[阿華田 x 美的免油健炸寶MF20B食譜] 阿華田吉士醬脆脆西多士

前日~山竹~呢個颱風真勁 , 起初打風前都有猛猛太陽出現 , 以為唔會好似天文台講得咁誇張 , 不過袁太都有去街市買定蔬菜 , 豬肉同罐頭預防打風 , 屋企出面的樹 , 垃圾桶都吹到冧晒 , 好危險呢 , 今日袁太又同大家分享阿華田食譜 , 上次就用左阿華田牛奶麥精飲品做左饅頭 , 今次就用阿華田營養麥芽飲品 , 做香港好多士民都鐘意的下午茶~西多士~ , 不過今次唔用油炸 , 而係用袁太收到的美的新玩具代油炸作烹調 ......



為大家介紹袁太今次的新玩具~美的免油健炸寶MF20B~

大家都知 , 袁生袁太一向係炸物怪 , 睇開袁太廚房的朋友仔 , 都知道袁太經常都會開鑊炸野 , 不過有左呢個健炸寶後 , 相信唔駛再用油都可以整到炸物呢~Happy Happy~ , 第一樣想嘗試既就係西多士 , 我屋企個件麻煩友好鐘意食西多 , 不過佢唔鐘意西多冇餡 , 亦唔鐘意花生醬餡 , 曾經試過整邪惡的奶皇餡 , 味道超正 , 不過今次主打係阿華田 , 所以西多士的餡料方面 , 就決定用阿華田吉士醬



其實只係整完吉士醬後加入阿華田營養麥芽粉拌勻就完成 , 放入冰箱冷藏至硬 , 再搽在麵包上 , 沾蛋液 , 袁太喜愛沾完蛋液再灑少許麵包糠 , 咁麵包就會再脆口ddd , 一般就放入鑊煎或油炸 , 袁太就用上美的免油健炸寶 , 每面用200C6分鐘左右已經金金黃黃好靚仔 , 食前再灑上阿華田營養麥芽粉就完成 , 雖然平時袁生袁太都唔太鐘意濃濃的朱古力味道 , 不過呢個真係好好味 , 好喜歡 , 不過會唔會太邪惡呢 ^^



材料 : 阿華田營養麥芽飲品 , 吉士粉 , 麵包糠 , 雞蛋 , 白方包 , 鮮奶 , 砂糖 , 淡奶 , 牛油 , 美的免油健炸寶(MF20B)

1隻雞蛋打入碗內 , 先加入100ml鮮奶 , 吉士粉拌勻 , 將餘下的150ml鮮奶放入煲內 , 加入花奶 , 砂糖及牛油拌勻 , 煮至牛油溶後 , 加入吉士蛋奶用慢火一路煮一路用打蛋煮至濃稠 , 熄火加入阿華田營養麥芽飲品1包 , 拌勻至完全溶解後倒入器皿內稍為待涼 , 再蓋上保鮮紙入冰箱冷藏30分鐘

將餘下2隻雞蛋打入大碗內 , 加入1湯匙糖 , 80ml牛奶拌勻 , 將適量的阿華田吉丁餡塗上一片白麵包上 , 再將一片白麵包蓋上 , 放入蛋液內沾至每面完全吸收蛋液 , 再灑上麵包糠 , 最後放入美的免油健炸寶內 , 200C每面6分鐘至金黃色 , 盛起灑上阿華田營養麥芽粉即可

材料
阿華田營養麥芽飲品2包 , 吉士粉2湯匙 , 麵包糠 , 雞蛋3隻 , 白方包4片 , 鮮奶330ml , 砂糖45g , 淡奶50ml , 牛油 , 美的免油健炸寶(MF20B)



做法
1. 1隻雞蛋打入碗內 , 先加入100ml鮮奶 , 吉士粉拌勻 

2. 將餘下的150ml鮮奶放入煲內 , 加入花奶 , 砂糖及牛油拌勻 

3. 煮至牛油溶後 , 加入吉士蛋奶用慢火一路煮一路用打蛋煮至濃稠 

4. 熄火加入阿華田營養麥芽飲品1包 , 拌勻至完全溶解後倒入器皿內稍為待涼 

5. 再蓋上保鮮紙入冰箱冷藏30分鐘

6. 將餘下2隻雞蛋打入大碗內 , 加入1湯匙糖 , 80ml牛奶拌勻

7. 將適量的阿華田吉丁餡塗上一片白麵包上 , 再將一片白麵包蓋上 

8. 放入蛋液內沾至每面完全吸收蛋液 , 再灑上麵包糠 

9. 最後放入美的免油健炸寶內 , 200C每面6分鐘至金黃色 

10. 盛起灑上阿華田營養麥芽粉即可 




唔再用油炸 , 換上美的免油健炸寶 , 好快就整好金金黃黃靚仔的西多士 , 配上阿華田吉士醬簡直完美呢 ^^