腐竹薏米鵪鶉蛋糖水

雖然係遲左出post , 不過大家都唔介意架喇 , 呢個糖水係上年冬至個日煲架 , 哈 ... 都差不多成三個月 , 大家係咪覺得冬至應該係煮湯丸呢 , 之但係我家袁生話年年都煮湯丸好悶喎 , 其實我知佢本身唔太愛食湯丸姐 ......



之前整鵪鶉蛋燒賣的時候用剩大半盒鵪鶉蛋 , 之前整山竹牛肉球又用剩左腐皮 , 用黃豆整豆漿時又飲剩左少少 , 所以就將幾樣材料夾埋煮個糖水代替湯丸



唔知大家喜愛腐竹糖水係咩狀態呢 ??? 袁太的意思係大家喜歡腐竹煲到半溶 , 還是溶晒狀態 ??? 我同袁生都比較喜歡煲到溶晒的腐竹 , 口感滑滑 , 今次用上鵪鶉蛋 , 雖然鵪鶉蛋的膽固醇俾雞蛋還要高 , 但鵪鶉蛋香好多 , 不過唔好過量 , 一人兩粒好喇 , 呢款糖水用上腐皮 , 腐竹及豆漿煮成 , 豆味香濃~yummy yummy~呢 ^^

材料 : 乾腐竹 , 鮮腐竹 , 腐皮(預先用水浸軟撕成細塊) , 冰糖 , 生薏米 , 無糖豆漿 , 鵪鶉蛋 , 雞蛋 , 水 , 美的早餐機(MZ-DSY18A)

生薏米放入碗內加水浸過面靜待30分鐘 , 浸30分鐘後用水沖一沖洗及瀝乾 , 乾腐竹(留起一塊)用水稍為沖洗及瀝乾

 
逐一將乾腐竹 , 鮮腐竹及生薏米放入煲內 , 加入無糖豆漿及2000ml水拌勻 , 用中火煲至滾後 , 蓋上蓋轉慢火煲45分鐘 , 期間將雞蛋打成蛋液 , 鵪鶉蛋放入美的早餐機的煲內 , 加水 , 蓋上蓋按<蒸 / 煮>功能 , 時間調至15分鐘 , 鵪鶉蛋煮至熟透後盛起用水沖一沖洗去殼 , 將餘下一塊的乾腐竹用水稍為沖洗及瀝乾

45分鐘後加入餘下的乾腐竹及腐皮碎拌勻 , 蓋上蓋繼續用慢火煲15分鐘 , 最後加入鵪鶉蛋及冰糖拌勻 , 蓋上蓋用慢火煮5分鐘 , 熄火加入蛋液拌勻焗10分鐘即可

材料
乾腐竹1包 , 鮮腐竹 , 腐皮1塊(預先用水浸軟撕成細塊) , 冰糖 , 生薏米 , 無糖豆漿300ml , 鵪鶉蛋8隻 , 雞蛋1隻 , 水2000ml , 美的早餐機(MZ-DSY18A)



做法

1. 生薏米放入碗內加水浸過面靜待30分鐘 

2. 浸30分鐘後用水沖一沖洗及瀝乾 , 乾腐竹(留起一塊)用水稍為沖洗及瀝乾 

3. 逐一將乾腐竹 , 鮮腐竹及生薏米放入煲內 , 加入無糖豆漿及2000ml水拌勻

4. 用中火煲至滾後 , 蓋上蓋轉慢火煲45分鐘

5. 期間將雞蛋打成蛋液 

6. 鵪鶉蛋放入美的早餐機的煲內 , 加水 , 蓋上蓋按<蒸 / 煮>功能

7. 時間調至15分鐘

8. 鵪鶉蛋煮至熟透後盛起用水沖一沖洗去殼 

9. 將餘下一塊的乾腐竹用水稍為沖洗及瀝乾

10. 45分鐘後加入餘下的乾腐竹及腐皮碎拌勻 , 蓋上蓋繼續用慢火煲15分鐘 

11. 最後加入鵪鶉蛋及冰糖拌勻 , 蓋上蓋用慢火煮5分鐘

12. 熄火加入蛋液拌勻焗10分鐘即可




豆味香濃的~腐竹薏米鵪鶉蛋糖水~ , 天氣寒冷食就最正 , 如果大家唔喜歡鵪鶉蛋 , 轉用雞蛋當然冇問題呢 ^^