2019年3月6日 星期三

<美的陶瓷蒸燉寶MD8101F食譜> 豬潤粥




之前整過沙爹牛肉麵俾袁生做早餐 , 佢大讚之後 , 下一次就要求食豬潤麵 , 好好好 , 去街市買豬潤煮粥俾佢做早點 , 平時袁生閒時都會去粥店食豬潤粥 ......



今次豬潤粥的粥底唔係瑤柱白粥 , 而係腐竹白粥底 , 煲好粥底加豬潤煮一煮就食得 , 用上美的陶瓷蒸燉寶來煮粥真係好方便 , 而且份量唔太多 , 一定可以清得晒 , 食粥又點可以冇油條 , 不過就冇時間自己搓粉整油條 , 就買一條現成回家 , 呢款粥底有香濃的腐竹味 , 加上豬潤的爽滑口感 , 天氣寒冷或冇咩胃口時 , 食粥都係一個唔錯的選擇



最重要係燉粥時偷偷加入燕麥片 , 又可以神不知鬼不覺令袁生乖乖食落肚 , 有左呢個蒸燉寶 , 燉粥好方便 , 唔晒睇火 , 又唔驚滾瀉 , 而且燉完的粥好綿 , 連平時唔多愛食粥的袁生都大讚 , 仲變得愛食粥呢 ^^





材料 : 珍珠米 , 鮮腐竹 , 豬潤 , 即食燕麥片 , 薑 , 蔥 , 油 , 胡椒粉 , 鹽 , 水 , 油條 , 美的陶瓷蒸燉寶(MD8101F)




珍珠米用水沖一沖洗及瀝乾 , 放入碗內加少許鹽 , 油及水浸過面靜待30分鐘再瀝乾水份 , 先將白米放入美的陶瓷蒸燉寶的燉盅內 , 放入鮮腐竹及熱水至8成滿 , 蓋上燉盅蓋 , 蒸燉寶的煲內加熱水至水位位置 , 放上蒸架 , 放上燉盅 , 蓋上煲蓋 , 先按<功能>鍵 , 調至嬰兒粥功能 , 時間調至2Hours , 再按<開始 / 取消>鍵 , 由佢燉 , 小心蒸氣口




























豬潤用水沖一沖洗後切片 , 用水不停沖洗豬潤約5分鐘至冇血水 , 瀝乾水份再抹乾 , 薑去皮切絲 , 蔥切粒 , 豬潤放入碗內 , 加入薑絲 , 少許生抽 , 糖 , 胡椒粉 , 酒拌勻醃一醃

















燉至時間到最後5分鐘 , 加入豬潤放入粥內拌勻 , 直至嗶嗶聲響代表燉完 , 會進入保溫模式 , 最後加入即食燕麥片 , 少許鹽及胡椒粉拌勻調味即可
















 
材料
珍珠米3/4杯 , 鮮腐竹 , 豬潤$5 , 即食燕麥片 , 薑 , 蔥 , 油 , 胡椒粉 , 鹽 , 水 , 油條 , 美的陶瓷蒸燉寶(MD8101F)



做法
1. 珍珠米用水沖一沖洗及瀝乾 

2. 放入碗內加少許鹽 , 油及水浸過面靜待30分鐘再瀝乾水份 

3. 先將白米放入美的陶瓷蒸燉寶的燉盅內 , 放入鮮腐竹及熱水至8成滿 

4. 蓋上燉盅蓋 , 蒸燉寶的煲內加熱水至水位位置 , 放上蒸架 , 放上燉盅 , 蓋上煲蓋 

5. 先按<功能>鍵 , 調至嬰兒粥功能 , 時間調至2Hours 

6. 再按<開始 / 取消>鍵 , 由佢燉 , 小心蒸氣口

7. 豬潤用水沖一沖洗後切片 

8. 用水不停沖洗豬潤約5分鐘至冇血水 , 瀝乾水份再抹乾 

9. 薑去皮切絲 , 蔥切粒 

10. 豬潤放入碗內 , 加入薑絲 , 少許生抽 , 糖 , 胡椒粉 , 酒拌勻醃一醃

11. 燉至時間到最後5分鐘 , 加入豬潤放入粥內拌勻 

12. 直至嗶嗶聲響代表燉完 , 會進入保溫模式 

13. 最後加入即食燕麥片 , 少許鹽及胡椒粉拌勻調味即可 




豬潤爽滑 , 粥底又香又綿 , 再配上油條就更加perfect , 這份早餐夠晒完美呢 ^^









14 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......