2018年1月18日 星期四

[清雞湯底] 雞蓉粟米羹




上次整手撕雞飯的時候 , 剩下的雞骨放左係冰箱長眠左幾日後 , 袁太本應想用來煲個清雞湯整雞湯冰入雪櫃冷藏待用 , 但袁生突然又話想飲粟米羹 , 咁就倒不如 ......



講開粟米羹 , 其實袁氏夫婦以往都唔多喜愛飲湯羹 , 因感覺總是結撻撻 , 望落已經唔多開胃 ,
不過唯一大家可接受的湯羹類只有一種 , 我相信大家都會喜愛 , 就是粟米魚肚羹 , 其實大家可以接受的原因係因為袁太喜愛粟米 , 袁生喜愛魚肚 , 所以兩者配合的原故 , 魚肚羹永遠都好受歡迎



不過今次主打係想清走冰箱的雞骨 , 另外又唔想再落街買材料 , 所以決定飛走魚肚 , 換來同係冰箱發現的雞柳 , 本來一道簡單的粟米羹 , 都俾袁太複雜化去處理 , 先用雞骨加入其他材料煲成清雞湯底 , 雞柳就剁成雞蓉狀 , 煲好雞湯底再隔渣 , 將雞湯回鑊再加入現成粟米蓉同煮 , 再加入雞蓉 , 蛋液拌勻 , 就變成一道需要花時間製作的粟米雞蓉羹呢 ^^



材料 : 粟米蓉 , 雞骨 , 冇皮雞柳 , 粟米粒 , 甘旬 , 西芹 , 紫洋蔥 , 薑 , 鹽 , 酒 , 胡椒粉 , 隔篩 , 蔥 , 雞蛋





雞骨放入煲內加水 , 用中火煮滾後盛起沖一沖洗及瀝乾 , 西芹去纖維 , 甘旬去皮 , 紫羊蔥去衣 , 分別將西芹切段 , 甘旬切片 , 紫洋蔥切件 , 薑去皮切絲 , 蔥切絲及切粒











煲內放入少許油燒熱 , 逐一放入西芹 , 甘旬 , 洋蔥 , 薑絲及雞骨拌勻爆香炒數分鐘 , 加入熱水水拌勻先用中火煲15分鐘 , 蓋上蓋轉慢火煲 1 1/2小時

















雞柳切粒再剁成蓉 , 放入大碗內加少許鹽 , 酒 , 胡椒粉拌勻靜待30分鐘 , 粟米粒用水沖一沖洗及瀝乾 , 雞蛋打成蛋液備用

















清雞湯煲好後將湯渣隔去 , 煲內加入粟米蓉及粟米粒 , 將清雞湯倒回煲內拌勻 , 蓋上蓋用中火煮10分鐘至滾 , 期間小心滾瀉 , 加入雞蓉 , 少許鹽及胡椒粉調味拌勻煮至雞蓉轉色及熟透 , 最後加入蛋液拌勻成蛋花即可
























材料 
粟米蓉2盒 , 雞骨1/2隻 , 冇皮雞柳 , 粟米粒 , 甘旬1條 , 西芹1/2扎 , 紫洋蔥1個 , 薑 , 鹽 , 酒 , 胡椒粉 , 隔篩 , 蔥 , 雞蛋2隻



做法
1. 雞骨放入煲內加水 , 用中火煮滾後盛起沖一沖洗及瀝乾 

2. 西芹去纖維 , 甘旬去皮 , 紫羊蔥去衣 

3. 分別將西芹切段 , 甘旬切片 , 紫洋蔥切件 , 薑去皮切絲 , 蔥切絲及切粒

4. 煲內放入少許油燒熱 , 逐一放入西芹 , 甘旬 , 洋蔥 , 薑絲及雞骨拌勻爆香炒數分鐘 

5. 加入熱水水拌勻先用中火煲15分鐘 , 蓋上蓋轉慢火煲 1 1/2小時

6. 雞柳切粒再剁成蓉 , 放入大碗內加少許鹽 , 酒 , 胡椒粉拌勻靜待30分鐘

7. 粟米粒用水沖一沖洗及瀝乾 , 雞蛋打成蛋液備用

8. 清雞湯煲好後將湯渣隔去 

9. 煲內加入粟米蓉及粟米粒 , 將清雞湯倒回煲內拌勻 , 蓋上蓋用中火煮10分鐘至滾 

10. 期間小心滾瀉 

11. 加入雞蓉 , 少許鹽及胡椒粉調味拌勻煮至雞蓉轉色及熟透 

12. 最後加入蛋液拌勻成蛋花即可

 


煲左一大煲 , 一人都飲了四至五碗 , 好飽飽呢 ^^





16 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......