蝦醬乾煎豬腩肉

自從係急凍店買過豬腩肉覺得唔錯之後 , 袁太就久唔久都去急凍店睇下有冇靚靚豬腩肉 , 頭幾日都買唔落手 , 之後終於俾我等到喇 , 就好快地買左四條回家 , 放入冰箱雪至硬一硬 , 取出切薄片再烹調一道簡單料理 ......



呢道簡單料理就係~蝦醬乾煎豬腩肉~ , 話明簡單料理 , 當然做法係相當簡單喇 , 將豬腩肉切成薄片 , 唔需要醃架 , 抹乾水份就可以放入鑊先煎香 , 煎香兩面先再慢慢調味 , 先落糖 , 再落蝦醬及生抽用慢火慢慢企定定等豬腩片煎成金黃色及香濃的焦香味就完成



香煎豬腩肉真係好香好香 , 而且豬腩肉肥瘦比例完美 , 而且濃濃的蝦醬味 , 無論拌飯拌粥都一流 , 另外用唐生菜做成生菜包一同進食都唔錯呢 ^^



材料 : 豬腩肉 , 蝦醬 , 油 , 白芝麻 , 生抽 , 酒 , 糖 , 唐生菜

蝦醬加入酒內拌勻 , 豬腩肉放入鑊中先用中火煎至兩面微黃 , 加少許糖於豬腩片上 , 轉用慢火慢慢煎至金黃 , 反轉另一面再加入糖用慢火慢慢煎香 , 最後加入蝦醬酒及生抽 , 繼續用慢火慢慢耐心煎至兩面金黃色及微焦色即可

材料
豬腩肉2塊 , 蝦醬1.5湯匙 , 油 , 白芝麻 , 生抽 , 酒 , 糖 , 唐生菜


做法
1. 蝦醬加入酒內拌勻 

2. 豬腩肉放入鑊中先用中火煎至兩面微黃 

3. 加少許糖於豬腩片上 , 轉用慢火慢慢煎至金黃 , 反轉另一面再加入糖用慢火慢慢煎香

4. 最後加入蝦醬酒及生抽 

5. 繼續用慢火慢慢耐心煎至兩面金黃色及微焦色即可 




香濃蝦醬味的乾煎豬腩肉 , 另人一試就愛上 , 食不停口呢 ^^