2018年9月6日 星期四

<美的智能高速鍋MY-SS5033食譜> 梅菜冬菇粒雞肉餅蒸飯




美的智能高速鍋第四個食譜 , 自從高速鍋開封之後 , 袁太完全愛上了用呢個高速鍋烹調食物 , 一來方便 , 二來唔駛睇火 , 有更多時間俾袁太休息下同整下食譜相 , 之前牛肉濃湯 , 栗子小食 , 粟米粥後 , 今次就有佢 , 袁生其中之一的至愛 ......



最近袁生愛上了蒸飯 , 前排袁太唔得閒煮飯的時候 , 佢餐餐買蒸飯外賣都冇投訴過 , 所以袁太就嘗試用高速鍋整蒸飯 , 先整好白米再加肉餅蒸 , 不過今次唔係豬肉餅 , 而係雞肉餅 , 袁太經常有疑問 , 為何蒸肉餅一定要用豬肉 , 難道用雞肉來整肉餅不可以嗎 ??? 問身邊的麻煩友 , 他覺得怪 , 我就越要去試......其實起初袁太都想用豬肉蒸肉餅 , 因廚房有冬菇 , 百寶箱又有梅菜 , 後來發現冰箱有兩塊"大"雞扒 , 又懶得去街市買梅頭肉 , 就膽粗粗將豬肉換上雞扒來整肉餅 , 唔知味道會如何 , 亦唔知口感會唔會好鞋



~哈~ 估唔到用雞肉整肉餅出乎意料之好味 , 袁生都覺得味道還比用豬肉的好 , 而且肉餅好彈牙好Juicy , 唔知係咪因為用高速鍋的關係呢 , 如果大家下次整肉餅 , 不妨都嘗試下用雞扒來整 , 看看味道大家又會唔會喜歡  , 另外剁雞肉的時候將雞皮起出 , 掉左佢又好似好浪費 , 簡單洗淨索乾水份 , 放入乾鑊慢慢煎至金黃脆身 , 盛起撕成細片 , 灑上少許椒鹽調味 , 俾袁生做小食 , ~嘩~睇見都好吸引呢 ^^



材料 : 雞扒 , 冬菇(預先浸軟) , 梅菜 , 雞蛋白 , 冬菇水 , 白米 , 椒鹽 , 酒 , 鹽 , 糖 , 胡椒粉 , 蔥粒 / 蔥絲 , 美的智能高速鍋(MY-SS5033)




梅菜放入大碗內 , 加水浸過面靜待30分鐘 , 30分鐘後倒去水份用水沖洗乾淨 , 瀝乾水份後用手渣乾再切粒 , 冬菇切粒 , 梅菜放入白鑊內(不需落油) , 加入少許麻油及糖拌勻炒至梅菜乾身 , 盛起備用















雞扒用水洗淨抹乾水份 , 雞扒去皮 , 雞皮留起(唔食雞皮可以去掉) , 雞扒肉先切條再切粒後剁成肉餅狀 , 加入梅菜粒再剁數分鐘 , 放入大碗內加入醃料拌勻 , 靜待10分鐘 

















10分鐘後再加入少許雞粉 , 1/2隻雞蛋白 , 1湯匙冬菇水 , 冬菇粒拌勻 , 再用手撻十餘下 , 靜待1小時












白米用水沖洗及瀝乾 , 放入蒸碗內 , 加入1湯匙冬菇水及約100ml水(水的份量蓋過白米便可) , 美的智能高速鍋的不鋼煲放入200ml水及蒸架 , 將蒸碗放入 , 蓋上鍋蓋先按<菜單> , 選擇米飯功能 , 再按<烹飪模式> , 選擇標準模式 , 再按<開始> , 之後會有時間顯示需時多久

















高速鍋煮完後會發出嗶嗶聲響 , 打開鍋蓋(此時米飯已蒸至水份收乾) , 加入適量份量的雞肉餅鋪平 , 再蓋上鍋蓋同樣先按<菜單> , 選擇雞肉/豬肉功能 , 再按<烹飪模式> , 選擇快速模式 , 再按<開始> , 之後會有時間顯示需時多久









期間將雞皮放入乾鑊 , 用慢火慢慢煎至雞皮兩面金黃脆身 , 盛起撕成細片 , 灑少許椒鹽當小食 , 高速鍋煮完後會發出嗶嗶聲響 , 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋即可
















材料
雞扒2塊 , 冬菇6隻(預先浸軟) , 梅菜1棵 , 雞蛋1隻(只需要蛋白) , 冬菇水 , 椒鹽 , 酒 , 鹽 , 糖 ,  胡椒粉 , 蒸碗 , 美的智能高速鍋(MY-SS5033)

醃料
鹽 , 生粉 , 生抽 , 麻油 , 糖 , 油 , 酒



做法
1. 梅菜放入大碗內 , 加水浸過面靜待30分鐘 

2. 30分鐘後倒去水份用水沖洗乾淨 , 瀝乾水份後用手渣乾再切粒 , 冬菇切粒 

3. 梅菜放入白鑊內(不需落油) , 加入少許麻油及糖拌勻炒至梅菜乾身 

4. 盛起備用

5. 雞扒用水洗淨抹乾水份 

6. 雞扒去皮 , 雞皮留起(唔食雞皮可以去掉) , 雞扒肉先切條再切粒後剁成肉餅狀 

7. 加入梅菜粒再剁數分鐘 

8. 放入大碗內加入醃料拌勻 , 靜待10分鐘  

9. 10分鐘後再加入少許雞粉 , 1/2隻雞蛋白 , 1湯匙冬菇水 , 冬菇粒拌勻 

10. 再用手撻十餘下 , 靜待1小時

11. 白米用水沖洗及瀝乾 

12. 放入蒸碗內 , 加入1湯匙冬菇水及約100ml水(水的份量蓋過白米便可) 

13. 美的智能高速鍋的不鋼煲放入200ml水及蒸架 , 將蒸碗放入

14. 蓋上鍋蓋先按<菜單> , 選擇米飯功能 

15. 再按<烹飪模式> , 選擇標準模式 , 再按<開始> , 之後會有時間顯示需時多久 

16. 高速鍋煮完後會發出嗶嗶聲響 , 打開鍋蓋(此時米飯已蒸至水份收乾) 

17. 加入適量份量的雞肉餅鋪平 

18. 再蓋上鍋蓋同樣先按<菜單> , 選擇雞肉/豬肉功能 

19. 再按<烹飪模式> , 選擇快速模式 , 再按<開始> , 之後會有時間顯示需時多久

20. 期間將雞皮放入乾鑊 , 用慢火慢慢煎至雞皮兩面金黃脆身

21. 盛起撕成細片 , 灑少許椒鹽當小食

22. 高速鍋煮完後會發出嗶嗶聲響 , 此時安全眼會凸出 , 用手向右排氣 

23. 當安全眼落下代表排氣完成 , 便可打開鍋蓋即可 




外貌似豬肉餅的雞肉餅 , 真係好味到袁生都大讚好味 , 肉餅永遠都係好送飯系列呢 ^^








22 則留言:

  1. 以前好多家庭都會蒸牛肉餅
    但以前係冇咁多急凍雞扒供應,若果將新鮮雞拆肉去做肉餅,相信大家都唔會咁做。
    雞肉餅,我都喜歡食。

    回覆刪除
  2. 高速煲真係好方便, 雞肉餅正啊! 👍🏻

    回覆刪除
  3. 用雞扒整肉餅掂呀

    回覆刪除
  4. 我鐘意呢個蒸飯呀

    回覆刪除
  5. 用雞肉整肉餅好有新意

    回覆刪除
  6. 我都要試下用雞肉整肉餅先得

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......