太子@十六座車仔麵

昨日同袁生去旺角買地板 , 不過買地板前去花墟睇下野先

行完花墟就去附近花園街搵下野填肚

平時好少行個邊 , 唔行唔知原來花園街都幾多野食

有點心店 , 有日本店 , 有餃子館 , 有越南菜 , 又有普通茶餐廳

行左兩個圈最終選擇了這間 ......

12.06 袁太生日太快樂

12.06係一個大日子，唔係相識週年，唔係結婚週年，而係袁太的生日呀~~~雖然又大一歲，但點都要慶祝下，今年同往年一樣照舊去食宵夜自助餐 

 

兒時回憶@Shatin Inn Rest

<Shatin Inn Rest>，唔知大家有冇去過呢度食野呢 ???

記得細細個的時候，一家四口(阿爹，媽咪，家姐同我)，大約每兩個星期的星期日，總是一家開開心心由爹地揸車由屋企出發，去食lunch，以前的時代喜愛去這些古舊的地方食野多過去酒樓飲茶，但自從拍拖，做工後，唔好話一家人揸車周圍去外，就連見面飲茶都少了

其實我一直都再想去食，但奈何要約齊人真係一件好難的事，所以見某日夜晚得閒，就同袁生提議不如去Shatin Inn食野，袁生"OK"，因袁生從未去過，但冇車喎，可以點去呢 ???

所以就膽粗粗打去問下，點知接電話的小姐好好禮貌，以下係袁太同職員對話 :

職員 : ~喂~

袁太 : 係咪Shatin Inn呀 ???

職員 : 係，有咩可以幫到妳

袁太 : 我想問下妳地餐廳地址係邊呀 ???

職員 : 大埔道7咪半 ，妳係咪揸事黎 ???

袁太 : 唔係呀，所以打黎問下有咩其他車可以到達

職員 : 妳會係邊個地區過黎 ???

袁太 : 深水土步

咁個職員就教我可以係深水土步邊度搭巴士，係邊個站落車，然後點樣行，唔駛好耐，袁太已經到步了，不過唔知係咪平日的關係，晚上七點幾去到食到大約九點鐘，都係得一兩枱的客人，而食物方面，雖然冇以前的咁好食，但都唔太差，我就最喜愛古古舊舊的餐廳，職員有禮貌，座得耐又唔會摧妳走，不過就比較多蚊左D !

大大個Shatin Inn牌，餐牌款式唔算太多

   

袁生居然唔飲酒

叫完食物袁生例牌係度打機

店內環境古舊~I Like It~

晚上七點幾，但沒有太多客人

一定要飲的珍多冰，還記得以前好好飲架，但現在就比較淡味

碟的款式同以前沒有改變

袁生點了~加多加多~，味道唔錯，有我至愛的蝦片

袁生又點了~巴東椰汁辣椒牛肉，味道不及其他的印尼餐廳咁好味，有少許硬

袁太指定要食炒河，呢間炒河真係咁多年味道不變，~正~

至愛串燒出場了，羊肉，豬肉每款5串，醬汁超好味

袁生好似食得好滿足咁喎

大家有興趣可以去試下

九龍灣 -- IKEA

前幾日由於要幫奶奶買窗簾，所以又係去宜家的時候，臨出門口前，袁太又同袁生講，如果去宜家買野，我又要去宜家食野，起初袁生都唔想去宜家食架，因為驚多人，唉 ... 事問新年的日子，又點到地方係冇人既呢 ???

就算去其他地方食都要等位，如果你唔去的話，咁你自己去買，我唔去喇，就係咁，袁生只有無奈就範，去到宜家的時候，都大約下午一點幾，亦係最多人的時候，都等左好耐先有位座，仲要係二人枱添，咁就可以慢慢食，慢慢同袁生傾下計 !

今次總共食左六碟食物

包括 :
軟包 + 牛油 + 果醬 (麵包唔係太軟，有少少硬)
 

煙三文魚沙律 + 芥末醬 (袁生至愛，唔太啱我)
 

新年特定(撈起)，新年的時候，點可以唔食撈起呢，攞個意頭都好
 

 

燒牛肉拌薯仔，D牛肉好似好好味咁喎，不過可惜而家唔食得牛肉，唯有只可以睇住袁生食~慘~
 

肉丸係我的至愛，真係食極都唔厭架
 

甜品方面有瑞典杏仁餅，雖然覺得甜左少少，但杏仁味好突出，好味道，下次一定要再ENCORE
 

 

袁太同食物影緊相的時候，袁生只顧住打機
 

到袁太諗住開始食野的時候，原來俾袁生偷影左一張相都唔知