家鄉炒米粉

前幾日一時天氣好 , 一時就天蔭蔭 , 氣溫稍為下降 , 落街買餸都凍冰冰 , 天氣凍就自然好容易肚仔餓 , 所以就決定整個下午茶炒粉麵食下暖暖胃 ......



如果俾我選擇整炒粉麵 , 我首選一定係炒米粉或炒銀針粉 , 以往去酒樓食炒米粉得個細細碟 , 而且配料又少得可憐 , 想搵條芽菜仔都難 , 而且又冇蛋絲 , 完全接受唔到酒樓咁既價錢兼咁既質數囉



所以自己炒一定要多多配料 , 同埋要加埋肉絲一齊炒 , 實行配料多過米粉至得 , 今次又用上自家製上湯製作 , 米粉吸收晒上湯的味道 , 俾用水更加入味 , 其實袁太閒時就會煲定一大煲上湯放入雪櫃 , 鐘意就攞少少用來炒米 , 炆米 , 甚至用來做水餃湯底都唔錯 , 呢個咁足料的家鄉炒米粉就成為當日的下午茶點呢 ^^



材料 : 天鵝牌炒米粉 , 梅頭豬肉 , 甘旬 , 椰菜 , 銀芽 , 火腿 , 雞蛋 , 上湯(冇上湯可用水代替) , 蔥 , 糖 , 生粉 , 酒 , 胡椒粉 , 美的早餐機(MZ-DSY18A)

梅頭肉洗淨切條放入大碗內 , 加入醃料拌勻靜待30分鐘 , 期間將火腿切片 , 蔥切粒 , 甘旬去皮切絲 , 椰菜切絲 , 銀芽放入美的早餐機的煲內加水 , 蓋上蓋按<蒸 / 煮>功能 , 時間調至10分鐘 , 雞蛋打成蛋液 , 銀芽煮10分鐘後盛起用水沖一沖洗及瀝乾

蛋液放入美的早餐機的煎pan內 , 按<煎蛋>功能 , 煎至兩面金黃色 , 盛起切絲 , 米粉放入鑊中加水用中火煮至軟身 , 盛起稍為待涼15分鐘

燒紅鑊 , 將豬肉放入鑊中爆香至轉色 , 加入甘旬絲及椰菜絲拌勻 , 蓋上蓋用慢火煮5分鐘至軟身 , 再加入米粉 , 銀芽 , 少許鹽及上湯拌勻 , 最後加入蛋絲及蔥粒拌勻炒數分鐘至水份收乾即可

材料
天鵝牌炒米粉2個 , 梅頭豬肉$20 , 甘旬1條 , 椰菜1個 , 銀芽$3 , 火腿2片 , 雞蛋2隻 , 上湯150ml(冇上湯可用水代替) , 蔥 , 糖 , 生粉 , 酒 , 胡椒粉 , 美的早餐機(MZ-DSY18A)

醃料 
生抽 , 老抽 , 糖 , 粟粉 , 麻油 , 酒 , 水  



做法
1. 梅頭肉洗淨切條放入大碗內 , 加入醃料拌勻靜待30分鐘 

2. 期間將火腿切片 , 蔥切粒 , 甘旬去皮切絲 

3. 椰菜切絲

4. 銀芽放入美的早餐機的煲內加水 , 蓋上蓋按<蒸 / 煮>功能 , 時間調至10分鐘

5. 雞蛋打成蛋液

6. 銀芽煮10分鐘後盛起用水沖一沖洗及瀝乾

7. 蛋液放入美的早餐機的煎pan內 , 按<煎蛋>功能 , 煎至兩面金黃色 , 盛起切絲

8. 米粉放入鑊中加水用中火煮至軟身 , 盛起稍為待涼15分鐘

9. 燒紅鑊 , 將豬肉放入鑊中爆香至轉色 

10. 加入甘旬絲及椰菜絲拌勻 , 蓋上蓋用慢火煮5分鐘至軟身

11. 再加入米粉 , 銀芽 , 少許鹽及上湯拌勻 

12. 最後加入蛋絲及蔥粒拌勻炒數分鐘至水份收乾即可




超足料的家鄉炒米粉 , 同酒樓相比 , 當然自家製作美味得多呢 ^^