<美的陶瓷蒸燉寶MD8101F食譜> 杏汁木瓜雪耳燉鮮奶

上次整左羅漢果燉貢梨俾袁生飲飲後 , 今次就燉個甜品俾自己嘆下 , 一向都好鐘意食木瓜燉鮮奶的袁太 , 平時都係放入鑊隔水燉 , 而家有燉蒸寶就可以方便製作 , 唔駛睇火 , 實在太好 , 燉的時候仲可以做下其他事 , 等佢慢慢燉 ......



大家應該記得袁太唔太喜歡杏汁 , 杏仁茶 , 杏仁霜我統統唔飲 , 但如果用杏汁整豬肺湯 , 或者好似今次咁配木瓜鮮奶燉我又喜歡喎 , 係咪好怪怪呢


所以今次的木瓜雪耳燉鮮奶都會加杏汁一齊燉 , 今次的杏汁會飛走北杏 , 只用南杏製作 , 要預先一晚浸好 , 再加水打成杏汁 , 隔渣後與木瓜雪耳一齊燉 , 燉個半鐘後先再加鮮奶燉30分鐘就完成 , 呢個燉盅份量細細 , 大約只有兩碗左右份量 , 啱晒一個人食 , 皆因袁生係唔食呢款甜品架 , 所以袁太可以慢慢嘆 , 慢慢享受呢款女性滋潤甜品呢 ^^



材料 : 南杏 , 木瓜 , 鮮奶 , 雪耳 , 魚袋 , 水 , 冰糖 , 美的破壁機(BL1188) , 美的陶瓷蒸燉寶(MD8101F)

南杏放入大碗內加水浸過面靜待一晚 , 翌日將南杏用水沖一沖洗及瀝乾 , 南杏放入美的破壁機內 , 加約600ml水 , 蓋上蓋 , 調較至豆漿功能 , 再按中間的開關製 , 會有時間顯示需時35分鐘 , 期間將雪耳加水浸待軟身 , 破壁機先加熱 , 最後10分鐘會開始加速

雪耳浸至軟身後去蒂撕成細塊 , 用水沖一沖洗及瀝乾 , 破壁機完成後會發出啤啤聲 , 將按製調去關 , 杏仁茶就完成 , 將杏仁茶用魚袋隔去粉粒成杏汁備用

木瓜去皮去籽切件放入美的陶瓷蒸燉寶的燉盅內 , 再放入雪耳 , 冰糖 , 倒入杏汁至半滿 , 蓋上燉盅蓋 , 蒸燉寶的煲內加熱水至水位位置 , 放上蒸架 , 放上燉盅 , 蓋上煲蓋 , 先按<功能>鍵 , 調至甜品功能 , 時間調至2Hours , 再按<開始 / 取消>鍵 , 由佢燉 , 小心蒸氣口

燉至剩餘一小時後會有時間顯示 , 燉至時間到最後30分鐘時 , 加入鮮奶至8成滿蓋上蓋繼續燉 , 直至嗶嗶聲響代表燉完 , 會進入保溫模式即可

材料
南杏30g , 木瓜1個 , 鮮奶1支 , 雪耳1個 , 魚袋 , 水600ml , 冰糖 , 美的破壁機(BL1188) , 美的陶瓷蒸燉寶(MD8101F)



做法
1. 南杏放入大碗內加水浸過面靜待一晚 , 翌日將南杏用水沖一沖洗及瀝乾 

2. 南杏放入美的破壁機內 , 加約600ml水 

3. 蓋上蓋 , 調較至豆漿功能 , 再按中間的開關製 , 會有時間顯示需時35分鐘 

4. 期間將雪耳加水浸待軟身 

5. 破壁機先加熱 , 最後10分鐘會開始加速  

6. 雪耳浸至軟身後去蒂撕成細塊 , 用水沖一沖洗及瀝乾 

7. 破壁機完成後會發出啤啤聲 , 將按製調去關 , 杏仁茶就完成

8. 將杏仁茶用魚袋隔去粉粒成杏汁備用

9. 木瓜去皮去籽切件放入美的陶瓷蒸燉寶的燉盅內 

10. 再放入雪耳 , 冰糖 , 倒入杏汁至半滿 

11. 蓋上燉盅蓋 , 蒸燉寶的煲內加熱水至水位位置 , 放上蒸架 , 放上燉盅 

12. 蓋上煲蓋 , 先按<功能>鍵 , 調至甜品功能 , 時間調至2Hours 

13. 再按<開始 / 取消>鍵 , 由佢燉 , 小心蒸氣口

14. 燉至剩餘一小時後會有時間顯示 

15. 燉至時間到最後30分鐘時 , 加入鮮奶至8成滿蓋上蓋繼續燉 

16. 直至嗶嗶聲響代表燉完 , 會進入保溫模式即可 




滋潤養顏的杏汁木瓜雪耳燉鮮奶 , 絕對係女性恩物 , 好味道呢 ^^