<美的破壁機BL1188食譜> 香滑腰果露

之前用左美的智能高速鍋後 , 袁太完完全全愛上了 , 今次就嘗試用美的其他產品去烹調美食 , 為大家介紹呢款美的破壁機(BL1188) , 以前因為家中有狗狗 , 所以好少會用此類產品 , 以前試過買簡單的攪拌機回家 , 一開機的聲音 , 狗狗已經吠都拆天 , 從此就不敢再用 ......



見到個破壁機 , 腦海就浮起好多好多需要攪拌來處理的美食 , 例如芝麻糊 , 豆漿 , 雪葩等等 ... 美的破壁機(BL1188)開封

第一樣整袁太至愛的甜品~腰果露~ , 平時好喜愛腰果的香味 , 閒時都會用黎煲下湯 , 炒下餸 , 或者用黎整小食 , 家中有破壁機 , 想整腰果露絕對好容易 , 袁太煮腰果露會加埋米漿一齊煮 , 米漿當然又係要破壁機幫手喇 , 除左米要預先浸一晚之外 , 烹調時間唔駛一陣已經攪掂個腰果露



袁太急不及待熱辣辣食一碗 , 嘩~~~真係好鬼好味 , 滑滑的口感 , 腰果味又香濃 , 好鬼滿意同滿足 , 細細聲話俾大家知 , 袁生平時唔太喜愛食中式糖水(除綠豆沙外) , 由其係呢類比較結撻撻既糖水 , 他就更加不喜歡 , 但袁生當晚足足食左兩碗 , 差點連袁太個份都想食埋 , 仲叫我快快再encore呢款糖水添 , 看來他真的好喜歡 , 喜歡既程度可能突然勁過袁太呢 ^^



材料 : 腰果 , 鹽 , 白米 , 水 , 冰糖 , 美的破壁機(BL1188) 

白米用水沖洗乾淨瀝乾水份 , 加1杯水份量浸過面靜待一晚 , 翌日將腰果用水沖洗放入煲內 , 加少許鹽 , 加水蓋過腰果面 , 用中火煮滾後瀝乾水份及抹乾 , 再放入油鑊內用慢火慢慢拌勻炸至腰果金黃色 , 盛起吸去油份備用

將米連浸米水放入美的破壁機內蓋上蓋 , 調較至豆漿功能 , 再按中間的開關製 , 會有時間顯示需時35分鐘 , 破壁機最後10分鐘會開始加速 , 完成後會發出啤啤聲 , 將按製調去關 , 米漿就完成

打完米漿 , 同樣將腰果放入破壁機內 , 加入2杯水份量 , 蓋上蓋調較至豆漿功能 , 再按中間的開關製 , 會有時間顯示需時35分鐘 , 期間將冰糖放入煲內加2杯水份量 , 用中火煮至冰糖溶備用 , 破壁機最後10分鐘會開始加速 , 完成後會發出啤啤聲 , 將按製調去關 , 腰果糊就完成

最後將米漿 , 冰糖水加入腰果糊內 , 蓋上蓋調較至豆漿功能 , 再按中間的開關製 , 會有時間顯示需時35分鐘 , 完成後即可

材料
腰果250g , 鹽 , 白米2湯匙 , 水 , 冰糖 , 美的破壁機(BL1188)



做法
1. 白米用水沖洗乾淨瀝乾水份 , 加1杯水份量浸過面靜待一晚 

2. 翌日將腰果用水沖洗放入煲內 , 加少許鹽 , 加水蓋過腰果面 

3. 用中火煮滾後瀝乾水份及抹乾 

4. 再放入油鑊內用慢火慢慢拌勻炸至腰果金黃色 , 盛起吸去油份備用

5. 將米連浸米水放入美的破壁機內蓋上蓋 , 調較至豆漿功能 

6. 再按中間的開關製 , 會有時間顯示需時35分鐘

7. 破壁機最後10分鐘會開始加速 , 完成後會發出啤啤聲 , 將按製調去關 

8. 米漿就完成

9. 打完米漿 , 同樣將腰果放入破壁機內 , 加入2杯水份量 

10. 蓋上蓋調較至豆漿功能 , 再按中間的開關製 , 會有時間顯示需時35分鐘 

11. 期間將冰糖放入煲內加2杯水份量 , 用中火煮至冰糖溶備用 

12. 破壁機最後10分鐘會開始加速 , 完成後會發出啤啤聲 , 將按製調去關

13. 腰果糊就完成

14. 最後將米漿 , 冰糖水加入腰果糊內 

15. 蓋上蓋調較至豆漿功能 , 再按中間的開關製 , 會有時間顯示需時35分鐘 , 完成後即可




因為加左米漿的關係 , 顏色唔同坊間的深啡色 , 而係淺啡色 , 但腰果味相當重 , 好香好滑呢 ^^