2017年6月3日 星期六

八寶素湯




之前整左個八寶春卷 , 今次就黎個八寶素湯 , 同春卷一樣用八種材料 , 所以就叫"八寶" , 今次又用上西瓜皮煲湯水 ......



最近袁太總感覺食極都唔飽 , 基本上整天不停地食 , 有時出外食下韓燒 , 有時又會整下宵夜 , 食到豬腩肉都出晒黎 , 所以決定咩都唔煮 , 只係煲個多渣湯水做晚餐 , 快快手煲番個素湯飲飲 , 順便清下腸胃 , 其實呢個素湯的材料全部都係廚房搵出黎既 , 又來個清埋剩餘物資的時候



呢個湯水煲出來帶有香濃的栗子味 , 但味道又好清甜 , 而且湯渣夠多 , 飲一大碗湯連湯渣 , 真係好飽飽 , 希望宵夜時段唔會又肚餓呢 ^^



材料 : 冬菇(預先浸軟) , 冬菇水 , 西瓜皮 , 栗子 , 紅蘿蔔 , 馬蹄 , 粟米 , 眉豆 , 蜜棗 , 鹽




栗子放入煲內 , 加水浸過面用中火煮5分鐘至滾起 , 盛起趁熱的時候將栗子去殼 , 將栗子肉沖一沖洗乾淨 , 西瓜皮去掉綠色皮 , 將西瓜皮的白色肉切薄片 , 紅蘿蔔去皮切件 , 粟米切段 , 馬蹄去皮用刀拍碎 , 眉豆及蜜棗用水沖洗及瀝乾













煲內逐一放入所有材料 (粟米 , 紅蘿蔔 , 西瓜皮 , 栗子 , 冬菇 , 馬蹄 , 眉豆及蜜棗) , 加入冬菇水及適量水 , 先用中火煲15分鐘至滾 











 



拌一拌勻材料後蓋上蓋轉慢火煲 1 1/2小時 , 加少許鹽調味拌勻 , 轉用大火再煲滾 , 熄火焗30分鐘即可















材料
冬菇5隻(預先浸軟) , 冬菇水 , 西瓜皮1/4個 , 栗子1/2磅 , 紅蘿蔔1條 , 馬蹄 , 粟米1條 , 眉豆 , 蜜棗3粒 , 鹽



做法
1. 栗子放入煲內 , 加水浸過面用中火煮5分鐘至滾起 

2. 盛起趁熱的時候將栗子去殼 , 將栗子肉沖一沖洗乾淨 

3. 西瓜皮去掉綠色皮 , 將西瓜皮的白色肉切薄片 , 紅蘿蔔去皮切件 , 粟米切段 

4. 馬蹄去皮用刀拍碎 , 眉豆及蜜棗用水沖洗及瀝乾

5. 煲內逐一放入所有材料 (粟米 , 紅蘿蔔 , 西瓜皮 , 栗子 , 冬菇 , 馬蹄 , 眉豆及蜜棗) 

6. 加入冬菇水及適量水 , 先用中火煲15分鐘至滾 

7. 拌一拌勻材料後蓋上蓋轉慢火煲 1 1/2小時 

8. 加少許鹽調味拌勻 , 轉用大火再煲滾 , 熄火焗30分鐘即可 




用八樣材料煲成的八寶湯水 , 見有咁多湯渣 , 都知只係食湯渣飲湯都夠晒飽呢 ^^





18 則留言:

  1. 素湯有益好味

    回覆刪除
  2. 我都覺得只飲湯食渣都夠啦,袁太每次煲湯都好足料

    回覆刪除
  3. 素湯健康美味

    回覆刪除
  4. 最近太熱,我都黎飲碗湯啦

    回覆刪除
    回覆
    1. 呢幾日天氣真係太熱喇,簡單煲個湯算喇

      刪除
  5. 回覆
    1. 所以袁生成日都話我大食,話賺番黎的錢都俾我食晒喎

      刪除
  6. 唔知西瓜皮可以煲湯呢,多謝袁太教路!

    回覆刪除
    回覆
    1. 西瓜皮其實好多用途架,除左煲湯,又可以用黎煲水同整沙律架

      刪除
  7. 用西瓜皮煲湯好消暑呀

    回覆刪除
    回覆
    1. 所以夏天一定會有好多西瓜皮的食譜同大家分享呢

      刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......