腐竹薏米糖水 <附食譜>

最近天氣真係好凍，除左打邊爐取暖，偶然都要煲糖水滋潤一番，而今次選擇的糖水係"腐竹薏米糖水"，本身想加湯丸或雞蛋，鵪鶉蛋等等 ... 

但袁生覺得材料已經足夠，無需要再添加喎，因本身薏米都夠飽肚，另外再加上白果一齊煲，只係食一碗都飽到嘔了，而且材料有益，雖然好飽，但袁太都食左兩大碗咁多。

清湯蘿蔔牛腩 <附食譜>

天氣涼了，係時候整煲煲暖胃，首選一定係蘿蔔牛腩，袁生的至愛，不過整次前都要去街市觀察有冇靚靚牛腩，去牛肉檔見到有靚靚牛坑腩，買左一大舊，五十大洋都唔駛，好便宜喎

雪梨乾蘋果羅漢果茶 <附食譜>

天氣漸漸開始涼了，喉嚨亦開始乾涸，乾咳，喉嚨痛都出現了，所以又到滋潤飲品的時候，秋涼季節莫過於用雪梨，蘋果煲水飲，見雪櫃有羅漢果，一於用來煲羅漢果茶，再加上薏米 

七味椒鹽豆腐 <附食譜>

哈。 。。哈。。。 今晚又來椒鹽食譜，最近真係好喜愛整炸物做晚餐，一來香口，二來唔會太飽肚，不過最主要原因係因為袁生常常扭計要食炸蒜，所以整炸物就最好不過了，今次除左用椒鹽外，仲加左一樣材料 "七味粉"

香茜牛肉腸 <附食譜>

自從上次整腸粉俾袁生做早餐後，成日都問我何時再整腸粉，見今日終於得閒，又再一次挑戰自家製腸粉，不過今次唔同上次了，上次整蝦米腸，今次就整袁生另一至愛"牛肉腸"，希望會成功

枝竹馬蹄羊腩煲 <附食譜>

今日天氣真係好凍，大風之餘再加落雨，真係凍到我DD震囉，不過好好彩我今日放假，可以留在家休息休息，每逢天氣涼的時候，第一時間會整火鍋做晚餐，不過我今次選擇整羊腩煲，因為街市已經開始有羊腩賣了，急不及待買左一磅半回家

韓式炒年糕 <附食譜>

前幾日袁生突然想食韓國小食，其實點先算係韓國小食呢 ??? 炒年糕，炒粉絲算唔算呢 ??? 一於唔理，整炒年糕喇，因我地兩公婆都喜愛炒年糕，隱約記得好多年前整過一次，當然只係吉吉島買現成年糕醬包，整出來味道感覺不太好，從此不敢想嘗試了，所以今次就用韓式辣椒醬，白雪雪的年糕回來烹調

今次只係用大半包年糕份量去整，雖然賣相唔係太好，但勝在好味道，下次再整的話一定加多少少辣椒醬先得 !

一蝦兩食 <附炸蝦春卷 + 椒鹽蝦頭食譜>

繼上次好成功地烹調椒鹽九肚魚後，袁生再次叫我整椒鹽食譜俾佢做宵夜，但唔好彩地我已經為袁生準備左春卷了，係用大大隻蝦做的春卷，係魚檔老闆介紹，叫黃金蝦喎

簡簡單單將蝦去殼，用春卷皮包去炸就可以了，係咪好容易呢，另外呢種蝦的蝦頭係有膏架，如果掉左佢好浪費姐，一於整個椒鹽蝦頭，咁咪可以滿足袁生的要求囉，不過唔係個個人都喜愛食蝦頭，希望袁生唔會抗拒喇

一蝦兩食的宵夜話咁快完成，唔該俾杯酒我 ^v^