2018年12月3日 星期一

生炒糯米飯




之前有朋友仔係facebook問袁太點樣整~生炒糯米飯~ , 其實袁太都幾鐘意食糯米飯架 , 不過入廚咁耐一次都未曾自己整過 , 希望會成功 ......



前一日已經浸定糯米 , 翌日就去街市買埋其餘材料就回家開工 , 袁太上網睇過有關食譜 , 有人會先蒸熟糯米再炒 , 不過話明係生炒糯米飯 , 當然係由生米炒成熟米喇 , 不過炒糯米個part真係好辛苦 , 好攰 , 足足企係度不停炒 , 炒左差不多30分鐘先完成 , 再加入其餘配料拌勻就得 , 袁太版的糯米飯用上冬菇 , 蝦乾 , 瑤柱 , 臘腸 , 潤腸做成 , 味道豐富又足料 , 不過糯米飯當然唔少得花生同蛋絲



今次雖然身第一次整糯米飯 , 但好慶幸大成功 , 我家袁生一向都唔太喜歡食糯米飯 , 但佢今次都話好味 , 食左兩碗咁多 , 天寒地凍的天氣 , 有碗熱辣辣的糯米飯真係好暖胃呢 ^^



材料 : 糯米 , 冬菇(預先浸軟) , 冬菇水 , 瑤柱(預先浸軟) , 蝦乾 , 臘腸 , 潤腸 , 花生 , 蒜頭 , 乾蔥頭 , 雞蛋 , 蔥粒 , 胡椒粉 , 糖 , 水 , 美的早餐機(MZ-DSY18A)




糯米放入碗內加水浸過面靜待一晚 , 翌日將糯米用水沖一沖洗及瀝乾 , 臘腸 , 潤腸放入美的早餐機的煲內加水 , 按<蒸 / 煮>功能蓋上蓋煮10分鐘 , 期間將蒜頭 , 乾蔥頭去衣切粒 , 冬菇切粒 , 瑤柱撕成絲(浸瑤柱水留用) , 蝦乾用水浸片刻後切粒(浸蝦乾水留用) , 煮10分鐘的臘腸 , 潤腸切粒 , 雞蛋打成蛋液




















將蛋液放入美的早餐機的煎pan內 , 按<煎蛋 / 煙肉>功能 , 煎至兩面微黃色成蛋皮 , 待涼切絲 , 臘腸 , 潤腸放入鑊中爆香 , 逐一加入冬菇粒 , 瑤柱絲及蝦乾用中火拌炒數分鐘有香味 , 先盛起備用















原鑊加入蒜粒 , 乾蔥粒炒香 , 加入糯米用慢火拌勻炒數分鐘 , 逐一加入冬菇水拌勻炒至水份收乾 , 加入瑤柱水 , 蝦乾水再拌勻炒至水份收乾 , 再加入水拌勻不停炒 , 炒至生米熟透 , 加入調味料拌勻


















之前炒香的料回鑊 , 加入蛋絲拌勻 , 最後熄火加入花生及蔥粒拌勻即可














材料
糯米1 1/2杯 , 冬菇3隻(預先浸軟) , 冬菇水 , 瑤柱2粒(預先浸軟) , 蝦乾 , 臘腸2條 , 潤腸1條 , 花生 , 蒜頭1/2個 , 乾蔥頭2粒 , 雞蛋2粒 , 蔥粒 , 胡椒粉 , 糖 , 水 , 美的早餐機(MZ-DSY18A)

調味料
生抽 , 老抽 , 糖




做法
1. 糯米放入碗內加水浸過面靜待一晚 

2. 翌日將糯米用水沖一沖洗及瀝乾 

3. 臘腸 , 潤腸放入美的早餐機的煲內加水 , 按<蒸 / 煮>功能蓋上蓋煮10分鐘 

4. 期間將蒜頭 , 乾蔥頭去衣切粒 , 冬菇切粒 , 瑤柱撕成絲(浸瑤柱水留用) 

5. 蝦乾用水浸片刻後切粒(浸蝦乾水留用) 

6. 煮10分鐘的臘腸 , 潤腸切粒 

7. 雞蛋打成蛋液

8. 將蛋液放入美的早餐機的煎pan內 , 按<煎蛋 / 煙肉>功能 , 煎至兩面微黃色成蛋皮 

9. 待涼切絲 

10. 臘腸 , 潤腸放入鑊中爆香 

11. 逐一加入冬菇粒 , 瑤柱絲及蝦乾用中火拌炒數分鐘有香味 

12. 先盛起備用

13. 原鑊加入蒜粒 , 乾蔥粒炒香 , 加入糯米用慢火拌勻炒數分鐘 

14. 逐一加入冬菇水拌勻炒至水份收乾 , 加入瑤柱水 , 蝦乾水再拌勻炒至水份收乾 

15. 再加入水拌勻不停炒 , 炒至生米熟透 , 加入調味料拌勻

16. 之前炒香的料回鑊 , 加入蛋絲拌勻 , 最後熄火加入花生及蔥粒拌勻即可




第一次整糯米飯大成功,好開心,估唔到連袁生都喜歡食呢 ^^







20 則留言:

  1. 下次要炒多啲,請埋我食。

    回覆刪除
  2. 袁太煮野每次都好足料,引死人

    回覆刪除
  3. 我媽媽煮呢個好叻架, 以前冬天佢成日炒黎請人食..
    不過肥人就興趣不大..
    而家大個左, 反而想學炒呢~

    回覆刪除
  4. 呢排天氣凍,食呢個最啱

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......