香蒜蝦米辣菜甫

大家喜歡菜甫嗎 ??? 袁太好喜歡架 , 可能因為袁太呀爹係潮州人的關係 , 菜甫真係由細食到大 , 最愛簡單的菜甫煎蛋及甜菜甫 , 配飯拌粥都好好味 , 不過可惜我家袁生唔太愛食菜甫 , 所以平時都好少烹調菜甫菜式 , 但是發現雪櫃還有好多菜甫 , 應該係之前媽咪拎俾袁太 , 要想辦法清左佢 ......

[早餐之選] 濃蕃茄餐蛋通粉

 

唔知大家有冇去過中環好出名個間大排檔食蕃茄牛肉通呢

其實袁太一直都好想去

但可惜袁生係一個唔愛蕃茄的人 , 叫佢搭車陪我去食當然係妙想天開

[簡單方便午餐] 火腿絲腸仔太陽蛋一丁麵

呢兩日簡直超夜訓 , 大家唔好以為袁太有好多節目

只不過係屋企hea下 , 睇下電視 , 上下網 , 唔經唔覺都去到凌晨四點幾

以往假期我一定會落街買早餐

但朝早實在訓到不醒一事 , 起床的時候已經日上三竿了

天氣又落下毛毛雨 , 風亦都頗大 , 更加想懶床唔起身呢

就算不願起床 , 都要吃東西 , 晚餐的材料可以晏d先去買

但午餐又怎麼辦好呢 ???

好簡單姐 , 只要家中有一丁麵就已經足夠了

不過家中只有豬骨味 , 沒有我至愛的麻油味 >< (但豬骨味都好味道呢^^)

隨便開雪櫃 , 有雞蛋 , 有腸仔 , 還有火腿 , 只欠缺午餐肉

想為一碗麵加材料完全沒有難度

同袁生一人一碗 , 食完再去攪攪豬

咁多位 , 袁太又要眠一眠先 , 早抖 , 明天見

[簡單料理之加餸篇] 煎荷包蛋 & 吉列炸午餐肉

唔知大家平時煮晚餐的時候 , 有冇突然覺得唔係好夠餸呢

袁太好多時都會加餸

想加餸好簡單 , 只要家中有雞蛋同午餐肉就可以了

加餸一 : 煎荷包蛋由細到大都喜愛吃 , 蛋黃一定要流出來

唔可以熟 , 而袁生就反而喜愛熟蛋喎

煎好的蛋淋上豉油就可以 , 簡單又美味 , 唔知大家喜愛邊類型的煎蛋呢 ???

加餸二 :  午餐肉亦係我至愛食物

童年時喜愛切完就吃 , 到大個就喜愛切片乾煎或炒蛋

不過今時今日就喜愛一個新食法  ~吉列炸~

唔知大家有冇試過用吉列方式整午餐肉呢 , 脆卜卜 , 真係好好味架

好簡單將午餐肉沾上麵粉 > 蛋漿 > 麵包糠後落鑊炸就可以

簡單又美味 , 大家有興趣可以試下

骨付腸

之前同袁生去過一間日本料理店，叫左一碟叫"骨付腸"的東西 

好明顯係一條條有骨的腸仔，我地兩公婆都覺得幾好味 

不過一碟得個4條，都成差不多五十個大洋，其實好似都幾貴 

點知袁太前幾日經過吉吉島，去吉吉島的原因，最主要係買狗糧俾BB 

但居然俾我發現有骨付腸賣，1包有5條，都係$20.9 

雖然係急凍既，但都買左包番屋企試下 !

 
做法好簡單 : 
首先將包骨付腸解凍，係骨付腸的頂部位置的骨位包上錫紙 

焗盤放上錫紙，將每條骨付腸灑上少許黑椒粒後平放在錫紙上 

焗爐用200C預熱10分鐘，將骨付腸放入焗爐用200C焗約8分鐘 

取出後放在鑊中用慢火再煎約3分鐘即可

 

雖然買現成骨付腸，一定冇日本料理店食咁好味，但味道都好好架 

起碼袁生覺得好味就得喇 !