2017年11月11日 星期六

砵仔糕




對我來說 ... 砵仔糕都算係香港的經典小食之一 , 以前讀書的時候(當然係廚藝差到死的時候) , 整過一次 , 個次當然係失敗 , 自此想食都會係街買 , 因為街買的砵仔糕都好平 , 之但係砵仔糕呢樣野 , 我同袁生都係完全唔夾 ......



袁生就鐘意食白色有豆 , 而我就鐘意食黃色冇豆 , 不過街唔多地方有冇豆的砵仔糕賣 , 就算有豆都係得個dd , 所以自己整又要多多豆先得呢 , 今次就咩款都整 , 黃色有豆冇豆 , 白色有豆冇豆全部整晒 , 其實整砵仔糕絕對唔難 , 不過都要用上大半日時間 , 係蒸同待涼的時間用得比較長 , 袁生見我一路係廚房蒸糕 , 就一直不停問我係咪食得 , 俾佢煩左幾分鐘 , 頂唔順就俾個砵仔糕塞住佢把口



袁生話味道好味過街買的 , 無論甜味 , 糕的煙Un度都剛剛好 , 而且砵仔糕細細個 , 食時好方便呢 ^^



材料 : 紅豆蓉 , 白糖 , 黃糖 , 粘米粉 , 澄麵 , 水 , 焗杯 , 隔篩




將黃糖放入煲內 , 加1 1/2杯水拌勻 , 用慢火慢慢煮至糖溶 , 煮糖水期間將85g粘籽粉及55g澄麵用隔篩 , 篩入大碗內 , 加入1/2杯水拌勻 , 黃糖煮溶後盛起稍為待涼10分鐘 , 10分鐘後倒入粉漿內拌勻 , 再用隔篩將粉漿篩一次去除多餘粉粒

















焗杯用冰水沖一沖洗 , 放入電蒸鍋內先蒸10分鐘 , 倒入粉漿及紅豆蓋上蓋蒸5分鐘 , 5分鐘後再加入適量紅豆係糕面 , 再蓋上蓋蒸15分鐘至熟透 , 盛起待涼20分鐘或浸入冰水內放涼 , 用竹簽起出糕點 , 焗杯洗淨後用冰水沖一沖洗 , 同樣放入電蒸鍋內先蒸10分鐘 , 倒入粉漿 , 整冇豆版不需加入紅豆 , 直接蓋上蓋蒸20分鐘






























期間整白色版 , 將白糖放入煲內 , 加1 1/2杯水拌勻 , 用慢火慢慢煮至糖溶 , 煮糖水期間將85g粘籽粉及55g澄麵用隔篩 , 篩入大碗內 , 加入1/2杯水拌勻 , 白糖煮溶後盛起稍為待涼20分鐘 , 20分鐘後倒入粉漿內拌勻 , 再用隔篩將粉漿篩一次去除多餘粉粒 , 黃色冇豆版蒸好後盛起待涼20分鐘或浸入冰水內放涼 , 用竹簽起出糕點 





















焗杯用冰水沖一沖洗 , 放入電蒸鍋內先蒸10分鐘 , 倒入粉漿及紅豆蓋上蓋蒸5分鐘 , 5分鐘後再加入適量紅豆係糕面 , 再蓋上蓋蒸15分鐘至熟透 , 盛起待涼20分鐘或浸入冰水內放涼 , 用竹簽起出糕點 

 



















焗杯洗淨後用冰水沖一沖洗 , 同樣放入電蒸鍋內先蒸10分鐘 , 倒入粉漿 , 整冇豆版不需加入紅豆 , 直接蓋上蓋蒸20分鐘 , 白色冇豆版蒸好後盛起待涼20分鐘或浸入冰水內放涼 , 用竹簽起出糕點即可


















材料
紅豆蓉 , 白糖110g , 黃糖110g , 粘米粉 , 澄麵 , 水 , 焗杯 , 隔篩



做法
1. 將黃糖放入煲內 , 加1 1/2杯水拌勻 , 用慢火慢慢煮至糖溶 

2. 煮糖水期間將85g粘籽粉及55g澄麵用隔篩 , 篩入大碗內 , 加入1/2杯水拌勻 

3. 黃糖煮溶後盛起稍為待涼10分鐘 

4. 10分鐘後倒入粉漿內拌勻 , 再用隔篩將粉漿篩一次去除多餘粉粒 

5. 焗杯用冰水沖一沖洗 , 放入電蒸鍋內先蒸10分鐘 

6. 倒入粉漿及紅豆蓋上蓋蒸5分鐘 

7. 5分鐘後再加入適量紅豆係糕面 , 再蓋上蓋蒸15分鐘至熟透 

8. 盛起待涼20分鐘或浸入冰水內放涼 , 用竹簽起出糕點 

9. 焗杯洗淨後用冰水沖一沖洗 , 同樣放入電蒸鍋內先蒸10分鐘 

10. 倒入粉漿 , 整冇豆版不需加入紅豆 , 直接蓋上蓋蒸20分鐘

11. 期間整白色版 , 將白糖放入煲內 , 加1 1/2杯水拌勻 , 用慢火慢慢煮至糖溶 

12. 煮糖水期間將85g粘籽粉及55g澄麵用隔篩 , 篩入大碗內 , 加入1/2杯水拌勻 

13. 白糖煮溶後盛起稍為待涼20分鐘 

14. 20分鐘後倒入粉漿內拌勻 , 再用隔篩將粉漿篩一次去除多餘粉粒 

15. 黃色冇豆版蒸好後盛起待涼20分鐘或浸入冰水內放涼 , 用竹簽起出糕點 

16. 焗杯用冰水沖一沖洗 , 放入電蒸鍋內先蒸10分鐘 

17. 倒入粉漿及紅豆蓋上蓋蒸5分鐘 , 5分鐘後再加入適量紅豆係糕面 

18. 再蓋上蓋蒸15分鐘至熟透 , 盛起待涼20分鐘或浸入冰水內放涼 , 用竹簽起出糕點  

19. 焗杯洗淨後用冰水沖一沖洗 , 同樣放入電蒸鍋內先蒸10分鐘 

20. 倒入粉漿 , 整冇豆版不需加入紅豆 , 直接蓋上蓋蒸20分鐘 

21. 白色冇豆版蒸好後盛起待涼20分鐘或浸入冰水內放涼 , 用竹簽起出糕點即可 
      



細細個的砵仔糕 , 我就覺得食一個份量剛剛好 , 不過袁生就好似唔夠食呢 ^^







16 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......