2017年8月30日 星期三

西瓜皮紅蘿蔔豆豆排骨湯




上次就買左哈蜜瓜 , 用哈蜜瓜皮煲湯 , 今次就輪到佢~西瓜~ , 每逢夏天 , 我一定會買西瓜黎消暑 , 瓜肉當然黎做飯後果 , 瓜皮亦係用來煲湯 ......



西瓜皮我會配上排骨一齊煲 , 亦配上袁生喜愛的眉豆同綠豆 , 眉豆 , 綠豆同煲湯 , 味道會變得濃濃 , 我家袁生就最愛濃味的湯水 , 另外加上紅蘿蔔簡單的材料 , 煲出黎的湯水非常美味 , 切薄片的西瓜皮煲完湯後好軟身 , 食落好清甜 , 想想以往一定會掉西瓜皮的我 , 真係覺得自己好蠢蠢 , 咁有消暑功效的西瓜皮我都浪費晒 , 其實除左西瓜皮 , 哈蜜瓜皮或者蜜瓜皮可以煲湯外 , 仲有咩生果的皮可以煲湯既呢 ^^



材料 : 西瓜皮 , 紅蘿蔔 , 眉豆 , 綠豆 , 排骨 , 果皮(預先浸軟) , 蜜棗 , 鹽




排骨放入煲內加水 , 用中火煮滾後盛起用水沖一沖洗及瀝乾 , 西瓜皮去掉綠色外皮後切片 , 紅蘿蔔去皮切件 , 眉豆 , 綠豆及蜜棗用水沖洗及瀝乾 , 果皮刮去囊撕成細塊












  
 
煲內逐一放入排骨 , 紅蘿蔔 , 西瓜皮 , 眉豆 , 綠豆及蜜棗 , 加入適量水用中火先煲15分鐘至滾 , 拌一拌勻材料後蓋上蓋轉慢火煲1 1/2小時 , 最後加少許鹽調味拌勻 , 熄火焗30分鐘即可


















 






材料
西瓜皮1/4個 , 紅蘿蔔1條 , 眉豆 , 綠豆 , 排骨 , 果皮2塊(預先浸軟) , 蜜棗2粒 , 鹽



做法
1. 排骨放入煲內加水 , 用中火煮滾後盛起用水沖一沖洗及瀝乾 

2. 西瓜皮去掉綠色外皮後切片 

3. 紅蘿蔔去皮切件 , 眉豆 , 綠豆及蜜棗用水沖洗及瀝乾 , 果皮刮去囊撕成細塊

4. 煲內逐一放入排骨 , 紅蘿蔔 , 西瓜皮 , 眉豆 , 綠豆及蜜棗 

5. 加入適量水用中火先煲15分鐘至滾 

6. 拌一拌勻材料後蓋上蓋轉慢火煲1 1/2小時 , 最後加少許鹽調味拌勻 

7. 熄火焗30分鐘即可




今次用西瓜皮煲的湯水我都好喜歡 , 可能配上眉豆同綠豆的關係 , 湯水味道變得濃濃 , 美味呢 ^^





18 則留言:

  1. 又有靚湯飲喇

    回覆刪除
  2. 我都鐘意用綠豆煲湯

    回覆刪除
    回覆
    1. 我都鐘意加綠豆煲,味道會變得濃濃呢

      刪除
  3. 回覆
    1. 西瓜皮配粟米煲水未試過喎,下次試下先

      刪除
  4. 如果唔落肉可以用咩代替??

    回覆刪除
  5. 唔該一碗多湯渣多湯水外賣拎走

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......