2017年8月23日 星期三

白蘿蔔排骨清湯




"天鴿"呢個超強颱風好勁 , 由清晨五點幾掛八號 , 然後陸續轉掛九號同十號 , 久違了的十號風球再次出現 , 打工的朋友仔今日可以放假一天休息下 , 今朝同袁生落街食早餐都感覺到強風係超利害 , 根本大風到行前一步都有困難 , 而且屋企附近的超市統統冇開 , 所以拿拿臨食完早餐就回家 ......



以往颱風下的晚餐多數都係煎下午餐肉 , 煮個杯麵就一餐 , 不過昨日睇新聞都知個風會打得成 , 所以都買定餸今日煮 , 不過都係簡單煮個湯 , 飲湯食湯渣



昨日買左條白蘿蔔 , 繼上次買來用蠔油煮之後 , 今次就簡簡單單用來煮個清湯 , 清湯我鐘意配排骨煲 , 味道清清地之餘又帶點油份 , 再加上袁生袁太喜愛的冬菇同甘旬做配料同煲 , 幾樣材料配合煲出來的味道好夾 , 就成為我同袁生颱風下的晚餐 , 如果大家喜歡既 , 呢個湯再加個白飯做成湯飯都好好味架 ^^



材料 : 白蘿蔔 , 甘旬 , 冬菇(預先浸軟) , 排骨 , 蔥 , 薑 , 胡椒粉 , 鹽




排骨放入煲內 , 加水用中火煮滾後用水沖一沖洗再瀝乾 , 冬菇切片 , 薑去皮切絲 , 蔥切粒 , 甘旬去皮切片 , 白蘿蔔去皮切片









 
 
煲內放入薑絲及冬菇爆香 , 逐一加入排骨 , 甘旬片 , 白蘿蔔片及適量水 , 用中火先煲30分鐘至滾 , 拌一拌勻湯內材料後蓋上蓋轉慢火煲1小時 , 1小時後加入少許鹽及胡椒粉調味拌勻 , 轉用中火再煲滾後熄火焗10分鐘即可


























材料
白蘿蔔1條 , 甘旬1條 , 冬菇4隻(預先浸軟) , 排骨1條 , 蔥 , 薑 , 胡椒粉 , 鹽



做法
1. 排骨放入煲內 , 加水用中火煮滾後用水沖一沖洗再瀝乾 

2. 冬菇切片 , 薑去皮切絲 , 蔥切粒 , 甘旬去皮切片 , 白蘿蔔去皮切片

3. 煲內放入薑絲及冬菇爆香 

4. 逐一加入排骨 , 甘旬片 , 白蘿蔔片及適量水 , 用中火先煲30分鐘至滾 

5. 拌一拌勻湯內材料後蓋上蓋轉慢火煲1小時 

6. 1小時後加入少許鹽及胡椒粉調味拌勻 , 轉用中火再煲滾後熄火焗10分鐘即可




颱風下的晚餐來碗排骨清湯 , 絕對好過食午餐肉同杯麵呢 ^^





19 則留言:

  1. 打風都有湯飮,好幸福😊

    回覆刪除
    回覆
    1. 我只不過係一早買定預防打風冇野食呢

      刪除
  2. 我都想飲排骨湯呀

    回覆刪除
  3. 這個湯好味, 現在睇見都想飲啊!

    回覆刪除
  4. 打風都有湯飲,袁太好野

    回覆刪除
    回覆
    1. 其實只係買定材料預防打風冇野食姐

      刪除
  5. 白蘿蔔太涼啦, 肥人而家唔食得呢~

    回覆刪除