天氣凍自然就想吃辣物 , 咖哩呀~~泡菜呀~永遠係袁生袁太的最愛 , 本來想整泡菜鍋配烏冬 , 後來經過街市豆腐店見陳皮魚蛋剛到貨 , 就心血來潮又想製作咖哩魚蛋 , 呢款街頭小食永遠百食不厭 , 不過袁太製作咖哩魚蛋當然唔會依賴坊間一樽樽或一包包的現成醬 , 會自己調較咖哩汁製作 ......
不過講開咖哩魚蛋 , 以前讀書的時候 , 好喜愛同朋友仔去掃街 , 簡簡單單咁就當一餐 , 真係覺得好滿足 , 不過自從N年前投入社會工作後 , 唔好話去掃街 , 就連朋友都好少見 , 何況身邊的袁生係一位唔愛掃街之人
其實每時每刻都好掛住小食店的魚蛋 , 牛栢葉 , 豬皮等等 ... 但屋企附近的小食店實在唔太啱我口味 , 一係就完全冇咖哩味 , 一係就只有辣味 , 食完一次已經唔想再幫襯 , 雖然自家製賣相比較深色 , 但經袁生試味後話好味過出面的小食店 , 還說咖哩汁可以留來拌麵食 , 唔好掉左佢咁浪費喎 , 看來袁太可以開檔去賣咖哩呢 ^^
材料 : 陳皮魚蛋 , 咖哩粉, 海鮮醬 , 乾蔥頭 , 蒜頭 , 糖 , 生粉 , 雞粉 , 胡椒粉 , 水 , 酒
陳皮魚蛋用水沖洗及瀝乾水份放入煲內 , 加水蓋過魚蛋面 , 約煮10分鐘至滾後熄火蓋上蓋焗5分鐘 , 將魚蛋用水沖洗油份後放入大碗內 , 加入1茶匙咖哩粉及醃料拌勻靜待30分鐘 , 期間將蒜頭 , 乾蔥頭去衣放入破壁機內蓋上蓋按1速打碎(或用刀剁碎) , 調味料放入碗內 , 加1杯水份量拌勻備用
材料陳皮魚蛋1/2磅 , 咖哩粉, 海鮮醬 , 乾蔥頭3粒 , 蒜頭1/2個 , 糖 , 生粉 , 雞粉 , 胡椒粉 , 水 , 酒
醃料生抽 , 老抽 , 糖 , 麻油 , 酒 , 生粉
調味料咖哩粉1茶匙 , 海鮮醬1湯匙 , 蠔油2湯匙 , 生抽 , 雞粉 , 糖
做法 1. 陳皮魚蛋用水沖洗及瀝乾水份放入煲內 , 加水蓋過魚蛋面
2. 約煮10分鐘至滾後熄火蓋上蓋焗5分鐘
3. 將魚蛋用水沖洗油份後放入大碗內 , 加入1茶匙咖哩粉及醃料拌勻靜待30分鐘
4. 期間將蒜頭 , 乾蔥頭去衣放入破壁機內蓋上蓋按1速打碎(或用刀剁碎)
5. 調味料放入碗內 , 加1杯水份量拌勻備用
6. 燒紅鑊 , 爆香蒜粒及乾蔥粒有香味
7. 加入魚蛋用中火拌炒數分鐘 , 放入煲內加入調味料及1/2杯水份量拌勻
8. 煮滾後蓋上蓋轉慢火煮10分鐘
9. 熄火焗一小時或數小時至入味即可
超惹味的香港經典小食 , 咖哩魚蛋就完成 , 大家可以自行加入自己喜愛的材料一齊煮呢 ^^ (例如牛栢葉 , 豬皮 , 白蘿蔔 , 魷魚鬚 , 螺肉等等 ...)
自製好味
回覆刪除引死人啦~~我都中意間唔中掃下街呢，咩都食下好開心^^
回覆刪除If you're looking to lose pounds then you have to get on this brand new custom keto meal plan diet.
回覆刪除To design this service, certified nutritionists, fitness couches, and professional cooks have united to provide keto meal plans that are useful, convenient, money-efficient, and enjoyable.
Since their launch in early 2019, thousands of individuals have already remodeled their figure and health with the benefits a professional keto meal plan diet can give.
Speaking of benefits: clicking this link, you'll discover 8 scientifically-tested ones offered by the keto meal plan diet.