鮮奶蛋白炒帶子

最近買左新鑊，今日終於棄掉舊換新，不過用新鑊煮咩好呢 ???

 

點知袁生提議炒蛋咪知囉

 

但前幾日先炒完蛋做晚餐，不如試下炒蛋白

 

加埋袁生至愛的大大粒帶子，另外再去街市買扎蘆筍

 

袁太上網search過炒蛋白加少少鮮奶會滑d好味d，我當然唔會放過嘗試的機會

 

不過唔知係咪用左新鑊的關係

 

今次炒蛋白絕對成功兼炒得靚靚 !

 

 

一口蘆薈菊蜜凍

行開街市見到有新鮮蘆薈賣，見最近天氣咁熱，個人又冇咩胃口

不如就買條蘆薈番去做果凍喇，未食都知透心涼

但果凍除左蘆薈，仲可以加咩材料呢 ???

屋企一年三百幾日都有樽冬蜜係度，就用冬蜜做材料

有蜜糖點可以冇菊花呢，再去藥材鋪買少少菊花，仲有大菜絲添

其實初初想用模具黎整既，但搵成個廚房都搵唔到

咁唯有用冰箱的製冰器黎做模具，反而整出黎細細粒，可以一口食晒

袁生覺得咁樣仲方便，呢個果凍一d都唔難整，而且材料新鮮，大家得閒都試下喇 !

蜜瓜螺頭雞腳瘦肉湯

夏天一般都會煲瓜類湯

但又唔想煲節瓜,冬瓜,飲得多都有少少厭


其實以前袁太一向都想煲蜜瓜湯

但袁生唔鍾意甜湯,所以就打消念頭

直至某一日

袁生話想食蜜瓜做飯後果

咁啱晒喇,袁太一於食住上


同袁生講,我去街市買半個蜜瓜番黎

一半就用黎煲湯,一半就用黎做飯後果,咁好冇



袁生個答案,居然話好



咁就一於實行煲蜜瓜湯喇



冰箱有螺頭,咁去街市買雞腳,瘦肉就可以喇



雖然煲出黎啖湯真係甜甜地



但袁生反而幾鍾意飲喎!

~蜜瓜螺頭雞腳瘦肉湯~

材料:蜜瓜-1/4個/螺頭-8個/雞腳-4隻.瘦肉-$10/南北杏-少許,蜜棗-2粒

做法:
<1>
螺頭解凍後飛水,瘦肉飛水備用.

<2>雞腳去甲後出水,放入冰水備用,蜜瓜去皮,去籽後切件.

<3>
煲內放入適量的水,放入蜜棗,南北杏,待滾後加入瘦肉,螺頭用大火煲30分鐘.

<4>
再加入蜜瓜,雞腳煲滾後,轉慢火煲2小時,下少許鹽調味即可.

Circle K - 北海道乳菓雪糕

今早七點幾鐘的時候，突然胃痛得好犀利，係咁標冷汗

仲好想嘔，拿拿臨跑去廁所，落床的時候仲唔小心踩到袁生添

係廁所短短10分鐘已經嘔左兩次，情況真係唔太好，立刻落街睇醫生

冇Update Blog幾日，大家唔好以為袁太懶喎

 

其實係因為前幾日部Notebook突然入唔到Window

 

當時真係嚇死我，因我有好多資料係部電腦入面

 

除左有公司File之外，仲有好多好多食譜係入面

 

不過好好彩經過袁生呢幾日幫我處理之後，電腦內的資料，圖片全部都可以Keep得到

 

好，講番正題，大家最近有冇經過Circle K呢 ???

 

有冇留意呢款北海道乳菓雪糕

總共有三種味道 : 原味，巨峰提子，富士蘋果

 

袁太當然係每種味道都買回來試試，不過其實我只愛原味

 

其餘兩款應該啱袁生多D，而家$9.5 / 盒，味道真係唔錯

 

值得一試 !

 

雞湯豉油蒸花甲

最近晚餐都冇咩頭緒

為由去街市見到咩就買咩喇

點知去到街市見到海鮮剛剛送到

咁就一於睇下有咩海鮮買

袁太第一選擇:花甲

$16/斤,價錢合理,就買一斤番屋企

1斤其實都好多

平時買花甲一定會用炒既方法去煮

但呢幾日袁生袁太都有少少牙肉痛

咁唔用炒lu,試下轉用蒸既方法去煮

不過袁太一向買花甲都有炒或煮湯

蒸花甲都係第一次

簡簡單單用雞湯蒸,估唔到出奇地好味

袁生袁太反而覺得用蒸好味過用炒黎煮

可以保留花甲的鮮甜味

大家下次都可以買花甲蒸黎食架!

~雞湯豉油蒸花甲~

材料:花甲-1斤/雞湯-1碗/炸蒜-適量/薑(切絲),蔥(切段)-適量/辣椒-2隻/蒸魚豉油,麻油-少許

做法:

<1>
花甲用鹽水,辣椒浸3小時後沖洗瀝乾.

<2>
花甲放上碟,淋上一半份量雞湯,撒上薑絲,用大火隔水蒸約5分鐘.

<3>
5分鐘後,開蓋再淋上餘下份量的雞湯,再放上蔥段蒸多3分鐘.

<4>
待花甲蒸好後熄火,放上炸蒜,少許蒸魚豉油,麻油即可.

九龍灣@IKEA

星期日的時候，袁生話想去IKEA行下，本來袁太唔想去架，但袁生話如果去就去宜家餐廳入面食野，袁太聽到後就即刻換衫。


點解 ??? 其實之前袁太同袁生講過話想去宜家食野，但都冇去過，今次難得袁生開口，梗係唔放過呢個機會喇，去到個時差不多下午一點，所以都開始多人，但好好彩俾我搵到張二人枱，可以靜靜地，慢慢食，大家睇下我買左幾多野食，真係放滿晒成張枱。



不過兩個人都食得晒，仲好鬼死飽添，食飽飽就好眼訓，不過都去IKEA行左成個鐘先搭車番屋企。

蘆筍海鮮粒魚翅瓜

最近天氣日日都咁熱

攪到個人都冇咩胃口

夜晚都唔知煮咩好

唉...不過夏天都離不開用瓜類做材料

行開街市

居然見到有魚翅瓜賣

細細個,$18/個,最啱用黎煮餸

再去急凍鋪買包海鮮粒

當然仲要加埋袁太至愛的蘆筍喇

既簡單又好味的魚翅瓜海鮮粒

話咁快攪掂!

~蘆筍海鮮粒魚翅瓜~

材料:魚翅瓜-1個/急凍海鮮粒-1包/蘆筍,蒜蓉-適量

調味料:上湯-1盒/蠔油,麻油,糖-少許

做法:

<1>
魚翅瓜放入滾水中煮約30分鐘至熟透.

<2>
切開魚翅瓜後去掉中間的瓜襄及籽,再用叉挖出一絲絲瓜肉,蘆筍洗淨切段備用.

<3>
燒紅鑊,爆香蒜蓉後落蘆筍炒至熟透盛起.

<4>
原鑊將海鮮粒落鑊炒片刻,放入調味料煮5分鐘,加入魚翅瓜肉,蘆筍兜勻,埋少許芡即可.