀煲 ~~~ 煲左兩個幾鐘 , 煲到百合都溶晒 , 甜甜地又濃濃地 , 好味道



水果的皮用黎煲湯就絕對唔會浪費 , 大家下次買水果回家的時候 , 記得睇下水果皮可唔可以用黎煲湯先好掉呢 ^^



材料 : 哈蜜瓜皮 , 蟲草花 , 百合 , 豬展 , 蜜棗 , 南北杏 , 果皮(預先浸軟) , 紅蘿蔔 , 鹽




豬展放入煲內加水 , 用中火煮滾後盛起用水沖一沖洗及瀝乾 , 蟲草花浸水10分鐘後瀝乾水份 , 紅蘿蔔去皮切件 , 百合撕成一片片後用水沖洗及瀝乾 , 蜜棗及南北杏亦用水沖洗及瀝乾 , 果皮刮去囊撕成細塊 , 哈蜜瓜皮沖洗乾淨及瀝乾



















   
 
煲內放入豬展 , 紅蘿蔔 , 蜜棗 , 南北杏及果皮 , 加入適量水用中火先煲15分鐘至滾 , 再加入哈蜜瓜皮及蟲草花拌勻用中火再煲滾後蓋上蓋轉慢火煲 1 1/2小時

















加入百合繼續用慢火煲30分鐘 , 期間小心滾瀉 , 30分鐘後盛起豬展用叉撕成絲 , 放回煲內再加少許鹽調味拌勻 , 轉用中火再滾後熄火焗30分鐘即可



















材料
哈蜜瓜皮1個 , 蟲草花 , 百合4個 , 豬展 , 蜜棗2粒 , 南北杏 , 果皮2塊(預先浸軟) , 紅蘿蔔1條 , 鹽



做法
1. 豬展放入煲內加水 , 用中火煮滾後盛起用水沖一沖洗及瀝乾 

2. 蟲草花浸水10分鐘後瀝乾水份 

3. 紅蘿蔔去皮切件 , 百合撕成一片片後用水沖洗及瀝乾 

4. 蜜棗及南北杏亦用水沖洗及瀝乾 , 果皮刮去囊撕成細塊 , 哈蜜瓜皮沖洗乾淨及瀝乾

5. 煲內放入豬展 , 紅蘿蔔 , 蜜棗 , 南北杏及果皮 

6. 加入適量水用中火先煲15分鐘至滾

7. 再加入哈蜜瓜皮及蟲草花拌勻用中火再煲滾後蓋上蓋轉慢火煲 1 1/2小時

8. 加入百合繼續用慢火煲30分鐘 , 期間小心滾瀉 

9. 30分鐘後盛起豬展用叉撕成絲 , 放回煲內再加少許鹽調味拌勻 

10. 轉用中火再滾後熄火焗30分鐘即可 




又來多湯渣的湯水 , 唔知用水果皮煲出黎的甜湯大家又喜唔喜歡呢 ^^





20 則留言:

  1. 原來可以用哈蜜瓜皮煲湯, 謝謝分享, 我下次又試試先. 我今日煲左蜜瓜湯呢. 🤗

    回覆刪除
    回覆
    1. 蜜瓜,哈蜜瓜皮同西瓜皮煲湯都好正架,而且瓜皮有消暑功效,好啱夏天飲

      刪除
  2. 物盡其用,袁太叻叻,抵讚

    回覆刪除
  3. 湯水滋潤,湯渣吸引,我又要飲湯

    回覆刪除
  4. 有生果食,又有湯飲,唔錯呢

    回覆刪除
    回覆
    1. 係呀,飲完湯瓜肉黎做飯後果,好爽呢

      刪除
  5. 我都鐘意用蟲草花煲湯,不過未用過哈蜜瓜煲湯

    回覆刪除
  6. 好正!
    依排天氣太熱,好懒煲湯!

    回覆刪除
    回覆
    1. 我反而天氣熱會多煲湯,因為天氣熱冇咩胃口的時候,煲一大煲湯,飲湯食湯渣當晚餐就攪掂,飯都可以唔駛煮呢

      刪除
  7. 老DAD以前都鍾意整散D肉來煲湯架。佢話會出味D。

    回覆刪除
    回覆
    1. 其實因為以前煲親湯,d豬展呀豬肉呀一定冇人食,但將肉整成絲,又食晒喎,所以我而家都會幾將煲湯肉整成絲架,不過學老DAD話齋,係會出味d架

      刪除
  8. 好味道,又可物盡其用。

    回覆刪除
  9. 回覆
    1. 所以我夏天好鐘意飲瓜類湯水架

      刪除