炸茄子 & 炸南瓜 <附食譜>

突然好口癢想食炸物

我知袁生喜愛炸茄子，一於買條茄子回家炸炸

另外雪櫃有南瓜，炸埋佢喇

去開街市又同賣菜姐姐吹水，姐姐知袁太會炸食物

亦由於姐姐同奶奶一樣係印尼華橋，就推介一包炸粉俾我

係東南亞材料店有得買

仲話用呢種粉炸出來好脆喎，唔係係咪真係咁好味呢  

【炸茄子 & 炸南瓜】

窩蛋免治牛肉煲仔飯 <附食譜>

點解 ??? 點解呢 ??? 

呢幾日天氣已經回暖不少，但反而想食熱辣辣的煲仔飯 

究竟我係咪Shot鬼左呢 

大家放心，袁太都不知幾正常，其實唔止係我架 

原來袁生都想食煲仔飯呢

本來想整滑雞飯，但袁生又話想食牛肉飯喎 

我當然照袁生意思去整牛肉飯 ，其實牛肉飯大家都愛食 

不過唯一一樣不同的是 

袁太喜愛窩蛋，即係就咁打落去同飯拌勻一起食 

但可惜袁生唔喜愛生蛋呢 

所以一人讓一步，將雞蛋整成半生熟，咁大家都唔會有問題喇。

【窩蛋免治牛肉煲仔飯】

臘味蔬果生菜包 <附食譜>

前陣子聖誕節，除夕，元旦的日子

食得太多食物落小肚子，唔知肥左幾多磅

所以係時候要煮清清地的蔬果做晚餐，為身體減減壓呢

而生菜包就係袁太的首選

雖然話係生菜包，但如果齋用蔬果又驚驚袁生唔喜歡

大家知喇，我家袁生有益的食物唔多好

冇益的食物就來者不拒，有時真係俾佢激死  

講番生菜包先

除左蔬果外，仲加左香口的蝦干同菜甫

另外仲有秋冬至愛的材料，臘潤腸  

咁究竟呢個生菜包係健康還是油膩呢 ???

 【臘味蔬果生菜包】