紅油炒手

上次就用左品牌寄來的蝦子粗麵配左手撕雞俾袁生做晚餐後 , 今次開封的就係~麻辣三兄弟~包括有麻辣四川口水雞醬 , 麻辣雞煲醬同正宗潮州辣椒油三款 , 袁太見到辣椒油真的好喜歡 , 由細到大都無辣不歡的袁太 , 決定整個紅油炒手食下 ......



袁太印象中好似N年前食過一次之後就冇再食 , 其實紅油炒手只不過係雲吞加汁料配合而成 , 起初想買現成雲吞加汁料算數 , 後來又想自己包 , 皆因冰箱有豬肉 , 又有急凍蝦仁 , 有木耳絲 , 只去街市買韭黃同雲吞皮就得 , 將豬肉剁碎 , 加入其餘材料醃下佢 , 再用雲吞皮包好 , 而汁料方面用上鎮江醋 , 辣椒油 , 生抽 , 糖等等拌勻而成 , 自家製當然可以將辣的程度降低 , 唔會好似街食的咁紅卜卜



雲吞可以做紅油炒手 , 用剩的雲吞簡單放湯煮 , 或者拌麵食都好好 , 袁生唔太食得辣都大讚呢個紅油炒手好好味道呢 ^^



材料 : 梅頭豬肉 , 急凍蝦仁 , 木耳絲(預先浸水至軟身) , 韭黃 , 蒜蓉 , 雞蛋 , 鎮江醋 , 大囍慶正宗潮州辣椒油 , 雲吞皮 , 鹽 , 糖 , 生粉 , 胡椒粉 , 美的早餐機(MZ-DSY18A)

梅頭豬肉切條再切粒後剁碎 , 放入大碗內加入醃料拌勻先靜待30分鐘 , 期間將韭黃切粒 , 急凍蝦仁切粒 , 木耳絲切碎 , 韭黃粒用水沖一沖洗及瀝乾

豬肉醃30分鐘後逐一加入蝦仁粒 , 木耳碎及韭黃粒拌勻 , 再加入雞蛋用手撻數分鐘至起膠 , 放入雪櫃下層靜待1小時

餡料放入雲吞皮中間位置 , 對摺再包成雲吞形狀 , 雲吞放入美的早餐機的煲仔內 , 加少許鹽及水 , 蓋上蓋時間調至10分鐘 , 期間將蒜蓉 , 大囍慶正宗潮州辣椒油及調味汁料放入碗內拌勻 , 雲吞煮至熟透後放入碗內 , 淋上調味汁料即可

材料
梅頭豬肉 , 急凍蝦仁 , 木耳絲(預先浸水至軟身) , 韭黃 , 蒜蓉 , 雞蛋1隻 , 鎮江醋 , 大囍慶正宗潮州辣椒油1湯匙 , 雲吞皮 , 鹽 , 糖 , 生粉 , 胡椒粉 , 美的早餐機(MZ-DSY18A)

醃料
生抽 , 糖 , 生粉 , 胡椒粉 , 水 

調味汁料
生抽 , 鎮江醋1湯匙 , 糖 , 麻油



做法
1. 梅頭豬肉切條再切粒後剁碎 , 放入大碗內加入醃料拌勻先靜待30分鐘 

2. 期間將韭黃切粒 , 急凍蝦仁切粒 , 木耳絲切碎 

3. 韭黃粒用水沖一沖洗及瀝乾

4. 豬肉醃30分鐘後逐一加入蝦仁粒 , 木耳碎及韭黃粒拌勻 

5. 再加入雞蛋用手撻數分鐘至起膠 , 放入雪櫃下層靜待1小時

6. 餡料放入雲吞皮中間位置 , 對摺再包成雲吞形狀

7. 雲吞放入美的早餐機的煲仔內 , 加少許鹽及水 , 蓋上蓋時間調至10分鐘 

8. 期間將蒜蓉 , 大囍慶正宗潮州辣椒油及調味汁料放入碗內拌勻 

9. 雲吞煮至熟透後放入碗內 , 淋上調味汁料即可 




自己包的雲吞夠足料 , 簡單加入紅油汁就成為好味的紅油炒手 , 用剩的雲吞簡單放湯煮都好好味道呢 ^^