腰果炒素粒粒

唔知大家最近睇世界盃的時候 , 有沒有幫家裡的零食櫃入入貨呢 ???

我家袁生雖然唔係足球迷 , 但都會座定定係度睇

袁生好得意 , 無論睇什麼電視節目都好

誓必要一路睇 , 一路食

所以袁太都好識做 , 買定一大堆零食在家 , 等袁生睇電視的時候有得食



零食方面除了薯片 , 蝦條 , 九製陳皮 , 餅乾 , 朱古力外

仲有細細包腰果 (見特價的時候買左幾包)

點知 ......



袁生居然一包都冇食 , 話唔喜愛喎 (除非用來煮餸喇)

~好~ 既然你話煮餸就食 , 我一於用來煮餸

簡簡單單將幾樣材料炒埋一堆 , 再加腰果拌勻

咁就變左一碟餸出來了 , 完全冇加任何肉類 , 可以話炒素粒粒呢




材料
腰果 , 西芹 , 木耳 , 甘旬 , 沙葛 , 冬菇 , 白蘑菇 , 粟米粒

調味料
蠔油 , 雞粉 , 糖 , 鹽 , 麻油 , 水



做法
1. 將所有材料(除腰果 , 粟米粒外)全部切粒

2. 西芹粒放入加入油 , 鹽的水內煮至微軟 , 盛起

3. 燒紅鑊 , 爆香冬菇粒及蘑菇粒後 , 加入木耳 , 甘旬粒 , 沙葛粒 , 西芹粒拌勻炒片刻

4. 加入調味料拌勻炒至汁料收乾

5. 最後加入腰果及粟米粒拌勻即可

簡簡單單美味的炒粒粒 , 袁太已經可以送到幾碗飯了 ^^