2018年11月14日 星期三

<大囍慶情迷野菌醬系列> 雜菇野菌醬燴飯




平時有睇開袁太的廚房的朋友仔們 , 係咪發現一向好少會有西式的食物出現 ??? 好簡單 , 皆因袁太一向唔太愛西式食物 , 當然甜品蛋糕例外 , 不過某日袁生突然話想食意式燴飯喎 , 難道佢想我專登去超市買包意大利米回家嗎 ??? 咪傻豬喇 , 買左番屋企咪就係會整一次咁大把 , 然後就唔知會放幾耐 ......



所以袁太就決定用珍珠米代替意大利米 , 應該沒有問題呢 , 剛巧雪櫃有大啡菇 , 又有乾的茶樹菇 , 有白酒 , 又有芝士碎 , 相信都應該夠材料整個燴飯 



另外一樣不得不提 , 就係前陣子袁太收到某品牌寄來的野菌醬 , 加入燴飯一齊煮 , 令菇菇味可大大提升 , 真係好鬼死香 , 其實今次係袁太第一次整燴飯 , 幸好呢碟~雜菇野菌醬燴飯~袁生好鬼滿意 , 而袁太雖然唔太喜愛食黏黏飯 , 不過有我至愛的菇菇 , 所以我都愛吃呢 ^^




材料 : 大啡菇 , 乾茶樹菇 , 珍珠米 , 洋蔥 , 牛油 , 蒜頭 , 大囍慶情迷野菌醬 , 白酒 , 鹽 , 巴馬臣芝士碎 , 黑胡椒碎 , 上湯 , 美的早餐機(MZ-DSY18A)




茶樹菇剪去尾部放入碗內 , 加水浸過面靜待20分鐘 , 期間將蒜頭去衣切碎 , 洋蔥去衣切碎 , 大啡菇切片 , 浸軟的茶樹菇略切短(浸菇水留用) , 上湯放入美的早餐機的煲內 , 加入浸茶樹菇水 , 按<蒸 / 煮>功能蓋上蓋 , 火力調至200 , 時間調至20分鐘慢慢煮熱 , 珍珠米用水沖一沖洗及瀝乾














鑊中加入一半份量牛油煮溶 , 放入大啡菇及茶樹菇用中火爆香先盛起 , 鑊中加入餘下份量的牛油 , 蒜粒及洋蔥粒拌勻炒至洋蔥軟身 , 加入珍珠米拌勻
















加入白酒及適量上湯 , 用慢火慢慢拌勻煮至收乾 , 再加入適量上湯 , 繼續用慢火慢慢拌勻煮至收乾 , 再加入上湯再用慢火煮 , 煮至米熟透及軟身















加少許鹽 , 黑胡椒粒 , 野菌醬及之前炒香的大啡菇茶樹菇拌勻 , 熄火加入巴馬臣芝士碎拌勻即可
















材料 
大啡菇2個 , 乾茶樹菇 , 珍珠米1杯 , 洋蔥1個 , 牛油2湯匙 , 蒜頭1/2個 , 大囍慶情迷野菌醬1湯匙 , 白酒80ml , 鹽 , 巴馬臣芝士碎 , 黑胡椒碎 , 上湯300ml , 美的早餐機(MZ-DSY18A)



做法
1. 茶樹菇剪去尾部放入碗內 , 加水浸過面靜待20分鐘 

2. 期間將蒜頭去衣切碎 , 洋蔥去衣切碎 

3. 大啡菇切片 , 浸軟的茶樹菇略切短(浸菇水留用) 

4. 上湯放入美的早餐機的煲內 , 加入浸茶樹菇水 , 按<蒸 / 煮>功能蓋上蓋 

5. 火力調至200 , 時間調至20分鐘慢慢煮熱 

6. 珍珠米用水沖一沖洗及瀝乾

7. 鑊中加入一半份量牛油煮溶 , 放入大啡菇及茶樹菇用中火爆香先盛起 

8. 鑊中加入餘下份量的牛油 , 蒜粒及洋蔥粒拌勻炒至洋蔥軟身 

9. 加入珍珠米拌勻

10. 加入白酒及適量上湯 , 用慢火慢慢拌勻煮至收乾 

11. 再加入適量上湯 , 繼續用慢火慢慢拌勻煮至收乾 , 再加入上湯再用慢火煮 

12. 煮至米熟透及軟身

13. 加少許鹽 , 黑胡椒粒 , 野菌醬及之前炒香的大啡菇茶樹菇拌勻 

14. 熄火加入巴馬臣芝士碎拌勻即可 




菇菇味濃郁的野菌燴飯 , 用珍珠米代替意大利米製作都可以一樣咁好味道呢 ^^



 


13 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......