生菜鯪魚球魚肉粥

自從有左美的陶瓷蒸燉寶後 , 袁太閒時都會燉粥做早餐 , 自己整早餐一定好過落街買麵包呢 , 最開心就係而家連袁生都變得喜愛食粥 , 以前叫佢食粥就一定say no , 而家反而主動叫袁生燉粥俾佢食 , 話呢個蒸燉寶燉粥 , d粥好綿 , 好好味喎 ......



之前煲過皮蛋粥 , 煲過豬潤粥 , 今次就煲鯪魚球粥 , 係粥店食鯪魚球粥得個幾粒仔鯪魚球 , 碗弼價錢又唔平 , 唔化算 , 袁太只買左10蚊鯪魚肉 , 都有成7至8粒 , 而粥底方面今次就唔用熱水 , 改用魚湯做粥底 , 去魚檔買左條魚尾 , 煎香魚尾加熱水煮成奶白色魚湯 , 將魚湯加珍珠米煮成粥 , 魚尾起肉 , 到最後連同鯪魚肉一同放入粥內煮一煮就得



大家可以將生菜放入粥內一齊煮 , 不過袁生袁太都唔太鐘意淋pat pat的菜 , 所以就將生菜絲放入碗 , 再淋上熱粥 , 咁生菜就會爽爽脆脆 , 好味道呢 ^^



材料 : 珍珠米 , 魚尾 , 唐生菜 , 薑 , 鯪魚肉 , 蔥 , 油 , 胡椒粉 , 鹽 , 美的陶瓷蒸燉寶(MD8101F)

魚尾用水沖洗乾淨抹乾水份 , 珍珠米用水沖一沖洗及瀝乾 , 放入碗內加少許鹽 , 油及水浸過面靜待30分鐘 , 薑去皮切絲 , 蔥切粒

燒紅鑊 , 先爆香薑絲 , 放入魚尾用中火煎至兩面金黃色 , 加入熱水煮滾 , 蓋上蓋用中火煮20分鐘 , 期間將唐生菜切絲 , 用水沖一沖洗及瀝乾備用

魚湯煮20分鐘成奶白色湯底 , 將之前浸水珍珠米的瀝乾水份 , 放入美的陶瓷蒸燉寶的燉盅內 , 加入熱的魚湯至8成滿 , 蓋上燉盅蓋 , 蒸燉寶的煲內加熱水至水位位置 , 放上蒸架 , 放上燉盅 , 蓋上煲蓋 , 先按<功能>鍵 , 調至嬰兒粥功能 , 時間調至2Hours , 再按<開始 / 取消>鍵 , 由佢燉 , 小心蒸氣口

燉粥期間將鯪魚肉放入碗內 , 加少許鹽及胡椒粉拌勻醃一醃 , 煲魚湯的魚尾去骨起肉 , 燉粥剩餘一小時後會有時間顯示 , 燉至時間到最後15分鐘 , 將鯪魚肉唧成魚球放入粥內 , 放入魚肉拌勻蓋上蓋繼續燉 , 直至嗶嗶聲響代表燉完 , 會進入保溫模式 , 最後加入少許鹽及胡椒粉拌勻調味 , 食時將生菜絲放入碗底 , 淋上熱粥即可

 
材料
珍珠米3/4杯 , 魚尾1條 , 唐生菜1棵 , 薑 , 鯪魚肉$10 , 蔥 , 油 , 胡椒粉 , 鹽 , 美的陶瓷蒸燉寶(MD8101F)



做法
1. 魚尾用水沖洗乾淨抹乾水份 

2. 珍珠米用水沖一沖洗及瀝乾 , 放入碗內加少許鹽 , 油及水浸過面靜待30分鐘 

3. 薑去皮切絲 , 蔥切粒

4. 燒紅鑊 , 先爆香薑絲 , 放入魚尾用中火煎至兩面金黃色 

5. 加入熱水煮滾 , 蓋上蓋用中火煮20分鐘 

6. 期間將唐生菜切絲 , 用水沖一沖洗及瀝乾備用

7. 魚湯煮20分鐘成奶白色湯底 

8. 將之前浸水珍珠米的瀝乾水份 

9. 放入美的陶瓷蒸燉寶的燉盅內 , 加入熱的魚湯至8成滿 , 蓋上燉盅蓋 

10. 蒸燉寶的煲內加熱水至水位位置 , 放上蒸架 , 放上燉盅 , 蓋上煲蓋 

11. 先按<功能>鍵 , 調至嬰兒粥功能 , 時間調至2Hours 

12. 再按<開始 / 取消>鍵 , 由佢燉 , 小心蒸氣口

13. 燉粥期間將鯪魚肉放入碗內 , 加少許鹽及胡椒粉拌勻醃一醃 

14. 煲魚湯的魚尾去骨起肉 

15. 燉粥剩餘一小時後會有時間顯示 

16. 燉至時間到最後15分鐘 , 將鯪魚肉唧成魚球放入粥內 , 放入魚肉拌勻蓋上蓋繼續燉 

17. 直至嗶嗶聲響代表燉完 , 會進入保溫模式 

18. 最後加入少許鹽及胡椒粉拌勻調味 , 食時將生菜絲放入碗底 , 淋上熱粥即可 




多料版生菜鯪魚球粥 , 自家製價錢便宜 , 而且有魚湯做粥底 , 鮮甜美味呢 ^^