2019年2月8日 星期五

手工地瓜圓




之前整紅棗千層糕時還剩下約半包木薯粉 , 之前又係街市買左雞蛋黃蕃薯同紫蕃薯 , 令袁太想起地瓜圓呢樣食物 , 所以就決定整兩款地瓜圓慢慢嘆 ......



其實印象中袁太好似未曾食過地瓜圓 , 只食過芋圓 , 地瓜圓做法絕對簡單 , 可以話零失敗呢 , 簡單將蕃薯蒸熟壓蓉 , 再加入木薯粉 , 水拌勻成粉糰 , 切成小段就完成 , 整好的地瓜圓放入熱水煮至熟透浮面 , 顏色鮮艷靚靚 , 煙煙韌韌 , 煮熟的地瓜圓配上紅豆沙 , 綠豆沙或豆腐花都好好味 , 或者好似袁太今次比較簡單配上片糖水都唔錯



好似冬至 , 農曆新年或元宵佳節 , 要食湯丸的時候 , 偶然將湯丸轉換成地瓜圓或芋圓都係一個唔錯的選擇黎呢 ^^



材料 : 木薯粉 , 雞蛋黃蕃薯 , 紫蕃薯 , 白砂糖 , 水 , 叉 , 隔篩 , 美的早餐機(MZ-DSY18A)




雞蛋黃蕃薯 , 紫蕃薯去皮切件 , 先將雞蛋黃蕃薯放入碗內 , 放入早餐機蓋上蓋按<蒸 / 煮>功能 , 時間調至20分鐘蒸至熟 , 再焗5分鐘 , 將己蒸熟的雞蛋黃蕃薯用叉壓成蓉 , 加入55g木薯粉拌勻 , 再加入30g水拌勻 , 用手搓成光滑粉糰





















紫蕃薯放入碗內 , 放入早餐機蓋上蓋按<蒸 / 煮>功能 , 時間調至20分鐘蒸至熟 , 期間將黃蕃薯粉糰分成小份 , 再搓成長條 , 切成小段 , 加少許木薯粉拌勻防黏成一團 , 用保鮮紙蓋好以免接觸空氣水份而乾裂 , 蒸20分鐘的紫蕃薯再焗5分鐘 , 將己蒸熟的紫蕃薯用叉壓成蓉 , 加入55g木薯粉拌勻 , 再加入30g水拌勻 , 用手搓成光滑粉糰 , 粉糰分成小份 , 再搓成長條 , 切成小段 , 加少許木薯粉拌勻防黏成一團 , 用保鮮紙蓋好以免接觸空氣水份而乾裂

































煮之前將地瓜圓用隔篩除去多餘粉粒 , 放入熱水內用中火煮至浮起 , 盛起地瓜圓放入碗內 , 加少許糖拌勻 , 同樣將紫地瓜圓用隔篩除去多餘粉粒 , 放入熱水內用中火煮至浮起 , 盛起紫地瓜圓放入碗內 , 加少許糖拌勻即可















 



材料
木薯粉55g + 55g , 雞蛋黃蕃薯(去皮後100g) , 紫蕃薯(去皮後100g) , 白砂糖 , 水30g + 30g , 叉 , 隔篩 , 美的早餐機(MZ-DSY18A)


做法
1. 雞蛋黃蕃薯 , 紫蕃薯去皮切件 

2. 先將雞蛋黃蕃薯放入碗內 , 放入早餐機蓋上蓋按<蒸 / 煮>功能 

3. 時間調至20分鐘蒸至熟  , 再焗5分鐘 

4. 將己蒸熟的雞蛋黃蕃薯用叉壓成蓉 , 加入55g木薯粉拌勻 , 再加入30g水拌勻 

5. 用手搓成光滑粉糰

6. 紫蕃薯放入碗內 , 放入早餐機蓋上蓋按<蒸 / 煮>功能 

7. 時間調至20分鐘蒸至熟 

8. 期間將黃蕃薯粉糰分成小份 , 再搓成長條 , 切成小段  , 加少許木薯粉拌勻防黏成一團 

9. 用保鮮紙蓋好以免接觸空氣水份而乾裂

10. 蒸20分鐘的紫蕃薯再焗5分鐘

11. 將己蒸熟的紫蕃薯用叉壓成蓉 , 加入55g木薯粉拌勻 , 再加入30g水拌勻 

12. 用手搓成光滑粉糰 

13. 粉糰分成小份 , 再搓成長條 , 切成小段 , 加少許木薯粉拌勻防黏成一團 

14. 用保鮮紙蓋好以免接觸空氣水份而乾裂

15. 煮之前將地瓜圓用隔篩除去多餘粉粒 

16. 放入熱水內用中火煮至浮起 , 盛起地瓜圓放入碗內 , 加少許糖拌勻 

17. 同樣將紫地瓜圓用隔篩除去多餘粉粒 

18. 放入熱水內用中火煮至浮起 , 盛起紫地瓜圓放入碗內 , 加少許糖拌勻即可 




手工地瓜圓做法簡單 , 口感煙煙韌韌 , 顏色及賣相靚靚 , 配上片糖水做成一道簡單又美味的甜品呢 ^^











14 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......