成功還是失敗 ??? <附迷你銅鑼燒食譜>

大家還記得袁太新年的時候整過紅豆蓉嗎 ???

用剩的紅豆蓉一直放在冰箱冷藏好幾天了

本來想整豆沙燒餅，但又突然想整銅鑼燒

結果燒餅銅鑼燒決鬥唔駛一分鐘

袁太判了銅鑼燒獲勝。。。哈 

一般情況下想食銅鑼燒，都會去心心餅店買回來 

因食過好幾間，還是覺得心心最好

其實我都唔係抱咁大期望會整得美麗同好味

 

果然不出我所料，樣貌可以話麻麻地>< 

但味道方面袁生話好味喎，咁即係成功定失敗呢 ??? 

【迷你銅鑼燒】

遺忘了。。。<附新年南乳炆齋食譜>

昨晚清理電腦食譜照片的時候，發現。。。

原來漏了Post炆齋食譜

所以要將時光倒流到大年初一呢 ><

呢個齋菜係袁太媽咪負責整

其實以前一向係婆婆整開，婆婆過世後媽咪接手 

我曾經問過媽咪，係咪跟婆婆做法去整，媽咪話係

咁即係一代轉一代，我真係要記低做法

再由我去轉下一代 (嘩 ... 好大責任呢) ^^ 

【新年南乳炆齋】

金金黃黃之南瓜素翅海鮮湯 <附食譜>

新年的時候，幾乎全部賀年炸物都係金金黃黃

對於袁太來說，湯水亦唔例外

想湯水金黃的話，南瓜絕對係首選 

印象中我家大爺袁先生係唔喜愛南瓜湯

因南瓜煲出來甜甜呢

但當加上海鮮粒用素翅的話，感覺大不同

袁生自然乖乖飲多幾碗

【南瓜素翅海鮮湯】

賀年食譜 <附炸芋蝦食譜>

又繼續post賀年食譜，冇辦法喇，新年實在有太多野整呢

我諗未來一星期都係賀年食譜的世界，

希望大家唔好介意^^

今次食譜主題"炸芋蝦"

整芋蝦的材料只需芋頭同芫茜就可以開工

每個芋蝦都炸到金金黃黃

由於唔係人人都喜愛芫茜 

所以袁太整左有芫茜，冇芫茜兩款 

袁生愛沒有芫茜，袁太就相反喜愛有芫茜那邊

【炸芋蝦】

2014第二糕 <附足料蘿蔔糕食譜>

新年先來病，唔通個天都唔鍾意我 >_< ???

其實由年三十早上已經開始作病了

食藥食到今日依然未好，真係由蛇年病到馬年呢

今早起床仲失聲添，不過現在已經開聲了，但聲音仲好沙同微弱

袁生話袁太呢幾日把聲好溫柔喎

等我喉嚨好番之後，一定會再吱吱喳喳麻袁生呢 ^^

新年所有糕糕對我來說，蘿蔔糕就一定唔可以沒有

自從婆婆過身之後，已經再食唔到好味的蘿蔔糕了

以往媽媽偶然會整，但始終冇婆婆咁好味

所以今年決定自己整，袁太由年廿六開始整

到今日為止整左十底，一底俾左奶奶，兩底俾左姐姐同姐夫

其他的俾左媽咪同自己呢

不過食食下已經得番半底，如果唔係病左的話

我一定會繼續整 

【足料蘿蔔糕】

 

新年大發糕

今早突然想起新年點解唔食發糕呢 ???

寓意成年都發 . 發 . 發 . 

幸好家中有材料 , 唔需要再落街買的關係

咁事問袁太點可以唔整呢

知但係 ...... 袁太呢個係馬拉糕還是發糕呢

因樣貌似馬拉糕 , 但味道似發糕 , 哼 ......