[阿華田 x 美的破壁機BL1188食譜] 牛奶麥精燕麥饅頭

唉 ... 部電話係咪開始有問題呢 ??? 袁太一向都係用手機的app影食譜相 , 最近發現經常會自動delete幾張相 , 攪到某d食譜的相唔完整 , 激死 ......



唔知大家平時有冇飲開阿華田的產品呢 ??? 其實袁太細細個開始已經喜歡阿華田 , 有時去茶記的飲品都係配熱華田架 , 所以前排收到阿華田的產品 , 袁太都不知幾開心 , 可以日日沖飲品嘆同用有關產品煮野 , 袁太一向有個習慣 , 由細細個已經開始 , 無論沖咩熱飲 , 例如熱牛奶 , 阿華田朱古力飲品 , 都喜愛加燕麥片拌勻 , 袁生有時都問點解一定要加燕麥 , 我都唔知架 , 可能兒時已經慣左 , 好難改呢



講番今日的主題 , 平時袁太好少會為袁生準備早餐 , 因袁太一向都冇食早餐的習慣 , 多數都係落街買個包俾袁生就算 , 不過見有阿華田牛奶麥精飲品 , 大大樽 , 用黎整個早餐俾袁生都好喎 , 所以就決定整個饅頭俾袁生做早餐 , 當然會加埋燕麥落去喇 , 大家有冇發覺袁太平時好少會上傳包類的食譜 ??? 因袁太一向搓麵糰唔叻 , 不過而家有美的破壁機呢個好幫手 , 將材料放晒入破壁機內 , 按製將材料拌勻成麵糰 , 拎出黎搓兩搓就得 , 起初一路搓 , 發酵 , 定型都覺得好似唔太成功 , 但好彩最後蒸出黎好靚 , 發到好大 , 一個饅頭配杯熱咖啡就成為袁生的早餐呢 ^^



材料 : 中筋麵粉 , 酵母 , 即成燕麥片 , 牛奶 , 阿華田牛奶麥精飲品 , 鹽 , 麵棍 , 刮刀 , 美的破壁機(BL1188)

即成燕麥片放入碗內 , 加50ml水拌勻 , 放入美的破壁機內 , 逐一加入中筋麵粉 , 鹽 , 酵母 , 阿華田牛奶麥精飲品 , 牛奶 , 蓋上蓋按點動打數分鐘成麵糰狀

取出麵糰用手搓成光滑 , 加少許即食燕麥片再搓 , 搓成不黏手的光滑麵糰 , 放入大碗內內 , 蓋上保鮮紙靜待1小時

1小時後用麵棍將麵糰壓平 , 卷起再切一份份 , 每個鋪上牛油紙 , 放入煲蓋上蓋靜待45分鐘或發大至兩倍大 , 放入電蒸鍋內蓋上蓋蒸25分鐘即可

材料
中筋麵粉300g , 酵母5g , 即成燕麥片2湯匙 , 牛奶180ml , 阿華田牛奶麥精飲品2湯匙 , 鹽1茶匙 , 麵棍 , 刮刀 , 美的破壁機(BL1188)



做法
1. 即成燕麥片放入碗內 , 加50ml水拌勻

2. 放入美的破壁機內 , 逐一加入中筋麵粉 , 鹽 , 酵母 , 阿華田牛奶麥精飲品 , 牛奶 

3. 蓋上蓋按點動打數分鐘成麵糰狀

4. 取出麵糰用手搓成光滑 , 加少許即食燕麥片再搓 , 搓成不黏手的光滑麵糰 

5. 放入大碗內內 , 蓋上保鮮紙靜待1小時

6. 1小時後用麵棍將麵糰壓平 

7. 卷起再切一份份 , 每個鋪上牛油紙 , 放入煲蓋上蓋靜待45分鐘或發大至兩倍大 

8. 放入電蒸鍋內蓋上蓋蒸25分鐘即可 




雖然製作過程的步驟圖好似失敗 , 但蒸完出黎大大個饅頭好靚仔 , 不過袁生話乾左少少 , 可以再有進步的空間呢 ^^