麵包布丁

上次整咖哩麵包盒時還剩下1/3份麵包 , 突然想起可以用來製作麵包布丁 , 雖然麵包布丁俾我感覺係聖誕節的食物 , 不過大家都知袁太的性格呢 , 想食就會整 , 絕對唔會理係咩節日先可以食的食物呢 , 我的性格就係想食就會立刻去買材料整 , 何況整麵包布丁所需要的材料都好簡單 , 絕對容易就買到 ......



曾經上網睇過 , 好多網友整麵包布丁都會用到玉桂粉 , 但玉桂粉唔係人人都鐘意個種味道 , 我家袁生就麻麻地玉桂個種獨特的味道 , 所以呢款麵包布甸 , 佢應該唔太鐘意 , 上網亦睇到網友多數會用放左幾日的麵包去整 , 袁太呢個只係隔左一晚 , 都算係隔夜麵包呢 , 大家亦可以加入罐頭蜜桃 , 味道會變得甜甜濃濃 , 都唔錯架 , 又或者可以轉用士多啤梨或藍莓都得 , 不過今次袁太就簡單選擇用紅莓乾



用細細既焗杯或普通錫紙盆整都得 , 細細杯份量啱啱好 , 焗完俾一杯袁生試下 , 袁太估得冇錯 , 佢真係唔鐘意玉桂的味道 , 話味道好似怪怪 , 食左半杯已經唔食 , 反而我就覺得味道唔錯 , 好好味呢 ^^



材料 : 麵包 , 雞蛋 , 雲呢拿油 , 白糖 / 黃糖 , 玉桂粉 , 牛奶 , 焗杯 , 錫紙盆 , 紅莓乾 , 牛油

麵包用手撕成細片放入器皿內 , 加入玉桂粉及一半份量的糖拌勻靜待10分鐘 , 雞蛋打入大碗內 , 加入餘下份量糖 , 牛奶及雲呢拿油拌勻成混合物

麵包粒放入牛油拌勻 , 將麵包粒適量分別放入每個焗杯及錫紙盆內 , 將混合物用隔篩先注入一半滿靜待15分鐘 , 15分鐘後再用隔篩注入混合物至滿 , 靜待30分鐘(等麵包慢慢吸收)  , 焗爐用180C預熱10分鐘

麵包布丁糊靜待30分鐘後再放上紅莓乾 , 放在焗盆上 , 加少許熱水 , 放入焗爐低層位置 , 用180C上下火焗30分鐘 , 取出將布丁放上焗爐中層 , 轉用150C上火焗多5分鐘至表面金黃 , 取出靜待10分鐘即可

材料
麵包 , 雞蛋2隻 , 雲呢拿油 , 白糖 / 黃糖合共50g , 玉桂粉1湯匙 , 牛奶500ml , 焗杯 , 錫紙盆 , 紅莓乾 , 牛油



做法
1. 麵包用手撕成細片放入器皿內 , 加入玉桂粉及一半份量的糖拌勻靜待10分鐘 

2. 雞蛋打入大碗內 , 加入餘下份量糖 , 牛奶及雲呢拿油拌勻成混合物

3. 麵包粒放入牛油拌勻 

4. 將麵包粒適量分別放入每個焗杯及錫紙盆內 

5. 將混合物用隔篩先注入一半滿靜待15分鐘 

6. 15分鐘後再用隔篩注入混合物至滿 , 靜待30分鐘(等麵包慢慢吸收) 

7. 焗爐用180C預熱10分鐘

8. 麵包布丁糊靜待30分鐘後再放上紅莓乾 

9. 放在焗盆上 , 加少許熱水 

10. 放入焗爐低層位置 , 用180C上下火焗30分鐘 

11. 取出將布丁放上焗爐中層 , 轉用150C上火焗多5分鐘至表面金黃

12. 取出靜待10分鐘即可 

細細杯的份量剛剛好 , 不過好味的程度 , 就算食埋大個盆都好似唔係好夠食呢 ^^