清補涼雞蛋糖水

天氣炎熱的時候 , 大家都離不開買冬瓜 , 粟米鬚 , 老王瓜煲湯煲水消暑 , 袁太就相反 , 反而好喜愛煲糖水食 , 某日清理雪櫃的時候 , 發現還有好多好多煲湯料 , 例如准山 , 茨實 , 圓肉 , 乾百合等等 ...



呢堆類似清補涼的材料其實都好啱用來煲糖水 , 清補涼唔一定配冬瓜豬展煲湯 , 轉配雞蛋冰糖煲糖水都係一個唔錯的選擇 , 唔知點解清補涼湯袁太唔太喜歡 , 但清補涼糖水袁太就多多都食得落 , 可能因為甜甜兼有雞蛋食 , 起初以為袁生唔喜歡 , 因他不喜歡食准山同茨實架 , 但袁太又估錯了 , 他不知幾喜歡 , 仲食得多過袁太呢 ^^



材料 : 准山 , 蓮子 , 鹽味即食腰果 , 圓肉 , 茨實 , 生薏米 , 乾百合 , 雞蛋 , 冰糖 , 果皮(預先浸軟) , 水 , 美的早餐機(MZ-DSY18A)

將雞蛋放入美的早餐機的煲仔內 , 加水蓋過面 , 蓋上蓋後早餐機按<蒸 / 煮>功能 , 時間調至15分鐘煮至雞蛋熟透 , 盛起雞蛋用水沖至完全涼 , 去殼備用 , 准山 , 蓮子 , 茨實 , 生薏米 , 乾百合 , 圓肉用水沖一沖洗及瀝乾 , 果皮刮去囊後撕成細片

將准山 , 蓮子 , 茨實 , 生薏米 , 乾百合 , 圓肉放入煲內 , 再加入即食腰果 , 果皮及1800ml水拌勻 , 蓋上蓋按<蒸 / 煮功能> , 時間調至10分鐘煮至滾 , 將火力調低至300 , 時間調至1小時 , 微微開少少蓋繼續煮

1小時後加入雞蛋拌勻 , 蓋上蓋按<蒸 / 煮功能> , 火力調低至300 , 時間調至30分鐘 , 30分鐘後加入冰糖調味拌勻煮至溶掉 , 蓋上蓋焗10分鐘即可(如用明火製作 , 將材料放入煲內加1800ml水 , 用中火煮15分鐘至滾 , 蓋上蓋轉慢火煲1小時 , 1小時後加入雞蛋拌勻 , 蓋上蓋繼續用慢火煮30分鐘 , 最後加冰糖轉大火煮至溶 , 熄火焗30分鐘即可)

材料
准山 , 蓮子 , 鹽味即食腰果 , 圓肉 , 茨實 , 生薏米 , 乾百合 , 雞蛋2隻 , 冰糖 , 果皮1.5塊(預先浸軟) , 水 , 美的早餐機(MZ-DSY18A)



做法
1. 將雞蛋放入美的早餐機的煲仔內 , 加水蓋過面 

2. 蓋上蓋後早餐機按<蒸 / 煮>功能 , 時間調至15分鐘煮至雞蛋熟透 

3. 盛起雞蛋用水沖至完全涼 , 去殼備用 

4. 准山 , 蓮子 , 茨實 , 生薏米 , 乾百合 , 圓肉用水沖一沖洗及瀝乾 

5. 果皮刮去囊後撕成細片

6. 將准山 , 蓮子 , 茨實 , 生薏米 , 乾百合 , 圓肉放入煲內 , 再加入即食腰果 , 果皮及1800ml水拌勻 

7. 蓋上蓋按<蒸 / 煮功能> , 時間調至10分鐘煮至滾 

8. 將火力調低至300 , 時間調至1小時 , 微微開少少蓋繼續煮

9. 1小時後加入雞蛋拌勻 

10. 蓋上蓋按<蒸 / 煮功能> , 火力調低至300 , 時間調至30分鐘 

11. 30分鐘後加入冰糖調味拌勻煮至溶掉 , 蓋上蓋焗10分鐘即可

    

(如用明火製作 , 將材料放入煲內加1800ml水 , 用中火煮15分鐘至滾 , 蓋上蓋轉慢火煲1小時 , 1小時後加入雞蛋拌勻 , 蓋上蓋繼續用慢火煮30分鐘 , 最後加冰糖轉大火煮至溶 , 熄火焗30分鐘即可)

簡單有益的清補涼雞蛋糖水 , 無論熱食凍食都可以 , 不過當然熱食係最好呢 ^^