2018年5月9日 星期三

南瓜蕃茄濃蝦湯




上次包蟲草花餃的時候用剩的蝦頭蝦殼 , 放入冰箱冷藏左幾日 , 唔知煮咩的情況下 , 決定用蝦頭蝦殼煲個蕃茄湯 , 不過我知蕃茄湯 , 袁生比較喜愛西式 , 但佢又唔多鐘意咁勁茄味 , 反而袁太就喜愛濃郁茄味的湯 , 所以話知佢喇 , 煲左先算 ......



煲濃郁蕃茄湯一定要搵佢幫手 , 袁太講既佢 , 就係罐頭原粒蕃茄 , 平時我好鐘意買呢款罐頭蕃茄




試過用呢款蕃茄煮蕃茄湯底再配通粉做早餐 , 好鬼好味 , 今次的濃湯除左用罐頭 , 當然會加埋新鮮蕃茄喇 , 另外仲有白蘑菇 , 芹菜 , 洋蔥 , 南瓜 , 蝦殼去煮 , 點駛講 , 大家都可以估到個味道係點呢 , 而且袁太覺得南瓜同蕃茄係絕配 , 而蕃茄同蝦又夾 , 仲有我至愛的白蘑菇添 , 飲唔晒的湯 , 翌日都有加塊餐肉 , 煎蛋 , 貝殼粉做早餐 , 又可以打斧頭慳早餐錢呢 ^^



材料 : 南瓜 , 蝦頭蝦殼 , 白蘑菇 , 洋蔥 , 蕃茄 , 雞蛋 , 罐頭原粒蕃茄 , 芹菜 , 黑胡椒碎 , 鹽 , 薑




蝦頭蝦殼用水沖一沖洗及瀝乾水份 , 洋蔥去衣切粒 , 芹菜莖切粒 , 薑去皮切絲 , 蕃茄切粒 , 白蘑菇切片







煲內放入薑絲 , 蝦頭蝦殼 , 芹菜粒 , 洋蔥粒及蕃茄粒拌炒至蝦頭蝦殼轉色 , 再加入白蘑菇拌勻數分鐘 , 加入適量熱水拌勻用中火煮滾 , 蓋上蓋繼續用中火煲30分鐘 , 期間小心滾瀉




















將南瓜去皮去籽切粒 , 放入電蒸鍋內蓋上蓋蒸20分鐘 , 期間將雞蛋打成蛋液 , 蒸好的南瓜盛起放入大碗內壓成蓉











  

湯煲30分鐘後將蝦頭蝦殼盛起去掉 , 加入罐頭蕃茄 , 南瓜蓉拌勻 , 用中火煲滾後加少許鹽 , 黑胡椒碎調味 , 最後熄火加入蛋液拌勻成蛋花即可












  


 
材料
南瓜1/4邊 , 蝦頭蝦殼 , 白蘑菇 , 洋蔥1個 , 蕃茄(細)5-6個 , 雞蛋2隻 , 罐頭原粒蕃茄1罐 , 芹菜1扎 , 黑胡椒碎 , 鹽 , 薑



做法
1. 蝦頭蝦殼用水沖一沖洗及瀝乾水份 

2. 洋蔥去衣切粒 , 芹菜莖切粒 , 薑去皮切絲 , 蕃茄切粒 , 白蘑菇切片

3. 煲內放入薑絲 , 蝦頭蝦殼 , 芹菜粒 , 洋蔥粒及蕃茄粒拌炒至蝦頭蝦殼轉色 

4. 再加入白蘑菇拌勻數分鐘 

5. 加入適量熱水拌勻用中火煮滾 , 蓋上蓋繼續用中火煲30分鐘 

6. 期間小心滾瀉 

7. 將南瓜去皮去籽切粒 , 放入電蒸鍋內蓋上蓋蒸20分鐘 

8. 期間將雞蛋打成蛋液
 

9. 蒸好的南瓜盛起放入大碗內壓成蓉  

10. 湯煲30分鐘後將蝦頭蝦殼盛起去掉

11. 加入罐頭蕃茄 , 南瓜蓉拌勻 , 用中火煲滾後加少許鹽 , 黑胡椒碎調味 

12. 最後熄火加入蛋液拌勻成蛋花即可 




呢款南瓜蕃茄湯味道好濃味 , 絕對啱晒袁太口味 , 而我最鐘意就係蘑菇片同蛋花呢 ^^





19 則留言:

  1. 回覆
    1. 雖然好味,不過如果唔鐘意咁茄味的朋友就未必喜歡呢

      刪除
  2. 我都買過呢款罐頭蕃茄,真的唔錯

    回覆刪除
  3. 我係蕃茄精,我會飲好多碗

    回覆刪除
  4. 肥人都好中意用埋蝦頭煮湯架, 真係好味D 架~

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......