<美的破壁機BL1188食譜> 桂花米漿白糖糕

唔知大家喜唔喜愛食白糖糕呢 ??? 記得N年前整過一次 , 雖然成功 , 但之後又懶 , 寧願係街買 , 不過街買的白糖糕好容易變酸 , 就算唔放隔夜 , 只放幾粒鐘再食都已經感覺有陣酸味 , 絕對唔好吃 , 所以就決定再自家製 ......

整白糖糕大部份人都係用粘米粉製作 , 不過袁太就用米漿 , 整米漿當然係用美的破壁機幫手 , 而且袁太會將白砂糖份量減少少 , 唔好整咁甜 , 因為我會加入糖桂花 , 加入桂花感覺靚靚好多 , 金金黃黃 , 好似升級不少 , 起初整白糖糕都驚會失敗 , 驚發酵時間唔夠 , 又驚內裡的柱紋唔靚仔 , 不過好幸運地好成功 , 袁太試過放隔夜 , 第二日再食都冇變酸 , 太開心呢 , 唔駛掉晒佢咁浪費



大家有冇發覺步驟圖好似少咁幾張相呢 , 皆因袁太全部圖片都係用手機影 , 有時手快快刪左d相都唔知 , 希望大家唔好介意呢 ^^

材料 : 美的破壁機(BL1188) , 白米 , 白砂糖 , 油 , 酵母 , 糖桂花 , 水 , 鹽 , 刮刀

白米用水沖洗乾淨瀝乾水份 , 加1杯水份量浸過面靜待一晚 , 翌日將米連浸米水放入美的破壁機內蓋上蓋 , 調較至豆漿功能 , 再按中間的開關製 , 會有時間顯示需時35分鐘 , 破壁機最後10分鐘會開始加速 , 完成後會發出啤啤聲 , 將按製調去關 , 米漿就完成 , 盛起備用

將白砂糖放入煲 , 加少許鹽及150ml水拌勻用慢火煮至糖溶放入大碗內 , 加入米漿拌勻 , 再用隔篩隔至冇粉粒後靜待30分鐘

1茶匙水及酵母放入碗內拌勻 , 加入米漿糊內拌勻 , 再加少許油拌勻靜待1 1/2 ~ 2小時 , 蒸碗掃上油 , 將米漿糊放入 , 放入美的早餐機蓋上蓋蒸20分鐘 , 取出待涼切件 , 最後灑上桂花糖即可

 
材料
美的破壁機(BL1188) , 白米3/4杯 , 白砂糖60g , 油 , 酵母1.5茶匙 , 糖桂花 , 水 , 鹽 , 刮刀

做法

1. 白米用水沖洗乾淨瀝乾水份 , 加1杯水份量浸過面靜待一晚 

2. 翌日將米連浸米水放入美的破壁機內蓋上蓋 

3. 調較至豆漿功能 , 再按中間的開關製 , 會有時間顯示需時35分鐘 

4. 破壁機最後10分鐘會開始加速 

5. 完成後會發出啤啤聲 , 將按製調去關 , 米漿就完成

6. 盛起備用

7. 將白砂糖放入煲 , 加少許鹽及150ml水拌勻用慢火煮至糖溶放入大碗內 

8. 加入米漿拌勻 , 再用隔篩隔至冇粉粒後靜待30分鐘

9. 1茶匙水及酵母放入碗內拌勻 , 加入米漿糊內拌勻 

10. 再加少許油拌勻靜待1 1/2 ~ 2小時 

11. 蒸碗掃上油 , 將米漿糊放入 , 放入美的早餐機蓋上蓋蒸20分鐘 

12. 取出待涼切件 , 最後灑上桂花糖即可





金金黃黃靚靚的白糖糕 , 好味的程序令袁太食完一件又一件 , 停唔到口呢 ^^