2018年8月3日 星期五

雪菜魚尾豆腐湯飯




唔知大家有冇試過用雪菜滾湯呢 ??? 平時只會用雪菜配火鴨絲做炆米或窩米的我 , 用來煮湯都係第一次 ......



最近太陽伯伯相當勤力 , 發放了好好的陽光給我們 , 每當覺得天氣炎熱 , 煲湯或滾湯的最佳材料 , 對我來說一定係冬瓜呢 , 最近袁太愛上了魚湯 , 一於買條魚尾同魚頭配冬瓜一齊滾 , 再加上滑滑的豆腐同鹹鹹的雪菜 , 由於雪菜本身已經有相當重的鹹味 , 所以湯水一粒鹽都冇放 , 已經相當夠味 , 而且湯水鹹鹹 , 感覺有下火的功效



另外加上白飯一碗做成湯飯 , 有飯食又有湯飲 , 已經唔駛再煮其他野 , 又可以打下斧頭 , 慳番d錢呢 ^^



材料 : 冬瓜 , 布包豆腐 , 雪菜 , 薑 , 鯇魚尾 , 魚頭 , 蔥 , 胡椒粉 , 鹽




鯇魚尾 , 魚頭用水沖洗兩面後用毛巾抹乾水份 , 蔥切絲及切粒 , 薑連皮切片 , 雪菜放入大碗內 , 加水浸過面靜待30分鐘











薑片放入鑊中爆香 , 放入魚尾 , 魚頭煎至兩面金黃色 , 加入熱水蓋上蓋用中火煲20分鐘 , 期間將浸30分鐘的雪菜用手渣乾水份後切碎 , 豆腐切粒 , 冬瓜去芯連皮切件















魚湯煲20分鐘後成奶白色湯底 , 冬瓜放入煲內 , 再放入雪菜 , 魚尾 , 魚頭 , 倒入魚湯拌勻 , 先用中火煲滾 , 蓋上蓋繼續用中火煲30分鐘 , 30分鐘後將魚尾盛起去骨起肉 , 將魚肉放回煲內 , 加入豆腐拌勻 , 蓋上蓋轉用慢火煲10分鐘






















最後加少許鹽及胡椒粉調味拌勻 , 轉用中火煲滾 , 熄火焗30分鐘即可












材料
冬瓜1斤 , 布包豆腐1磚 , 雪菜2小棵 , 薑 , 鯇魚尾1條 , 魚頭1個 , 蔥 , 胡椒粉 , 鹽



做法
1. 鯇魚尾 , 魚頭用水沖洗兩面後用毛巾抹乾水份 

2. 蔥切絲及切粒 , 薑連皮切片 , 雪菜放入大碗內 , 加水浸過面靜待30分鐘

3. 薑片放入鑊中爆香 , 放入魚尾 , 魚頭煎至兩面金黃色

4. 加入熱水蓋上蓋用中火煲20分鐘 

5. 期間將浸30分鐘的雪菜用手渣乾水份後切碎 , 豆腐切粒 

6. 冬瓜去芯連皮切件

7. 魚湯煲20分鐘後成奶白色湯底 

8. 冬瓜放入煲內 , 再放入雪菜 , 魚尾 , 魚頭 , 倒入魚湯拌勻 

9. 先用中火煲滾 , 蓋上蓋繼續用中火煲30分鐘 

10. 30分鐘後將魚尾盛起去骨起肉 , 將魚肉放回煲內 , 加入豆腐拌勻 

11. 蓋上蓋轉用慢火煲10分鐘 

12. 最後加少許鹽及胡椒粉調味拌勻 , 轉用中火煲滾 , 熄火焗30分鐘即可




估唔到雪菜同魚湯的味道好夾 , 呢款湯水我一定會再encore呢 ^^









20 則留言:

  1. 雪菜滾素湯都好惹味架。

    回覆刪除
  2. 我未試過雪菜滾湯, 不過睇相都知好味 💗

    回覆刪除
  3. 夏天一定要食湯飯

    回覆刪除
  4. 回覆
    1. 我煲湯慣性會熄火焗下佢,會出味d呢

      刪除
  5. 好正呀, 肥人都要飲, HAHHAA

    回覆刪除
  6. 湯飯夏天食最好

    回覆刪除
  7. 雪菜我唔係咁鐘意食,我會用芥菜代替

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......