2018年11月16日 星期五

蠔仔肉碎煎蛋角




前幾天又心思思想整蛋角 , 以往整蛋角我離不開一定用涼瓜配魚肉做餡料 , 以前都曾經上傳過涼瓜魚肉蛋角的食譜 , 不過今次就想轉用肉碎 , 講就講得好聽想用肉碎 , 其實只係發現冰箱仲有一包仔的肉碎 , 再唔用埋佢又唔知會放幾耐 , 除左用肉碎外 , 袁太仲加左一樣袁生最愛的材料 ......



呢樣材料就係~蠔~ , 咩蠔的種類袁生都喜愛 , 即開生蠔 , 廣島蠔 , 蠔豉 , 蠔仔他統統都鐘意食 , 只要有用蠔做的晚餐 , 佢真係多多都食得落 , 只不過我就麻麻地蠔(除即開生蠔外) , 咩蠔豉蠔仔我統統唔鐘意食 , 其實我係好驚驚個種味道 , 因為曾經係街市買過蠔仔或大蠔 , 回家烹調後進食時簡直腥到我想死 , 起初以為只係我食唔慣蠔的味道先覺得腥 , 但連袁生都吞唔落口就知道個種味道真係好恐怖 , 從此就不敢再去街市買



不過自從係超市買過蠔仔之後 , 感覺味道唔錯 , 唔太難食 , 而且絕對唔腥 , 味道接受得到 , 用來配肉碎一起用來做蛋角餡料仲好夾



煎蛋角其實真係要好有心機 , 唔可以一味只想快快完成 , 要企定定逐一逐一煎 , 煎至兩面金金黃黃靚靚仔仔就可以 , 袁太用左五隻雞蛋都煎左大約12件蛋角 , 袁太好似食左唔夠4件 , 其餘既落晒袁生個肥肚腩裡面呢 ^^
  

 
材料 : 蠔仔 , 豬肉碎 , 雞蛋 , 蔥 , 鹽 , 糖 , 生粉 , 魚露 , 胡椒粉 , 美的早餐機(MZ-DSY18A) , 芫茜(裝飾用可省略)




豬肉碎放入大碗內加入醃料拌勻靜待30分鐘 , 蠔仔放入隔篩內 , 加入生粉用水沖一沖洗 , 再加入生粉用水沖洗第二次至乾淨 , 放入碗內加熱水灼至熟透 , 瀝乾水份備用 , 蔥切粒及切幼絲


















豬肉碎放入鑊中用中火拌炒數分鐘至稍為轉色 , 加入蔥粒拌勻炒至豬肉碎完全熟透 , 先盛起備用











雞蛋放入大碗內加入調味料拌勻成蛋液 , 再加入豬肉碎及蠔仔輕輕拌勻靜待10分鐘 , 美的早餐機的煎pan加少許油 , 按煎蛋功能燒熱 , 將適量的蛋液逐一放入煎pan , 煎至半凝固 , 再用鑊鏟將蛋液對摺成蛋角型 , 慢慢煎至兩面金黃色即可



















材料
蠔仔 , 豬肉碎$15 , 雞蛋5隻 , 蔥 , 鹽 , 糖 , 生粉 , 魚露 , 胡椒粉 , 美的早餐機(MZ-DSY18A) , 芫茜(裝飾用可省略)

醃料
鹽 , 糖 , 生抽 , 麻油 , 生粉 

調味料
鹽 , 魚露 , 胡椒粉 , 糖 , 生粉



做法
1. 豬肉碎放入大碗內加入醃料拌勻靜待30分鐘

2. 蠔仔放入隔篩內 , 加入生粉用水沖一沖洗 , 再加入生粉用水沖洗第二次至乾淨 

3. 放入碗內加熱水灼至熟透 , 瀝乾水份備用 

4. 蔥切粒及切幼絲 

5. 豬肉碎放入鑊中用中火拌炒數分鐘至稍為轉色 

6. 加入蔥粒拌勻炒至豬肉碎完全熟透 , 先盛起備用 

7. 雞蛋放入大碗內加入調味料拌勻成蛋液 

8. 再加入豬肉碎及蠔仔輕輕拌勻靜待10分鐘 

9. 美的早餐機的煎pan加少許油 , 按煎蛋功能燒熱 , 將適量的蛋液逐一放入煎pan

10. 煎至半凝固 , 再用鑊鏟將蛋液對摺成蛋角型 

11. 慢慢煎至兩面金黃色即可 




金金黃黃的蠔仔肉碎煎蛋角 , 蠔仔肥嘟嘟 , 無論材料同做法都同樣簡單呢 ^^





16 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......