2018年6月15日 星期五

港式牛油皮蛋撻




蛋撻係香港的經典食物 , 相信好多香港人都愛吃 , 袁生袁太亦不例外 , 不過袁生比較喜愛酥皮 , 而袁太就比較喜愛傳統的牛油皮 , 印象中好似好耐冇食過蛋撻 , 所以前排見有時間就整蛋撻做下午茶 , 唔知袁生會否愛牛油皮呢 ......



其實整蛋撻唔需要好長時間 , 而製作過程絕對唔繁複 , 我仲記得當時袁生休息中 , 訓緊下午覺 , 而袁太就係廚房開turbo整 , 整好後就叫袁生起床 , 係佢耳邊~喂 ... 懶訓豬起身喇 , 有下午茶食呀~



袁生見有蛋撻食都不知幾開心 , 但又好似好失望點解唔係酥皮 , 不過見佢食得律律有味 , 相信袁生應該好滿意呢 ^^



材料 : 麵粉 , 砂糖 , 牛油 , 花奶 , 雲呢拿油 , 雞蛋 , 麵棍 , 刮刀 , 熱水 , 蛋撻模




1隻雞蛋 , 55g砂糖 , 牛油放入大碗內拌勻至淺黃色 , 加入雲呢拿油拌勻 , 再加入麵粉用刮刀拌勻再搓成麵糰 , 麵糰用麵棍壓平 , 用保鮮紙蓋好放入冰箱冷藏30分鐘 , 期間將焗爐用200C預熱10分鐘

















麵糰30分鐘後從冰箱取出 , 搓成一個個小麵糰放入蛋撻模內 , 慢慢逐個逐個麵糰按壓成撻皮備用










將蛋汁材料的70g砂糖與熱水拌勻至糖溶 , 稍為放涼 , 加入雞蛋 , 雲呢拿油及花奶拌勻 , 用隔篩隔去粒粒及泡沫 , 倒入撻皮內至八分滿左右 , 放入焗爐中層位置用200C上下火先焗15分鐘 , 再轉180C上下火焗10分鐘即可


















  


 
材料
麵粉 , 砂糖 , 牛油 , 花奶 , 雲呢拿油 , 雞蛋 , 麵棍 , 刮刀 , 熱水 , 蛋撻模
(牛油撻皮) : 麵粉225g , 砂糖55g , 牛油50g , 雲呢拿油 , 雞蛋1隻
(蛋漿) : 雞蛋2隻 , 砂糖70g , 雲呢拿油 , 花奶75ml



做法
1. 1隻雞蛋 , 55g砂糖 , 牛油放入大碗內拌勻至淺黃色 , 加入雲呢拿油拌勻 

2. 再加入麵粉用刮刀拌勻再搓成麵糰 

3. 麵糰用麵棍壓平 , 用保鮮紙蓋好放入冰箱冷藏30分鐘 

4. 期間將焗爐用200C預熱10分鐘

5. 麵糰30分鐘後從冰箱取出 , 搓成一個個小麵糰放入蛋撻模內 

6. 慢慢逐個逐個麵糰按壓成撻皮備用

7. 將蛋汁材料的70g砂糖與熱水拌勻至糖溶 , 稍為放涼 

8. 加入雞蛋 , 雲呢拿油及花奶拌勻 

9. 用隔篩隔去粒粒及泡沫 , 倒入撻皮內至八分滿左右 

10. 放入焗爐中層位置用200C上下火先焗15分鐘 , 再轉180C上下火焗10分鐘即可 




雖然今次係袁太第二次整蛋撻 , 整的過程感覺唔多滿意 , 但最終每個都焗到靚靚仔仔 , 而且味道好好 , 好開心呢 ^^










23 則留言:

  1. 有冇得剩,我都想食番隻。

    回覆刪除
  2. 我鐘意牛油皮,唔鐘意酥皮

    回覆刪除
  3. 兩款蛋撻都喜歡, 袁太整得好靚呀!

    回覆刪除
  4. 呢個蛋撻冇得輸呀

    回覆刪除
  5. 牛油皮啱我,我唔鐘意食酥皮

    回覆刪除
  6. Youre so cool! I dont suppose Ive learn something like this before. So good to search out any person with some unique ideas on this subject. realy thanks for beginning this up. this web site is one thing that's wanted on the web, someone with just a little originality. useful job for bringing one thing new to the internet! mgm online casino

    回覆刪除
  7. 袁太,我想麵粉係低筋麵粉嗎,謝謝你(你整得好靚)💓💓

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......