蒸椰菜素餃子

將時間調番去大年初一 , 今年大年初一係1月25日 , 亦係我家豬豬離開5週年的日子 , 不經不覺豬豬己離開5年了 , 到現在袁生袁太依然很掛念他 , 唔知豬豬係彩虹橋過得好唔好呢 ???



新年前日日蒸糕 , 都冇時間去街市入貨 , 還好廚房還有好多材料餘貨 , 隨時都可以煮幾味 , 不過年初一又係豬豬死忌 , 所以就選擇唔食肉 , 食素餃子 , 雖然肉餃係好味 , 不過袁生袁太都愛吃素餃 , 素餃材料有椰菜 , 雞蛋 , 豆腐卜 , 粟米粒 , 冬菇及白蘑菇 , 日常生活食咁多肉類 , 偶然要為身體進行一次大掃除 , 食多些蔬菜 , 身體都會健康些 , 先將材料切粒切絲 , 炒好材料再待涼 , 再包成餃子



包好的餃子可放湯煮 , 可煎及可蒸 , 袁生袁太的首選一定係蒸餃 , 蒸至熟透後沾上辣豆瓣醬或香醋同樣美味 , 食唔晒可放入冰箱冷藏 , 最好只冷藏三天左右呢 ^^



材料 : 椰菜 , 豆腐卜 , 冬菇(預先浸軟) , 冬菇水 , 白蘑菇 , 雞蛋 , 粟米粒 , 餃子皮 , 胡椒粉 , 麵粉

豆腐卜放入煲內加水 , 用中火煮滾後再用水沖一沖洗 , 渣乾水份後切粒 , 冬菇 , 白蘑菇分別切粒 , 椰菜切絲 , 雞蛋打成蛋液 , 放入鑊中用中火煎至兩面金黃色成蛋皮 , 切碎備用

冬菇粒及白蘑菇粒放入鑊中爆香 , 加入豆腐卜粒再拌炒數分鐘 , 再加入椰菜 , 調味料及冬菇水拌勻 , 蓋上蓋用中火煮5分鐘至收汁 , 最後加入粟米粒及蛋碎拌勻 , 將餡料放入大碗內或錫紙上靜待20分鐘至涼

將適量餡料放在餃子皮上 , 用水封口左右對摺成餃子形狀 , 灑少許麵粉於餃子上 , 適量餃子隔水用中火蒸15分鐘再焗5分鐘至熟透即可 (可放牛油紙於餃子底防黏)

 
材料
椰菜1/2個 , 豆腐卜 , 冬菇3隻(預先浸軟) , 冬菇水 , 白蘑菇 , 雞蛋2隻 , 粟米粒 , 餃子皮 , 胡椒粉 , 麵粉

調味料
蠔油 , 鹽 , 糖 , 麻油 



做法
1. 豆腐卜放入煲內加水 , 用中火煮滾後再用水沖一沖洗 , 渣乾水份後切粒 

2. 冬菇 , 白蘑菇分別切粒 , 椰菜切絲

3. 雞蛋打成蛋液 , 放入鑊中用中火煎至兩面金黃色成蛋皮 , 切碎備用

4. 冬菇粒及白蘑菇粒放入鑊中爆香 , 加入豆腐卜粒再拌炒數分鐘 

5. 再加入椰菜 , 調味料及冬菇水拌勻 , 蓋上蓋用中火煮5分鐘至收汁 

6. 最後加入粟米粒及蛋碎拌勻 

7. 將餡料放入大碗內或錫紙上靜待20分鐘至涼

8. 將適量餡料放在餃子皮上 , 用水封口左右對摺成餃子形狀 , 灑少許麵粉於餃子上 

9. 適量餃子隔水用中火蒸15分鐘再焗5分鐘至熟透即可 (可放牛油紙於餃子底防黏) 

自家製餃子健康又美味 , 包剩的餃子餡料用來拌飯都好好味道呢 ^^