2017年3月14日 星期二

巴東牛肉拌斑蘭椰香飯




繼黃薑飯同串燒之後 , 又黎另一道印尼菜 ~巴東牛肉~ , 巴東牛肉我以前同奶奶去印尼餐廳食飯就必然會Order , 不過餐廳的巴東牛肉一般都比較辣 , 袁生本身就唔係好食得辣 , 所以每次見佢都係見佢食得個一兩舊就算 , 所以我就自己整 , 盡量唔整咁辣 , 咁袁生就可以食多幾舊 ......



不過呢款巴東牛肉要分兩日時間去整 , 頭一日將牛肉同香料煮到收乾水份靜待一晚 , 等牛肉可以再入味d , 第二日再加椰絲同椰漿再煮 , 如果想巴東牛肉好味 , 就一定要分兩日去整 , 一定要煮個汁差不多收乾 , 而且牛肉表面黏住香料為最好味 , 袁生今次大成功 , 辣度唔太辣 , 袁生完全入到口 , 起初想配薄餅 , 不過袁生又話想配飯 , 之但係配白飯又太過單調 , 所以見雪櫃有斑蘭 , 仲有一盒椰漿剩 , 就不如整個椰香飯



呢個椰香飯真係好味到不得了 , 我同袁生每人都食左兩大碗飯呀 , 今次我就選擇用牛肋條來煮 , 喜愛用牛肋條係因為煮長時間都好淋身 , 不過如果大家唔鐘意用牛肋條 , 轉用牛腩或者牛展都可以 , 沒有問題呢 ^^
 
 

材料 : 牛肋條 , 白米 , 斑蘭葉 , Salam葉 , 辣椒醬 , 香茅 , 薑 , 南薑 , 芫荽粉 , 辣椒粉 , 蒜頭 , 乾蔥頭 , 冰糖 , 椰絲 , 椰漿 , 胡椒粉 , 水 , 料理繩




牛肋條切成約1寸件 , Salam葉浸水15分鐘 , 乾蔥頭 , 蒜頭去衣切細粒 , 薑去皮切細粒 , 香茅拍至有香味切細粒 , 南薑去皮切細粒 , Salam葉15分鐘瀝乾水份 , 椰絲放入鑊中(不需要落油) , 用慢火慢慢炒至金黃色後盛起










鑊中加入所有切細粒的香料爆香(黃薑粒 , 蒜粒 , 蔥頭粒 , 薑粒 , 香茅粒) , 逐一加入芫荽粉 , 辣椒粉 , 辣椒醬 , Salam葉 , 一半份量椰絲及冰糖拌勻 , 加入牛肋條炒數分鐘至轉色 , 再加入一盒一半份量椰漿及2杯水份量拌勻 , 用中火煮滾後蓋上蓋繼續用中火煮45分鐘
























期間每10分鐘將牛肉拌勻一次預防黏底 (如發現水份差不多收乾 , 可加入1 杯水繼續煮) , 煮45分鐘後將牛肉連汁料放入另一煲內 , 蓋上蓋放室溫內靜待一晚 (將牛肉靜待一晚 , 可讓牛肉更加入味)










第二日將白米用水洗淨及瀝乾 , 斑蘭葉用料理繩逐塊扎起 , 將白米放入飯煲內 , 加入少許鹽 , 一盒椰漿及水拌勻 , 放入斑蘭葉後按製煮飯 









 





將前一日煮好的牛肉放回鑊中 , 加入之前餘下一半份量的椰漿及椰絲 , 再加入2杯水拌勻 , 用中火煮滾後蓋上蓋轉慢火煮30分鐘








 




期間每10分鐘將牛肉拌勻一次預防黏底 (如發現水份差不多收乾 , 可加入1 杯水繼續煮) , 煮30分鐘熄火再焗10分鐘 , 椰香飯煮好繼續保溫10分鐘 , 將斑蘭葉取出 , 將飯拌勻即可
 
 















材料
牛肋條600g , 白米2杯 , 斑蘭葉2片 , Salam葉1塊 , 辣椒醬3湯匙 , 香茅4條 , 薑 , 南薑2舊 , 芫荽粉1湯匙 , 辣椒粉1茶匙 , 蒜頭5粒 , 乾蔥頭3粒 , 冰糖1粒(大size) , 椰絲 , 椰漿2盒 , 胡椒粉 , 水 , 料理繩



做法
1. 牛肋條切成約1寸件 

2. Salam葉浸水15分鐘 , 乾蔥頭 , 蒜頭去衣切細粒 , 薑去皮切細粒

3. 香茅拍至有香味切細粒 , 南薑去皮切細粒 , Salam葉15分鐘瀝乾水份

4. 椰絲放入鑊中(不需要落油) , 用慢火慢慢炒至金黃色後盛起

5. 鑊中加入所有切細粒的香料爆香(黃薑粒 , 蒜粒 , 蔥頭粒 , 薑粒 , 香茅粒) 

6. 逐一加入芫荽粉 , 辣椒粉 , 辣椒醬 , Salam葉 , 一半份量椰絲及冰糖拌勻 

7. 加入牛肋條炒數分鐘至轉色

8. 再加入一盒一半份量椰漿及2杯水份量拌勻 , 用中火煮滾後蓋上蓋繼續用中火煮45分鐘  

9. 期間每10分鐘將牛肉拌勻一次預防黏底 (如發現水份差不多收乾 , 可加入1 杯水繼續煮) 

10. 煮45分鐘後將牛肉連汁料放入另一煲內

11. 蓋上蓋放室溫內靜待一晚 (將牛肉靜待一晚 , 可讓牛肉更加入味)  

12. 第二日將白米用水洗淨及瀝乾 , 斑蘭葉用料理繩逐塊扎起 

13. 將白米放入飯煲內 , 加入少許鹽 , 一盒椰漿及水拌勻 , 放入斑蘭葉後按製煮飯   

14. 將前一日煮好的牛肉放回鑊中 

15. 加入之前餘下一半份量的椰漿及椰絲 , 再加入2杯水拌勻 

16. 用中火煮滾後蓋上蓋轉慢火煮30分鐘  

17. 期間每10分鐘將牛肉拌勻一次預防黏底 (如發現水份差不多收乾 , 可加入1 杯水繼續煮) 

18. 煮30分鐘熄火再焗10分鐘 

19. 椰香飯煮好繼續保溫10分鐘 , 將斑蘭葉取出 , 將飯拌勻即可
 
 

無論牛肉或椰香飯都相當吸引 , 呢餐算唔算正宗的印尼餐呢 ^^





28 則留言:

  1. 黃薑飯和巴東牛肉我最鍾意,我真係要揾一日學下先得,謝謝您的分享!

    回覆刪除
    回覆
    1. 唔好客氣,好野當然要同大家分享喇

      刪除
  2. 牛肋條好新鮮。我尋日見到有冰的賣,但無咁靚,唔敢買。

    回覆刪除
  3. 巴東牛肉吸引,椰香飯又吸引,兩者配合一定好正

    回覆刪除
  4. 我都鐘意用牛肋條炆餸

    回覆刪除
  5. 巴東牛肉好味,但步驟太繁複啦

    回覆刪除
    回覆
    1. 其實都係架,我煮煮下都覺得幾麻煩

      刪除
  6. 袁太的廚藝真係可以開餐廳呢

    回覆刪除
  7. 我都係街食過巴東牛肉,又真係幾辣架,自己整可以冇咁辣

    回覆刪除
  8. 另外椰香飯都好吸引,一定香噴噴

    回覆刪除
  9. 呢個餸肥人唔岩食...好椰呀..哈哈!

    回覆刪除
  10. 哩個我都中意,一定又會食多咗飯~~~不過太複雜,我無袁太咁好心機呢:P

    回覆刪除
    回覆
    1. 其實我都覺得煮呢個真係要好花心機同時間呢

      刪除
  11. 呢個實在好多步驟,你真係好有心機

    回覆刪除
  12. 其實呢個煮煮下我都覺得好多步驟

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......