2017年10月15日 星期日

千層椰汁桂花糕




某日突然又想食甜品 , 應該說 , 平時日常生活都好少會整甜品 , 糖水就經常煲 , 因為我家袁生比較唔太愛甜的食物 , 但當見廚房仲有桂花糖的時候 , 心裡就好自然又想攪攪震 , 整一道唔太甜而且袁生應該會喜歡的甜品 ......



其實桂花糖以往俾我的感覺 , 甜品方面我只有印象桂花糕 , 或者係糖水內加少少桂花糖增添香味 , 本應已經想好整呢個~圓肉杞子桂花糕~ , 但原來廚房已經冇晒圓肉 , 但俾我發現還有一罐椰汁 , 所以就轉轉主題 , 整桂花椰汁糕 , 一整就整左五層同八層的桂花糕 , 逐層逐層放入雪櫃雪至定型 , 呢款糕點唔止賣相靚靚 , 連唔太好食甜野的袁生都大讚好味呢 ^^



材料 : 魚膠粉 , 白糖 , 椰漿 , 淡忌廉 , 桂花糖 , 熱水 , 凍水 , 保鮮紙(後來冇用)


 

先整椰汁糕的份量 , 將魚膠粉及糖放入大碗內拌勻 , 加入熱水拌勻至完全溶化靜待10分鐘 , 期間將桂花糖加水浸10分鐘 , 糖水待涼10分鐘後加入椰漿及淡忌廉拌勻備用











  





桂花糖浸10分鐘後瀝乾水份 , 魚膠粉及糖放入碗內拌勻 , 加入熱水拌勻至完全溶化靜待10分鐘 , 再加入凍水及桂花糖拌勻備用














器皿用冰水沖一沖洗 , 先將適量桂花糖水倒入模中 , 放入冰箱冷藏15分鐘 , 待表面凝固 , 取出再倒入適量的椰汁糖水 , 再放入冰箱冷藏15分鐘 , 待表面凝固後再倒入桂花糖水冷藏 , 如此類推 , 今次一共做了5層及8層 , 待完全凝固後取出切件即可 

 










  










 


材料(椰汁糕)
椰汁200ml , 淡忌廉70ml , 糖90g , 魚膠粉20g , 熱水400ml

材料 (桂花糕)
桂花糖2湯匙 , 糖80g , 魚膠粉20g , 熱水250g , 凍水200g






做法
1. 先整椰汁糕的份量 , 將魚膠粉及糖放入大碗內拌勻 

2. 加入熱水拌勻至完全溶化靜待10分鐘 , 期間將桂花糖加水浸10分鐘 

3. 糖水待涼10分鐘後加入椰漿及淡忌廉拌勻備用 

4. 桂花糖浸10分鐘後瀝乾水份 

5. 魚膠粉及糖放入碗內拌勻 , 加入熱水拌勻至完全溶化靜待10分鐘 

6. 再加入凍水及桂花糖拌勻備用

7. 器皿用冰水沖一沖洗 , 先將適量桂花糖水倒入模中 , 放入冰箱冷藏15分鐘

8. 待表面凝固 , 取出再倒入適量的椰汁糖水 , 再放入冰箱冷藏15分鐘

9. 待表面凝固後再倒入桂花糖水冷藏 

10. 如此類推 , 今次一共做了5層及8層 , 待完全凝固後取出切件即可 




賣相靚靚又好味的椰汁桂花糕 , 有5層及8層選擇 , 唔知大家喜愛幾多層的糕點呢 ^^






17 則留言:

  1. 呢款糕點好靚呀

    回覆刪除
  2. 好靚,我鐘意桂花,正呀!

    回覆刪除
  3. 整得好靚,呢個我啱食

    回覆刪除
  4. 好奇問 我見你打桂花糖,但係相係乾桂花黎,如果我用桂花糖係咪就咁用水同魚膠粉就得?唔洗再落糖?

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......