桂花薑汁栗子蕃薯糖水

突然間又好想食糖水 , 唔止袁太架 , 就連袁生都話想食糖水 , 既然袁生都想食 , 咁我當然唔會say no , 最愛的糖水離不開紅豆沙 , 綠豆沙 , 不過就煲唔到 , 因為冇浸豆 , 所以就要想想究竟煲洋糖水好 ......



好彩前陣子去街市時見雞蛋黃蕃薯做特價 , 10蚊有2包 , 袁太當然會買兩包回家 

平時袁太好喜愛食蕃薯 , 喜愛蕃薯可以煲粥 , 煲湯 , 煮糖水 , 煮咖哩或就咁蒸黎食都得 , 今次就先用來煮糖水 , 雪櫃還有芋頭 , 栗子 , 又有桂花糖 , 就可以煮個~桂花薑汁栗子蕃薯糖水~ , 講開蕃薯糖水 , 唔知大家喜唔喜愛薑味重的蕃薯糖水呢 ??? 我同袁生就非常喜歡 , 而且係要超重薑味添 , 所以每次煲 , 袁太都會落多多薑絲同薑汁 , 煮蕃薯糖水唔駛一粒鐘就有得食



糖水顏色金金黃黃 , 食前灑上少許桂花糖 , 賣相靚靚 , 糖水薑味重又甜甜 , 而且有蕃薯 , 有芋頭 , 又有栗子 , 好飽肚 , 蕃薯糖水永遠係袁太最愛的中式糖水之一呢 ^^



材料 : 雞蛋黃蕃薯 , 薑汁 , 薑絲 , 栗子 , 芋頭 , 桂花糖 , 片糖 , 水 , 美的早餐機(MZ-DSY18A)

栗子放入煲內加水用中火煮滾 , 盛起趁熱將栗子去殼 , 栗子肉用水沖一沖洗及瀝乾 , 芋頭去皮切粒 , 美的早餐機煲仔加水 , 放上蒸架及芋頭 , 蓋上蓋按<蒸 / 煮>功能 , 時間調至15分鐘蒸至半軟身 , 雞蛋黃蕃薯去皮切件 , 放入大碗內加水浸過面靜待10分鐘

將栗子肉放入煲內 , 加入薑絲及2500ml水 , 用中火煮滾後蓋上蓋繼續用中火煲10分鐘 , 雞蛋黃蕃薯浸10分鐘後用水沖一沖洗及瀝乾

10分鐘後加入雞蛋黃蕃薯拌勻 , 蓋上蓋轉慢火煲15分鐘 , 最後加入芋頭粒 , 片糖及薑汁拌勻 , 轉用中火煮至片糖完全溶掉 , 熄火焗10分鐘 , 食時灑上桂花糖即可

材料
雞蛋黃蕃薯5個 , 薑汁 , 薑絲 , 栗子1/2磅 , 芋頭1/2個 , 桂花糖 , 片糖2磚 , 水2500ml , 美的早餐機(MZ-DSY18A)



做法
1. 栗子放入煲內加水用中火煮滾 , 盛起趁熱將栗子去殼

2. 栗子肉用水沖一沖洗及瀝乾 

3. 芋頭去皮切粒 , 美的早餐機煲仔加水 , 放上蒸架及芋頭 , 蓋上蓋按<蒸 / 煮>功能 

4. 時間調至15分鐘蒸至半軟身 

5. 雞蛋黃蕃薯去皮切件 , 放入大碗內加水浸過面靜待10分鐘

6. 將栗子肉放入煲內 , 加入薑絲及2500ml水 

7. 用中火煮滾後蓋上蓋繼續用中火煲10分鐘 

8. 雞蛋黃蕃薯浸10分鐘後用水沖一沖洗及瀝乾 

9. 10分鐘後加入雞蛋黃蕃薯拌勻 , 蓋上蓋轉慢火煲15分鐘 

10. 最後加入芋頭粒 , 片糖及薑汁拌勻 , 轉用中火煮至片糖完全溶掉 

11. 熄火焗10分鐘 , 食時灑上桂花糖即可 




賣相靚靚 , 金金黃黃薑味勁重又甜甜的蕃薯糖水 , 好味的程度令我食完一碗再一碗呢 ^^