2015年2月6日 星期五

自製茄汁豆燴豬肉




唔知大家兒時喜唔喜愛茄汁豆呢 ???

印象中記得細個媽咪經常整來做晚餐

其實話就話整 , 只不過係買罐頭回家再加熱 ......



一碟茄汁豆已經可以送到一碗飯

不過人大了 , 漸漸唔喜愛買罐頭 (除午餐肉同五香肉丁 ^^)

心想~~~

茄汁豆難唔難整呢 ??? 整的過程會唔會好繁複呢 ???

唔理咁多 , 浸左黃豆先算



當袁生見我浸黃豆以為有豆漿飲

但原來我係用來整茄汁豆 , 袁生立即破口大罵

"黐左線呀 , 超市有得買喎 , 駛咩咁辛苦自己整呀"

超 ...... 你老婆我知超市係有得賣 , 但我唔喜愛買罐頭呀

吹咩 ~~~



當買好茄汁豆材料後 , 又想想究竟簡單茄汁豆送飯

還是加其他材料一起煮好呢

心中有幾個選擇 : 煮魚柳 , 煮雞翼 , 煮豬肉

袁生選擇了豬肉 , OK , 就買兩條豬腩肉回家

茄汁豆俾我想像中容易煮 , 加埋豬肉一齊燴 

好味又好送飯 ^^

 

材料 : 豬腩肉 , 黃豆 , 蕃茄 , 洋蔥 , 茄汁




黃豆浸水3小時至軟身後瀝乾水份 , 蕃茄洗淨切細粒 , 洋蔥切細粒備用





燒滾水 , 加入薑片 , 蔥段 , 紹酒拌勻 , 放入豬腩肉用中火出水10分鐘 , 盛起待涼切件





燒紅鑊 , 將豬腩肉煎至兩面金黃色 , 盛起放在廚紙上吸取過多油份 , 原鑊爆香洋蔥至微黃色 , 再加入蕃茄爆香至軟身 










加入調味料拌勻煮滾 , 放入豬腩肉蓋上鑊蓋用中火炆15分鐘






 
開蓋加入黃豆及少許水拌勻 , 蓋上蓋滾後轉慢火煮30分鐘至汁料半收乾及黃豆腍身即可









材料
豬腩肉2條 , 黃豆 , 蕃茄3個 , 洋蔥1個

調味料
茄汁2湯匙 , 鹽 , 糖 ,胡椒粉 , 水



做法
1. 黃豆浸水3小時至軟身後瀝乾水份

2. 蕃茄洗淨切細粒 , 洋蔥切細粒備用

3. 燒滾水 , 加入薑片 , 蔥段 , 紹酒拌勻

4. 放入豬腩肉用中火出水10分鐘 , 盛起待涼切件 

5. 燒紅鑊 , 將豬腩肉煎至兩面金黃色 , 盛起放在廚紙上吸取過多油份

6. 原鑊爆香洋蔥至微黃色 , 再加入蕃茄爆香至軟身  

7. 加入調味料拌勻煮滾 , 放入豬腩肉蓋上鑊蓋用中火炆15分鐘

8. 開蓋加入黃豆及少許水拌勻

9. 蓋上蓋滾後轉慢火煮30分鐘至汁料半收乾及黃豆腍身即可
 




有茄汁豆做晚餐 , 袁太可以食到兩碗飯呢 ^^



12 則留言:

  1. 袁太,你心情平伏了嗎?不過我知道...這些傷痛不容易抹去,慢慢來吧!加油 ~
    唔知係咪小高媽中式化,我細個真係無點樣吃過茄汁豆,o係大過出街吃西式早餐時先吃到,但我對茄汁類食品都係一般般,反而對豬腩肉好感興趣,好吸引 ~

    回覆刪除
    回覆
    1. 小高 , 袁生袁太心情已平伏了 , 多謝關心 ^^ , 我同小高相反 , 反而細個成日食 , 大過就冇咩點食 , 因為袁生同小高一樣唔太愛茄汁食物呢 , 袁生都只係食左腩肉 , 豆豆全部我食晒

      刪除
  2. 我細個果時就最愛茄汁豆, 加雞肉腸+煎太陽蛋~~~

    回覆刪除
  3. 好勁啊, 其實我全家只有我一個人食焗豆咋, 所以出街食飯, 如果有我都會點黎食架... 哈哈. :)

    回覆刪除
    回覆
    1. 咁我下次整焗豆的時候 , 預埋妳個份喇 , 妳過來食又得 , 我速遞俾妳都得 , 得左 ^^

      刪除
  4. 我老公都鍾意食茄汁豆~但係我就麻麻哋呢~

    回覆刪除
  5. 可唔可以走豆呀。細個都仲會食,大咗見到就怕怕。(怕咗腍的豆)😓

    回覆刪除
    回覆
    1. cici叫到當然可以走豆喇 , 但點解會怕腍的豆豆既 ???

      刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......