2018年5月23日 星期三

A貨KFC香辣炸雞




唔知大家喜唔喜愛KFC的雞雞呢 ??? 袁生袁太都幾喜歡架 , 但自從袁太唔食得雞之後 , 基本上同KFC已經絕交 , 有時袁生想食都會去買下 , 不過現在貴不特止 , 份量又唔係多 , 食完都未必飽 , 而且運送過程衛唔衛生呢 ??? 衛生呢樣野對我來說 , 絕對係一個好大的問題 ......



所以之後袁生想食KFC , 我都盡量唔會買 , 一來我唔食得 , 二來之前袁生食完都有肚痛的情況出現 , 雖然未必100%關雞雞事 , 不過都係安全d , 保險d , 食少d為妙 , 不過前星期袁生突然話想食番炸雞 , 仲要指定要用來做宵夜 , 我的答案好簡單 , 你想食炸雞當然冇問題 , 不過我唔會去連鎖店買 , 我只會去街市買雞雞回來炸俾你食 , 之後去左街市買左6隻雞全翼 , 我知KFC係用多香料醃製 , 不過我只會用自己方法去製作 , 袁太的版本絕對係~A貨版~



雖然係A貨版 , 但無論賣相同味道都唔差架 , 袁生反而喜愛袁太呢個版本 , 雖然係炸物 , 但自家製永遠健康同新鮮 , 而且雞肉滑滑 , 袁太一路炸已經流晒口水 , 我都好想食呢 ^^



材料 : 雞全翼 , 麵包糠 , 蒜鹽 , 辣椒粉 , 泡打粉 , 雞蛋 , 黑胡椒碎 , 麵粉 , 五香粉 , 七味粉 , 椒鹽 , 鹽 , 糖 , 胡椒粉




雞全翼剪開雞鎚 , 用水沖一沖洗抹乾水份 , 放入器皿內加入鹽 , 糖 , 蒜鹽 , 辣椒粉 , 胡椒粉拌勻 , 蓋上保鮮紙放入雪櫃靜待一晚

















靜待一晚的雞件取出靜待10分鐘 , 麵粉 , 泡打粉 , 黑胡椒碎 , 五香粉 , 辣椒粉及蒜鹽拌勻 , 雞蛋拌勻成蛋液 , 將雞件逐一沾上粉 , 再沾上蛋液 , 再沾上一層粉及麵包糠靜待10分鐘





















燒熱油鑊 , 先放入雞鎚用慢火慢慢炸 , 中途拌一拌勻雞鎚以免黏底 , 慢慢炸至微黃色盛起 , 再放入雞翼 , 同樣用慢火慢慢炸 , 中途拌一拌勻雞翼以免黏底 , 慢慢炸至微黃色盛起靜待10分鐘 , 10分鐘後分別將雞鎚及雞翼回油鑊內 , 用中火炸至金黃色 , 盛起灑上椒鹽及七味粉即可



















材料
雞全翼6隻 , 麵包糠 , 蒜鹽 , 辣椒粉 , 泡打粉 , 雞蛋2隻 , 黑胡椒碎 , 麵粉 , 五香粉 , 七味粉 , 椒鹽 , 鹽 , 糖 , 胡椒粉



做法
1. 雞全翼剪開雞鎚 , 用水沖一沖洗抹乾水份

2. 放入器皿內加入鹽 , 糖 , 蒜鹽 , 辣椒粉 , 胡椒粉拌勻 

3. 蓋上保鮮紙放入雪櫃靜待一晚

4. 靜待一晚的雞件取出靜待10分鐘 

5. 麵粉 , 泡打粉 , 黑胡椒碎 , 五香粉 , 辣椒粉及蒜鹽拌勻 , 雞蛋拌勻成蛋液 

6. 將雞件逐一沾上粉 , 再沾上蛋液 , 再沾上一層粉及麵包糠靜待10分鐘 

7. 燒熱油鑊 , 先放入雞鎚用慢火慢慢炸 , 中途拌一拌勻雞鎚以免黏底 

8. 慢慢炸至微黃色盛起 

9. 再放入雞翼 , 同樣用慢火慢慢炸 , 中途拌一拌勻雞翼以免黏底 

10. 慢慢炸至微黃色盛起靜待10分鐘 

11. 10分鐘後分別將雞鎚及雞翼回油鑊內 , 用中火炸至金黃色 

12. 盛起灑上椒鹽及七味粉即可




自家製作的香辣炸雞都可以好吸引 , 灑上椒鹽及七味粉 , 令味道提升不少呢 ^^ 






22 則留言:

  1. 有袁太,袁生使乜食KFC喎

    回覆刪除
    回覆
    1. 我今次都係試下整,睇下味道得唔得架咋

      刪除
  2. 我老公好喜歡食KFC 架, 不過袁太這個仲正呢😍

    回覆刪除
  3. 袁太出品一定正過KFC呢

    回覆刪除
  4. 好靚又好正呀, 袁太好叻叻呀!
    炸到咁靚仔肥人真係學唔到呀~

    回覆刪除
  5. 呢款炸雞我一定要學,keep低食譜先

    回覆刪除
  6. 我鐘意食炸雞呢

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......