<美的全自動智能高速鍋MYSS50HK食譜> 花旗蔘杞子雞湯

袁太最近真係好少煲湯 , 但袁太又鐘意飲湯喎 , 雖然我係喜愛飲湯 , 但其實主要都係想煲湯俾袁生飲 , 皆因袁生最近太辛苦了 , 要去醫院陪袁太 , 又要做野 , 又要趕圖 , 加上夜晚又唔夠訓 , 見佢個樣開始殘殘地 , 所以就決定煲啖湯俾佢 ......



知袁生一向喜愛花旗蔘 , 就決定用花旗蔘片煲湯 , 簡單配上圓肉 , 杞子 , 無花果 , 椰棗 , 雞胸殼 , 又用上全自動智能高速鍋MYSS50HK幫手 , 將全部材料放晒入高速鍋內 , 按煲湯功能就攪掂 , 全程唔駛睇火 , 唔怕滾瀉 , 亦唔怕煲到乾晒水 , 約45分鐘左右就有碗靚湯飲 , 熱辣辣的湯 , 雞味濃郁 , 湯料有杞子圓肉 , 又甜甜地 , 亦有花旗蔘的香味 , 袁生好滿意 , 仲好乖乖飲了三大碗



用上高速鍋 , 無論煲湯 , 炆煮等等 ... 都非常方便又入味呢 ^^

材料 : 花旗蔘片 , 椰棗 , 圓肉 , 杞子 , 無花果 , 雞胸殼 , 薑 , Midea4.8公升全自動智能高速鍋(MYSS50HK)

椰棗去核 , 無花果浸水10分鐘後切半 , 薑去皮切片 , 雞胸穀放入鑊中加水 , 蓋上蓋用中火煮約10分鐘出水 , 盛起雞胸殼放入大碗內用水沖洗乾淨 , 再放入高速鍋內 , 逐一加入椰棗 , 無花果 , 圓肉 , 杞子 , 花旗蔘片及薑片 , 再加入水拌勻 , 按菜單選擇<煲湯>功能 , 再按開始 , 期間會自動排氣 , 用高速鍋製作時間只需約45分鐘 (如用明火 , 先用中火煲30分鐘後 , 蓋上蓋轉用慢火煲2小時)

完成後將雞胸殼盛起 , 將雞肉起出放回煲內拌勻即可 (可自行加少許鹽調味)

材料
花旗蔘片 , 椰棗6粒 , 圓肉 , 杞子 , 無花果5粒 , 雞胸殼1個 , 薑 , Midea4.8公升全自動智能高速鍋(MYSS50HK)



做法

1. 椰棗去核 , 無花果浸水10分鐘後切半 , 薑去皮切片 

2. 雞胸穀放入鑊中加水 , 蓋上蓋用中火煮約10分鐘出水 

3. 盛起雞胸殼放入大碗內用水沖洗乾淨 , 再放入高速鍋內 

4. 逐一加入椰棗 , 無花果 , 圓肉 , 杞子 , 花旗蔘片及薑片 , 再加入水拌勻 

5. 按菜單選擇<煲湯>功能 , 再按開始 , 期間會自動排氣 

6. 用高速鍋製作時間只需約45分鐘

   (如用明火 , 先用中火煲30分鐘後 , 蓋上蓋轉用慢火煲2小時)

7. 完成後將雞胸殼盛起 , 將雞肉起出放回煲內拌勻即可 (可自行加少許鹽調味) 




用上高速鍋煲湯 , 45分鐘就有靚湯飲 , 絕對快靚正呢 ^^