2013年1月30日 星期三

蘋果木耳紅棗湯 <附食譜>

自從做完手術之後因為醫生話暫時唔好飲湯水,所以最近少左煲湯就算煲都只係煲俾袁生飲但醫生前幾日打俾袁太,話其實有款湯水可以煲黎飲下~好野~終於可以飲湯喇但唔知啱唔啱我口味呢 ???



呢款湯水就係蘋果木耳湯,全部都係我喜愛的材料實在太開心 

 

醫生講左呢款湯水有好多益處架,但袁太已經唔記得晒總知對我身體好就冇問題喇我自己本身好鬼鐘意木耳,但袁生就唔多好成日話D木耳好硬我都同佢講過無數次,D木耳唔係硬,係爽但佢始終都係唔信,死都話係硬唉 ... 佢鐘意點諗就點諗,最重要佢都肯飲就OK !

2013年1月29日 星期二

棉花蒸豬肉卷,蘑菇肉醬焗茄子 <附食譜>

突然間好想食腐皮竹雞扎,但袁生好似唔鐘意食腐皮喎,而我暫時又唔可以食雞,唔通咁就要放棄 ???

其實我想食雞扎莫過於都係想食入面的魚肚同火腿姐
,只要變一變,轉一轉材料咁就冇問題喇,既然唔可以食雞,唯有轉豬將袁生唔食的腐皮竹改成腩片,而入面照舊包魚肚同火腿,卷埋之後攞去蒸,好簡單就完成一碟餸



另一方面,袁生之前講過想食肉醬茄子既然袁生開到口,我呢個貼心好老婆當然唔會Say No不過整好晒材料,放入焗爐前先發覺原來屋企冇晒芝士咁唯有走芝士,應該唔會有太大問題

雖然味道都好好
,但始終冇芝士總是唔完美何況袁生平時係一個芝士怪但袁生今次居然食唔出袁太根本冇加芝士 !

2013年1月28日 星期一

棉花糖綠茶蛋糕 <附食譜>

記得上年中秋節的時候買左1大包綠茶粉都未用完,再唔用埋的話唔通要等今年中秋節先再用咩,所以要諗諗計有咩新攪作其實最簡單莫過於用黎整蛋糕何況袁生一向都鐘意食綠茶味的食物不過普普通通一個綠茶蛋糕,又好似冇咩新意喎


最近袁太上網見到有好多Blog友都整有關棉花糖的食物攪到袁太都心思思想買包棉花糖添
,其實如果焗個綠茶蛋糕再係蛋糕面上加好多好多棉花糖就算味道唔討好,起碼賣相一定會靚靚先不過其實味道一定唔會差



因我覺得綠茶的清香,再加棉花糖脆脆地甜甜地的味道應該會好夾我相信呢個一定會係甜到入心的甜品 !

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......