唔知大家兒時喜唔喜愛茄汁豆呢 ???
印象中記得細個媽咪經常整來做晚餐
其實話就話整 , 只不過係買罐頭回家再加熱 ......
一碟茄汁豆已經可以送到一碗飯
不過人大了 , 漸漸唔喜愛買罐頭 (除午餐肉同五香肉丁 ^^)
心想~~~
茄汁豆難唔難整呢 ??? 整的過程會唔會好繁複呢 ???
唔理咁多 , 浸左黃豆先算
當袁生見我浸黃豆以為有豆漿飲
但原來我係用來整茄汁豆 , 袁生立即破口大罵
"黐左線呀 , 超市有得買喎 , 駛咩咁辛苦自己整呀"
超 ...... 你老婆我知超市係有得賣 , 但我唔喜愛買罐頭呀
吹咩 ~~~
當買好茄汁豆材料後 , 又想想究竟簡單茄汁豆送飯
還是加其他材料一起煮好呢
心中有幾個選擇 : 煮魚柳 , 煮雞翼 , 煮豬肉
袁生選擇了豬肉 , OK , 就買兩條豬腩肉回家
茄汁豆俾我想像中容易煮 , 加埋豬肉一齊燴
好味又好送飯 ^^
材料 : 豬腩肉 , 黃豆 , 蕃茄 , 洋蔥 , 茄汁
黃豆浸水3小時至軟身後瀝乾水份 , 蕃茄洗淨切細粒 , 洋蔥切細粒備用
燒滾水 , 加入薑片 , 蔥段 , 紹酒拌勻 , 放入豬腩肉用中火出水10分鐘 , 盛起待涼切件
加入調味料拌勻煮滾 , 放入豬腩肉蓋上鑊蓋用中火炆15分鐘
材料豬腩肉2條 , 黃豆 , 蕃茄3個 , 洋蔥1個
調味料茄汁2湯匙 , 鹽 , 糖 ,胡椒粉 , 水
做法1. 黃豆浸水3小時至軟身後瀝乾水份
2. 蕃茄洗淨切細粒 , 洋蔥切細粒備用
3. 燒滾水 , 加入薑片 , 蔥段 , 紹酒拌勻
4. 放入豬腩肉用中火出水10分鐘 , 盛起待涼切件
5. 燒紅鑊 , 將豬腩肉煎至兩面金黃色 , 盛起放在廚紙上吸取過多油份
6. 原鑊爆香洋蔥至微黃色 , 再加入蕃茄爆香至軟身
7. 加入調味料拌勻煮滾 , 放入豬腩肉蓋上鑊蓋用中火炆15分鐘
8. 開蓋加入黃豆及少許水拌勻
9. 蓋上蓋滾後轉慢火煮30分鐘至汁料半收乾及黃豆腍身即可
有茄汁豆做晚餐 , 袁太可以食到兩碗飯呢 ^^
袁太，你心情平伏了嗎？不過我知道...這些傷痛不容易抹去，慢慢來吧！加油 ~
回覆刪除唔知係咪小高媽中式化，我細個真係無點樣吃過茄汁豆，o係大過出街吃西式早餐時先吃到，但我對茄汁類食品都係一般般，反而對豬腩肉好感興趣，好吸引 ~
小高 , 袁生袁太心情已平伏了 , 多謝關心 ^^ , 我同小高相反 , 反而細個成日食 , 大過就冇咩點食 , 因為袁生同小高一樣唔太愛茄汁食物呢 , 袁生都只係食左腩肉 , 豆豆全部我食晒
刪除好味呀
回覆刪除兒時最愛 ~yummy~
刪除我細個果時就最愛茄汁豆, 加雞肉腸+煎太陽蛋~~~
回覆刪除我都好愛加隻靚靚太陽蛋 , 哈~~~
刪除好勁啊, 其實我全家只有我一個人食焗豆咋, 所以出街食飯, 如果有我都會點黎食架... 哈哈. :)
回覆刪除咁我下次整焗豆的時候 , 預埋妳個份喇 , 妳過來食又得 , 我速遞俾妳都得 , 得左 ^^
刪除我老公都鍾意食茄汁豆~但係我就麻麻哋呢~
回覆刪除咁呢個餸咪唔啱黃師奶胃口囉 ><
刪除可唔可以走豆呀。細個都仲會食，大咗見到就怕怕。（怕咗腍的豆）😓
回覆刪除cici叫到當然可以走豆喇 , 但點解會怕腍的豆豆既 ???
刪除