[大囍慶經典蝦子粗麵] 銀芽手撕雞撈蝦子粗麵

自從收到品牌寄來的辣椒油 , 素麵及蝦子粗麵後 , 袁太一直構思應該煮咩美食好 , 第一盒開封的就係大囍慶經典蝦子粗麵 , 配上袁生一向好喜愛食的手撕雞同煮 , 曾經在街買過一次手撕雞回家 , 簡直 ...... 入唔到口 , 雞肉 "難烚烚" 之餘 , 汁料又唔知用咩來調製 , 難食到嘔 , 食都冇食就掉左佢 ......



自此之後 , 袁太就自己整手撕雞 , 其實在家自製手撕雞好容易 , 簡單去街市買隻雞回家隔水蒸熟 , 待涼後將雞肉撕成絲 , 蒸雞的雞汁留起用來做汁料 , 有人會去掉雞皮 , 不過袁太就唔會咁浪費 , 所以將少許雞皮撕成絲同雞肉拌勻



將滑滑的手撕雞肉加上清淡的銀芽拌勻 , 銀芽亦係袁生最愛的食材 , 啖啖肉的手撕雞配上品牌的蝦子粗麵 , 呢款蝦子粗麵好彈牙 , 味道好好 , 煮至軟身後先加少少蠔油拌勻 , 再配上銀芽手撕雞拌勻一齊食 , 味道簡直絕配(袁生說的) , 剩下的雞殼骨同雞腳可以留待下次煲湯呢 ^^



材料 : 雞 , 銀芽 , 薑 , 蔥 , 蒜頭 , 鹽 , 糖 , 酒 , 胡椒粉 , 大囍慶經典蝦子粗麵 , 美的早餐機(MZ-DSY18A)

雞去頭去尾及雞腔內裡污穢物 , 雞腳起出 , 用水洗淨雞的內外 , 抹乾水份 , 放入器皿內加多少許鹽及酒拌勻雞的外內兩面 , 蓋上保鮮紙靜待1小時 , 期間將蔥切粒 , 薑去皮切粒 , 蒜頭去衣切粒

銀芽放入美的早餐機的煲仔內 , 加少許鹽及水蓋過面 , 蓋上蓋按<蒸 / 煮>功能  , 時間調至10分鐘煮至銀芽軟身 , 盛起用水沖一沖洗及瀝乾

將雞放入早餐機的蒸架上 , 蓋上蓋按<蒸 / 煮>功能 , 時間調至25分鐘 , 25分鐘後唔好開蓋焗5分鐘 , 蒸好的雞及雞汁分別盛起 , 雞稍為待涼20分鐘後用手慢慢將雞肉撕成絲 , 雞汁加入調味料拌勻 , 將薑粒及蒜粒放入鑊中爆香 , 加入汁料內 , 再加入少許蔥粒拌勻成汁料 , 手撕雞肉及銀芽放入器皿內拌勻 , 食時淋上汁料 , 灑上蔥粒及黑白芝麻 , 最後蝦子粗麵放入煲內用中火拌勻煮至軟身 , 盛起加少少蠔油拌勻即可

材料
雞1隻 , 銀芽$5 , 薑 , 蔥 , 蒜頭1/2個 , 鹽 , 糖 , 酒 , 胡椒粉 , 大囍慶經典蝦子粗麵2個 , 美的早餐機(MZ-DSY18A)

調味料
生抽 , 老抽 , 糖 , 麻油



做法
1. 雞去頭去尾及雞腔內裡污穢物 , 雞腳起出

2. 用水洗淨雞的內外 , 抹乾水份 

3. 放入器皿內加多少許鹽及酒拌勻雞的外內兩面 , 蓋上保鮮紙靜待1小時 

4. 期間將蔥切粒 , 薑去皮切粒 , 蒜頭去衣切粒

5. 銀芽放入美的早餐機的煲仔內 , 加少許鹽及水蓋過面 

6. 蓋上蓋按<蒸 / 煮>功能  , 時間調至10分鐘煮至銀芽軟身 

7. 盛起用水沖一沖洗及瀝乾 

8. 將雞放入早餐機的蒸架上 , 蓋上蓋按<蒸 / 煮>功能 , 時間調至25分鐘 

9. 25分鐘後唔好開蓋焗5分鐘 

10. 蒸好的雞及雞汁分別盛起 

11. 雞稍為待涼20分鐘後用手慢慢將雞肉撕成絲 , 雞汁加入調味料拌勻 

12. 將薑粒及蒜粒放入鑊中爆香 , 加入汁料內 , 再加入少許蔥粒拌勻成汁料 

13. 手撕雞肉及銀芽放入器皿內拌勻 , 食時淋上汁料 , 灑上蔥粒及黑白芝麻 

14. 最後蝦子粗麵放入煲內用中火拌勻煮至軟身 , 盛起加少少蠔油拌勻即可 



 
滑滑的手撕雞肉 , 真係令人無法抗拒 , 配上香濃的蝦子粗麵 , 非常絕配 , 整手撕雞盛下的雞殼骨同雞腳可以留待下次煲湯呢 ^^