邪惡。。。 豬油撈飯 <附食譜>

豬油呢種食材唔知大家對佢有咩睇法呢 ???

以前的簡簡單單有一碗豬油撈飯已經好開心，現在的我們又驚膽固醇超漂，心血管病等等 ... 不過偶然食一次半次都冇所謂既，記得好多年前係大榮華食過一次，當時的我覺得其實都唔係話好好味姐，點解咁多人都講到好似極品

昨日好偶然的機會下，突然 ...

本身去豬肉檔只係買半肥瘦豬肉回家，點知位豬肉哥哥俾左一大舊肥膏我，心諗我只係要下面瘦肉來煮餸，但掉左D肥膏又好似好浪費，所以心中團火又燃燒了，決定自己炸豬油，整豬油撈飯做晚餐

炸豬油的時候，見到係咁出油，真係好恐怕呢，但那邊箱又覺得好香喎，炸好的豬油可以放埋一邊待涼，豬油渣又可以留來炒菜，煮好熱辣辣的白飯放入乞兒兜內，淋上豬油，再加上醬油膏(因家裡冇頭抽)

嘩。。。好好味道呢

見到都怕怕的一大堆肥豬肉

材料 : 超肥。肥。肥豬肉，白飯，醬油膏或頭抽

做法 :

1. 肥豬肉切成方型Size，放入熱水煮1分鐘盛起瀝乾水份

2. 鑊中(不落油)先爆香肥豬肉(約1分鐘)，再轉細火慢慢煮至迫出油份

3. 煮至肥豬肉變成微黃色及每粒肥豬肉Size收細一半即可撈起豬油待涼 

4. 白飯煮好後放入兜內，淋上豬油及醬油膏即可

 

今次的自家製豬油撈飯真係好美味呢，袁太都食左兩碗，豬油渣放係雪櫃留待明天炒菜。