話梅浸雞翼

袁生平時好喜愛食話梅 , 經常買幾包話梅放在家 , 但食食下佢又會放低唔再食 , 袁太通常見有話梅剩 , 都會回收再加工 , 今次竟用話梅配上雞翼 , 簡單製作話梅雞翼俾袁行做宵夜 ......



如果袁太還食得雞 , 相信的一定會好喜歡 , 皆因袁太一向喜愛酸酸甜甜的食物 , 例如咕嚕肉呀~~ 錦滷雲吞或京都骨我統統都喜歡 , 所以呢個話梅雞翼我絕對好喜歡食 , 每次整浸雞翼多數一早煮好 , 然後熄火由佢浸 , 浸至上色入味 , 食前只輕微番熱就得 , 而且浸的方法可以保持雞翼嫩滑 , 如果大家唔喜愛雞翼的話 , 轉用豬手製作話梅豬手都一樣咁好味



宵夜時段俾袁生嘆的時候 , 他不知幾喜歡 , 雞翼全部清晒之餘 , 仲食埋d話梅添 ^^



材料 : 雞中翼 , 話梅 , 冰糖 , 雞粉 , 酒 , 胡椒粉 , 水 , 美的早餐機(MZ-DSY18A)

雞翼用水洗淨抹乾水份 , 放入煲仔或大碗內 , 加少許雞粉 , 胡椒粉及生抽拌勻蓋上蓋靜待30分鐘

話梅放入美的早餐機的煲仔內 , 加1.5杯水蓋上蓋按<蒸 / 煮>功能 , 時間調至15分鐘 , 煮至話梅出味 , 再加入調味料拌勻蓋上蓋按<蒸 / 煮>功能 , 時間調至5分鐘 , 煮至冰糖溶掉 , 再放入雞翼蓋上蓋按<蒸 / 煮>功能 , 火力調低至300 , 時間調至10分鐘 , 10分鐘後將所有材料連汁料轉放入另一煲仔內浸焗至入味(浸的時間越耐越入味 , 不過最少要浸焗1小時) , 食時再煮滾即可

材料
雞中翼8隻 , 話梅約20粒 , 冰糖 , 雞粉 , 酒 , 胡椒粉 , 水1.5杯 , 美的早餐機(MZ-DSY18A)

調味料
 生抽1茶匙 , 老抽1湯匙 , 酒1湯匙



做法
1. 雞翼用水洗淨抹乾水份 , 放入煲仔或大碗內 

2. 加少許雞粉 , 胡椒粉及生抽拌勻蓋上蓋靜待30分鐘

3. 話梅放入美的早餐機的煲仔內 

4. 加1.5杯水蓋上蓋按<蒸 / 煮>功能 , 時間調至15分鐘 , 煮至話梅出味

5. 再加入調味料拌勻蓋上蓋按<蒸 / 煮>功能 , 時間調至5分鐘 , 煮至冰糖溶掉 

6. 再放入雞翼蓋上蓋按<蒸 / 煮>功能 , 火力調低至300 , 時間調至10分鐘 

7. 10分鐘後將所有材料連汁料轉放入另一煲仔內浸焗至入味
   (浸的時間越耐越入味 , 不過最少要浸焗1小時) , 食時再煮滾即可 




中午時份整好話梅雞翼 , 浸到入晒味 , 無論晚餐或宵夜 , 加餸還是肚仔餓 , 只要煮熱就食得 , 真係好方便呢 ^^