冬菇瑤柱荷葉飯

唔知大家鐘唔鐘意食荷葉飯既呢 ??? 我就好鐘意 , 閒時會去大型連鎖快餐店食午餐 , 都會選擇食荷葉飯 , 不過好多時荷葉飯入面都會有雞粒 , 而家袁太唔食得雞 , 就唔可以食街的荷葉飯 , 想食的話 , 當然要自家製 , 感覺整荷葉飯應該唔會太困難 , 只係煩惱附近街市有冇靚荷葉賣 ......



附近街市得兩三間雜貨店係有荷葉賣 , 仲要唔係經常有貨 , 今日就唔太幸運 , 得一間有得賣 , 仲要得番幾塊 , 不過好彩塊荷葉都算靚仔



袁太版的荷葉飯都有好多料架 , 有冬菇 , 有瑤柱 , 有蝦米 , 有臘腸 , 對我來說 , 整荷葉飯最辛苦的地方一定係炒飯個部份 , 事關個日袁太煮左三杯米 , 約5碗份量的冷飯 , 炒的時間真係好吃力 , 手臂感覺就快斷 , 而且見到堆材料已經好頭痕 , 又要切切切 , 炒炒炒 , 包完又要蒸 , 不過炒好個飯就可以用荷葉包起 , 再蒸熱就有得食 , 過程雖然艱苦 , 係廚房簡直出晒汗 , 不過無論賣相同味道都絕對一讚的自家製荷葉飯 , 家人或朋友食得開心及滿足 , 就係袁太入廚最開心的地方呢 ^^



材料 : 冷飯 , 冬菇(預先浸軟) , 冬菇水 , 瑤柱(預先浸軟) , 蝦米 , 短臘腸 , 薑 , 蒜頭 , 乾蔥頭 , 雞蛋 , 胡椒粉 , 鹽 , 糖 , 酒 , 荷葉 , 蔥 , 美的早餐機(MZ-DSY18A)

蒜頭去衣切粒 , 乾蔥頭去衣切粒 , 蔥切粒 , 薑去皮切粒 , 蝦米用水沖一沖洗及瀝乾後切碎 , 冬菇切粒 , 臘腸用熱水浸數分鐘後切粒 , 瑤柱撕成絲(浸瑤柱水留起) 

鑊中爆香蒜粒 , 乾蔥粒及薑粒 , 加入臘腸粒拌炒數分鐘至有香味 , 逐一加入冬菇粒 , 蝦米 , 瑤柱絲 , 贊少許酒拌勻炒至材料熟透 , 先盛起備用 , 雞蛋打成蛋液備用

原鑊中加入蛋液炒至半凝固 , 加入冷飯及少許鹽調味拌勻炒散 , 加入冬菇水及瑤柱水炒至飯開始乾身不黏鑊 , 將調味料放入碗內 , 加100ml水拌勻 , 之前炒好的配料回鑊加入炒飯內 , 加入調味料拌炒數分鐘 , 最後加入少許蔥粒再拌勻

荷葉放入煲內加適量水 , 蓋上蓋用中火煮10分鐘至軟身 , 盛起放上碟或其他器皿內 , 將適量炒飯放在荷葉上 , 用飯殼壓平再左右對摺包好 , 美的早餐機的煲仔加入3杯水 , 放上蒸架及荷葉飯 , 蓋上蓋按<蒸 / 煮>功能 , 時間調至20分鐘 , 蒸完20分鐘後再焗5分鐘即可

材料
冷飯3碗 , 冬菇5隻(預先浸軟) , 冬菇水 , 瑤柱3粒(預先浸軟) , 蝦米 , 短臘腸2條 , 薑 , 蒜頭1/2個 , 乾蔥頭2粒 , 雞蛋2隻 , 胡椒粉 , 鹽 , 糖 , 酒 , 荷葉3塊 , 蔥 , 美的早餐機(MZ-DSY18A)

調味料
蠔油 , 生抽 , 老抽 , 鹽 , 糖 , 麻油 , 胡椒粉



做法

1. 蒜頭去衣切粒 , 乾蔥頭去衣切粒 , 蔥切粒 , 薑去皮切粒 

2. 蝦米用水沖一沖洗及瀝乾後切碎 , 冬菇切粒 , 臘腸用熱水浸數分鐘後切粒 

3. 瑤柱撕成絲(浸瑤柱水留起)  

4. 鑊中爆香蒜粒 , 乾蔥粒及薑粒 , 加入臘腸粒拌炒數分鐘至有香味 

5. 逐一加入冬菇粒 , 蝦米 , 瑤柱絲 , 贊少許酒拌勻炒至材料熟透 

6. 先盛起備用 

7. 雞蛋打成蛋液備用

8. 原鑊中加入蛋液炒至半凝固 , 加入冷飯及少許鹽調味拌勻炒散 

9. 加入冬菇水及瑤柱水炒至飯開始乾身不黏鑊 

10. 將調味料放入碗內 , 加100ml水拌勻 

11. 之前炒好的配料回鑊加入炒飯內 , 加入調味料拌炒數分鐘 , 最後加入少許蔥粒再拌勻

12. 荷葉放入煲內加適量水 , 蓋上蓋用中火煮10分鐘至軟身 

13. 盛起放上碟或其他器皿內 , 將適量炒飯放在荷葉上 , 用飯殼壓平再左右對摺包好 

14. 美的早餐機的煲仔加入3杯水 , 放上蒸架及荷葉飯 

15. 蓋上蓋按<蒸 / 煮>功能 , 時間調至20分鐘 , 蒸完20分鐘後再焗5分鐘即可 




沒有雞粒版本的荷葉飯都可以好美味 , 自家製絕對夠足料夠健康呢 ^^