昨晚燒烤的時候剩左好多食物 , 當然由袁太一一接收晒
因家姐本身唔太喜愛入廚 , 同袁太完全唔同
家姐喜愛讀書工作 , 袁太喜愛烹飪睇電視 , 點解兩姐妹會咁大分別呢
哼 ......
不過兩姐妹由到到大感情都好好呢
上次燒烤剩低幾條粟米 , 另外百實箱(雪櫃)發現有甘旬 , 雪耳 , 南瓜
一於掉晒落去煲湯 , 只要去街市買栗子就可以了
今次的湯水袁太冇落肉架
因為全部材料都甜甜地 , 唔落肉都已經好清甜好滋潤了
材料
栗子20粒 , 甘旬1條 , 粟米2條 , 雪耳1個 , 南瓜少許 , 蜜棗2粒
做法
1. 栗子去皮洗淨 , 南瓜去皮切片 , 甘旬去皮切件 , 雪耳浸水至軟身
2. 煲內放入適量水 , 放入蜜棗 , 滾後加入所有材料(除雪耳) , 用大火煲30分鐘後轉慢火煲 1 1/2小時
3. 加入雪耳煲多15分鐘 , 加入少許鹽調味即可
2014年第一碗湯水好美味呢 ^^
我望見D粟米....就好想咬.....
回覆刪除煲湯粟米就仲好食......
煲湯的粟米真係好清甜,我都食左好幾條呢
刪除袁太....你會唔會唔寫BS架???
刪除當然唔會唔寫喇,一定繼續呢,點解咁問呀???
刪除作者已經移除這則留言。
刪除因為你0係樓下既留言令我有少少諗"咩"了.....以為你會轉場,,,,,,,,,,
刪除好彩...
傻喇,我會繼續寫架
刪除加埋肉可以嗎?雪兒係唔係最後15分鐘落?我通常煲90分鐘查?得嘛?
回覆刪除當然可以喇,可以加瘦肉或豬展,其實雪耳都可以同其他材料一起放入煲,煲2小時,不過因為我家袁生唔太喜愛雪耳,所以我只煲15分鐘
刪除袁太你好,
回覆刪除SeeWide特搜網是一個全新互動生活分享平台，集齊各地遊山玩水好去處及講玩講食，讓大家分享不同生活體驗
你的網誌十分切合我們網站的主題，內容及相片也很有質素，請問可否讓我們轉載網誌內的相片及內容？(會注明出處及不作改動)
我們的目的，是盡力網羅優質的相片及內容，建立一個講玩講生活的平台，並分享給一眾志同道合的網友
希望你能成為我們平台的一份子，助我們更有效地集結不同好玩好食之處！
另外，我們設有「稿費」制度，文章獲得本地瀏覽量，即可兌換稿費！
迎新推廣，每100本地瀏覽量，可獲高達HK$1稿費；我們亦可以你的名義，將稿費捐到香港宣明會，或你指定的慈善機構
詳情可參閱：http://www.seewide.com/space.php?do=help&essay_id=22#001
如有任何查詢, 歡迎電郵至: info@seewide.com
當然可以喇,我都好希望可以成為妳們的一份子,期待呢^^
刪除