平時都知道茄子係一種有營養的食材
但就好少會煮
因為以前煮餐茄子都俾袁生話
話煮得唔夠軟身,唔好味喎
點知公司之前自家種的白茄子有收成喇
一於攞幾個番去煮下先
但就好少會煮
因為以前煮餐茄子都俾袁生話
話煮得唔夠軟身,唔好味喎
點知公司之前自家種的白茄子有收成喇
一於攞幾個番去煮下先
袁太於是上網search下白茄子有咩營養先
原來白茄子有保護心臟同血管作用
咁啱晒喇,袁太一向心臟都唔太好
最近仲痛得密左添
所以整下茄子黎食就最好不過
不過驚袁生又話硬
所以用蒸的方法去煮
開飯的時候都驚袁生唔鍾意
但好彩袁生話咁樣整好好味喎
今次個茄子做法又過到袁生呢關喇!
~蒜蓉煙肉蒸白茄子~
材料:白茄子-4條/煙肉-3片/蒜頭-適量/蔥(切粒)-適量
做法:
<1>
白茄子洗淨切件再切半
放於碟中備用.
<2>
蒜蓉剁碎
,煙肉切粒.
<3>
燒紅鑊(不落油)爆香
煙肉盛起,落少許油爆香蒜蓉,加入少許生抽,糖調味.
<4>
將做法<3>蒸蓉汁料放在白茄子上,再灑上煙肉粒.
<5>
用大火隔水蒸8分鐘後,灑上少許蔥粒即可
.
放於碟中備用.蒜蓉剁碎
,煙肉切粒.<3>
燒紅鑊(不落油)爆香
煙肉盛起,落少許油爆香蒜蓉,加入少許生抽,糖調味.<4>
將做法<3>蒸蓉汁料放在白茄子上,再灑上煙肉粒.
<5>
用大火隔水蒸8分鐘後,灑上少許蔥粒即可
. 
茄子含有豐富維生素P
維生素P能增強人體細胞間的粘著力,能降低膽固醇,可保持微血管的堅韌性
茄子保健功能主要有
<1>保護心血管,抗壞血病
<2>降低膽固醇
<3>抗腫瘤作用
<4>抗細菌作用
<5>抗衰老作用
<6>增加消化作用
請問用紫色茄子又得唔得呢?
回覆刪除[版主回覆04/27/2012 11:15:02]紫色茄子梗係得喇,雖然兩款茄子其實冇咩分別,不過唔知點解比較鍾意白茄子多d!
密左就一定要去睇醫生喎...我意思你不嬲有冇睇開專科呀?
回覆刪除有d新奇......白茄子+煙肉+蒸.......好似好夾? 因為未聽過煙肉用蒸既方法....
[寧靜中的不寧靜回覆05/04/2012 08:17:15]
[版主回覆05/03/2012 14:53:20]agree agree
[寧靜中的不寧靜回覆05/03/2012 07:58:49]絕對唔可以講一套做一套....好似一邊叫仔女唔好講粗口, 而自己就不停罵人地祖宗十八代.....
[版主回覆05/02/2012 15:46:43]我同意...
[寧靜中的不寧靜回覆05/02/2012 07:28:01]我諗不能盡信啦~ 凡事都好睇爸爸媽媽識唔識身教......身教太重要~~
[版主回覆05/01/2012 17:16:40]我媽咪就反而21歲就生左我,我上網睇屬龍既人成日都犯太歲,人又懶,總知成世人都唔多好咁囉,不過呢d都係上網睇番黎既!
[寧靜中的不寧靜回覆05/01/2012 08:39:24]五十幾大肚就....不過我媽果陣三十幾先生我, 佢結果生左個萬世魔王 + 萬年頂心杉.......即係本小姐, 我~哈哈哈
屬龍會冇咁好?? 點解既????
無論任何時候都係好時辰, 小休一會, 少d壓力, 生活規律少少~ 好快會有~~
[版主回覆04/30/2012 17:10:15]中國人始終覺得龍好,你見而家就街都係孕婦就知喇,有d真係成五十幾都大肚,好恐怖,之前就諗住生龍b,但幾個月前發覺原來屬龍其實冇想像中咁好,所以呢幾個月都進入左休息狀態,等生蛇b,不過因為生龍b的時間就快過,有d感慨姐!
[寧靜中的不寧靜回覆04/30/2012 08:23:21]點解一定要龍b呢? 佢就唔係屬龍都一樣係你地最窩心既骨肉呀~~~
[版主回覆04/29/2012 12:20:57]水果我鍾意架,會成日食,唉...而家只係知道生龍b冇望了!
[寧靜中的不寧靜回覆04/29/2012 07:59:06]要排走唔好既野, 吃多d水果....如果努力多一排都仲有冇bb, 可能要考慮睇下醫生???
[版主回覆04/28/2012 12:10:08]唔係要戒水,係要飲多d水,因為我平時唔多鍾意飲水架,我為左可以同袁生生番個b,我會調理好自己身體...
[寧靜中的不寧靜回覆04/28/2012 08:35:47]偏右有問題架咩??? 泵血量少左? 你咁唔得架喎.....一定要去配藥呀!!!!
唔好話袁生, 我都要話下你........一定愛自己, 要健康d, 先可以迎接bb既來臨呀!!!
你個情況係要戒水定係可以正常地飲水架?
[版主回覆04/27/2012 11:20:59]其實我個心比其他人偏右左少少,之前都有做過body check,有食心臟藥,不過食完之後見唔痛咪冇去配藥lu,又或者我一向鍾意食雞皮,肥膏個d食物,呢排破戒食多左,咪痛密左囉,都俾袁生鬧左幾次所以最近戒番冇益食物,飲多d水(我平時唔太飲水),情況就會好d!
簡單美味又有益，thanks for sharing!!
回覆刪除[版主回覆04/27/2012 11:13:32]又好味又有營養,大人細路都啱食!
你個心臟唔太好???係唔係要長期睇醫生呀???咁你一定要小心身體至得啦...尤其想生BB...真係唔可以掉以輕心...你要食清淡為佳...之前聽過苦瓜汁對身體幾心臟好架...茄子我通當魚香茄子...茄子唔淋真係唔好食架...白茄子唔係成日有架...係呢...有冇聽過秋茄呀...我食過一次...好好味架...媽媽朋友喺大陸帶俾佢架...香港未見過有得買...
回覆刪除[MR.MOON回覆05/01/2012 19:29:00]真係好食架...小女唔鍾意食茄子都食呀...
[版主回覆04/27/2012 22:53:16]妳講到咁好食,攪到我都好想試下
[MR.MOON回覆04/27/2012 15:42:03]真係唔知呀...不過真係好好食架...
[版主回覆04/27/2012 15:37:06]我上網search過有圖睇,真係未見過街市有秋茄賣,香港係咪冇架???
[MR.MOON回覆04/27/2012 12:54:23]秋茄係細細隻咁...綠綠地色...
[版主回覆04/27/2012 12:13:22]因為我個心臟比其他人偏右少少,之前都有食心臟藥,但見冇咁痛咪冇去買藥lu,我平時好鬼鍾意食雞皮呀,肥膏個d食物架,呢排可能破戒食多左咪痛番囉,袁生已經鬧左我幾次架喇,所以呢排戒番d肥野會好d,秋葵我就聽過,秋茄真係冇聽過喎,唔既樣架?
原來有白茄子架?我未見過呀.....好新奇呀~
回覆刪除[版主回覆04/27/2012 22:52:40]唔駛客氣
[大肥人回覆04/27/2012 15:50:58]等我留意下先...thx u ar~
[版主回覆04/27/2012 15:34:33]我以前好似係街市見過,但唔係間間有,同埋唔係成日有得賣!